ლალი ჩხიკვაძე

თმის ცვენასთან გასამკლავებლად მხოლოდ გარეგანი კოსმეტიკური საშუალებები არ არის საკმარისი. ორგანიზმში ვიტამინებისა და მინერალების ბალანსის აღდგენამ შეიძლება გავლენა მოახდინოს თმის დაკარგვის პროცესზე. თმის ცვენა შეიძლება გამოწვიოს სტრესმა, ჰორმონულმა პრობლემებმა, ვიტამინებისა და მინერალების ნაკლებობამ. ძლიერი თმის ცვენისას მნიშვნელოვანია არა მხოლოდ პროცესის შეჩერება, არამედ ახალი თმის ზრდის ხელშეწყობა.

შეიძლება თუ არა თმის ცვენის შეჩერება?

რა თქმა უნდა, თუ ადამიანმა უბრალოდ განიცადა სტრესი და დაკარგა თმა, მაშინ მისი აქტიური ზრდის აღდგენა საკმაოდ რეალურია. მაგრამ ჩვენ ვსაუბრობთ მამაკაცური სიმელოტის უფრო სერიოზულ პრობლემაზე, რომლის დროსაც თმა თხელდება და შემდეგ საერთოდ წყვეტს ზრდას. სამწუხაროდ, ეს პროცესი შეუქცევადია და ვერანაირი გარეგანი საშუალებით – სხვადასხვა ეთერზეთითა თუ სასწაულმოქმედი ნიღბით – ვერ შეჩერდება.

ჯანმრთელი ადამიანების თმის თითქმის 90% აქტიური ზრდის ფაზაშია.

მამაკაცის სიმელოტის მკურნალობა და საშუალებები

მამაკაცის სიმელოტის მკურნალობის ორი ძირითადი გზა არსებობს:

1. მედიკამენტური მკურნალობა. ტარდება კურსი, შედეგი ჩანს 6-10 თვეში. კურსი შეირჩევა ინდივიდუალურად, ტრიქოლოგის მიერ გასინჯვის შემდეგ. ასეთი თერაპიით შეიძლება რეკომენდებული იყოს ინიექციები, ნიღბები, მასაჟები, წამლები, ლაზეროთერაპია. მედიკამენტური მკურნალობა ძირითადად მიმართულია არსებული თმისა და თმის ფოლიკულების შენარჩუნებისა და გაძლიერებისაკენ. თუმცა ზოგიერთი ტიპის სიმელოტის დროს თმის ცვენა შეიძლება ისევ გაგრძელდეს მკურნალობის დასრულების შემდეგ.

თუ თმის ცვენის ადგილებში (სრული სიმელოტის ან შეთხელების ზონებში) თმა არ იზრდება ექვსი თვის ან მეტი ხნის განმავლობაში, მაშინ მედიკამენტური მკურნალობა ნაკლებად ეფექტურია იმისათვის, რომ ამ ადგილებში თმა ამოვიდეს, რადგანაც ფოლიკულები, საიდანაც თმა უნდა გაიზარდოს, ამდენი ხნის განმავლობაში შეიძლება განადგურდეს.

2. თმის გადანერგვა. ის გულისხმობს თმის გადანერგვას არამელოტი უბნებიდან (დონორი) ალოპეციის ზონამდე. პროცედურა ტარდება ქირურგიულად ან არა ქირურგიულად. ტრანსპლანტაციის შედეგები შეიძლება მნიშვნელოვნად განსხვავდებოდეს. კერძოდ, FUT თმის გადანერგვის ტრადიციული მეთოდი უაღრესად ტრავმულია, რომლის დროსაც ზოგადი ანესთეზიით პაციენტის კეფის მიდამოდან თმიანი კანის ზოლი ჩანერგილია მიკროსექციებით წარმოქმნილ არხებში. FUT-ის ეფექტურობის მაჩვენებელი დაახლოებით 50%-ია.

ნაკლებად ტრავმული FUE მეთოდით, დონორის მიდამოდან ამოღებული კანით (გრაფტებით) თმის მცირე შეკვრა ინერგება მიკრონაჭრებად. ასეთი გადანერგვით ნაწიბურებიც ყალიბდება, მაგრამ არც ისე შესამჩნევი და დიდი. როგორც პრაქტიკა გვიჩვენებს, უნაკერო გადანერგვის მეთოდის შედეგის ეფექტურობა 80%-მდეა.

თმის არაქირურგიული გადანერგვის თანამედროვე პროცედურა HFE ტექნოლოგიით გულისხმობს საჭრელი ინსტრუმენტების ნაცვლად 0,6-0,8 მმ მიკრონემსების გამოყენებას. გადანერგვა ტარდება ადგილობრივი ანესთეზიის ქვეშ. პროცედურას რამდენიმე საათი სჭირდება: პირველ ეტაპზე ექიმი პაციენტის თავის უკანა მხრიდან იღებს დონორ მასალას, მეორე ეტაპზე პრობლემურ ზონაში თმას უნერგავს. თმის დაახლოებით 90% ნარჩუნდება.

თმის გადანერგვის სხვადასხვა მეთოდს აქვს თავისი ჩვენება და უკუჩვენება და შეიძლება კომბინაციაც იქნეს გამოყენებული.

თმის აღდგენის მეთოდის არჩევისას, პირველ რიგში, უნდა გაარკვიოთ მათი ცვენის მიზეზი, რაც მოითხოვს ტრიქოლოგის კონსულტაციას. პირველ ეტაპზე ორგანიზმში საკვები ნივთიერებების ბალანსის აღსადგენად ინიშნება ვიტამინ-მინერალური კომპლექსები და სხვა პრეპარატები.

როგორც წესი, პირველი, რის გაკეთებასაც იწყებს ადამიანი, რომელიც თმის ცვენის პრობლემას აწყდება, არის ყველა სახის თერაპიული ნიღაბი. მაგრამ ეს გზა იშვიათად იძლევა ხელშესახებ შედეგებს და დრო გადის. რაც უფრო მეტხანს სძინავთ თმის ფოლიკულებს, მით ნაკლებია მათი გაღვიძების შესაძლებლობა. ამიტომ ბრძოლა თმის გადასარჩენად და თმის ცვენის შესაჩერებლად უნდა დაიწყოს ექიმთან ვიზიტით და მიზეზის გარკვევით.