შესაძლებელია თუ არა ინსულტის პრევენცია?
გზების ცოდნა.
ინსულტის რისკ-ფაქტორები იზრდება ასაკთან ერთად, მაგრამ მათ ნებისმიერ დროს შეიძლება გავლენა იქონიონ ნებისმიერ ადამიანზე. მიუხედავად ამისა, ინსულტის ეროვნული ასოციაციის თანახმად, ინსულტის 80 პროცენტის პრევენცია შესაძლებელია.
ინსულტი ვითარდება მაშინ, როდესაც ტვინს არასაკმარისი სისხლი მიეწოდება. მსხვილი სისხლძარღვები, რომლებიც ტვინში მიდის, შეიძლება დაიბლოკოს, რაც თავის ტვინში სისხლის მიწოდებას აჩერებს. ამ ტიპის ინსულტს იშემიური ინსულტი ეწოდება. ინსულტის სხვა შემთხვევებში, ტვინის ქსოვილის ირგვლივ სისხლძარღვები შეიძლება გასკდეს, რასაც ჰემორაგიული ინსულტი ეწოდება.
მნიშვნელოვანია გვახსოვდეს, რომ ყველა სახის ინსულტი საჭიროებს სასწრაფო სამედიცინო მკურნალობას.
აქ მოცემულია ნაბიჯები, რომელთა გადადგმაც შეგიძლიათ ყოველდღიურ ცხოვრებაში, რათა თავიდან აიცილოთ ინსულტი.
Სწორი კვება - ჯანსაღი კვება გულისხმობს გაჯერებული ცხიმებით, ტრანს ცხიმებითა და ნატრიუმით (მარილით) მდიდარი საკვების შეზღუდვას ან რაციონიდან ამოღებას.მნიშვნელოვანია ბოსტნეულის, ხილის და ცილების ბალანსი. ასევე, დარწმუნდით, რომ თქვენს დიეტაში არის ბოჭკოთი მდიდარი საკვები, როგორიცაა ლობიო, მთლიანი მარცვლეული. ეს ცვლილებები დაგეხმარებათ შეამციროთ ქოლესტერინის დონე და თავიდან აიცილოთ მაღალი წნევა. ჯანსაღი ჩვევები დაგეხმარებათ შეამციროთ სიმსუქნის რისკი და შეინარჩუნოთ ჯანსაღი წონა.
მეტი მოძრაობა - არ უნდა იყოს მაღალი ინტენსივობის ვარჯიში. ყოველდღიური 30 წუთიანი სიარულიც კი დაგეხმარებათ ინსულტის თავიდან აცილებაში.
შეწყვიტეთ სიგარეტის მოხმარება - მოწევას შეუძლია გააორმაგოს ინსულტის განვითარების რისკი.
მიიღეთ ზომები ალკოჰოლის მიღების შესაზღუდად - დღეში ორ ჭიქაზე მეტი ალკოჰოლური სასმელის დალევით თავს აყენებთ ინსულტის მნიშვნელოვნად მაღალი რისკის ქვეშ.
დაიცავით ქოლესტერინის დონე - ქოლესტერინის დონის შემოწმება არის მარტივი სისხლის ტესტი, რომელსაც შეუძლია ბევრი რამ გამოავლინოს ინსულტისა და გულის დაავადებების რისკის შესახებ.
მართეთ მაღალი წნევა.
ყურადღება მიაქციეთ გულის დაავადებებს - წინაგულების ფიბრილაციამ, ისევე, როგორც სხვა გულის დაავადებებმა, როგორიცაა კორონარული არტერიის დაავადება, შეიძლება გაზარდოს ინსულტის რისკი.
ყურადღება მიაქციეთ დიაბეტს - თუ დიაბეტი გაქვთ, უნდა დარწმუნდეთ, რომ რეგულარულად ამოწმებთ სისხლში შაქრის დონეს.
პრევენციის გეგმის შემუშავებისას აუცილებელია ექიმთან კონსულტაცია და მასთან ერთად გარკვეული ზომების მიღება.