საინტერესო ექსპერიმენტი არაქისის კარაქის დახმარებით - შეიძლება თუ არა არაქისის კარაქის ტესტმა დაადგინოს ალცჰაიმერის დაავადება
ფლორიდის უნივერსიტეტის მკვლევარებმა ჩაატარეს არაქისის კარაქის სუნის ტესტი, იმ იმედით, რომ აღმოაჩენდნენ კავშირს ყნოსვის დაკარგვასა და ალცჰეიმერის ადრეული სტადიის გამოვლენას შორის. მათი კვლევა გამოქვეყნდა Journal of the Neurological Sciences-ში.
ამჟამინდელ ტესტებს, შეუძლიათ დაადასტურონ ალცჰაიმერის დიაგნოზნი. მეცნიერებს კი სურთ წინასწარ განსაზღვრონ, თუ რომელი პაციენტები დაავადდებიან ალცჰეიმერის დაავადებით და ამის განხირციელებისთვის კი ცდილობენ შეისწავლონ მსუბუქი შემეცნებითი დარღვევის მქონე პაციენტები.
ტესტი ჩატარდა როგორც ჯანმრთელ პირებზე, ასევე:
ალცჰაიმერის დაავადები მქონე18 პირზე.
მსუბუქი კოგნიტური დარღვევის მქონე 24 პაციენტს.
დემენციის სხვა ფორმის მქონე 26 პაციენტზე.
არაქისის კარაქის სუნის ტესტი:
მკვლევარებმა თითოეულ ადამიანს სთხოვეს დაეხუჭათ თვალები, დაეხურათ პირი და ესუნთქათ მხოლოდ ერთი ნესტოს დახმარებით. მათ გახსნეს არაქისის კარაქის კონტეინერი და თანდათან მიუახლოვეს ადამიანებს, მისი სუნის შეგრძნობამდე. ამ მანძილის გაზომვის შემდეგ ისინი დაელოდნენ 90 წამს და გაიმეორეს პროცესი მეორე ნესტოზე.
ალცჰეიმერის დაავადებით დაავადებულთათვის მკვლევარებს მოუწიათ არაქისის კარაქის კონტეინერის მარცხენა ნესტოსთან საშუალოდ 10 სანტიმეტრით უფრო ახლოს მიტანა, ანუ მარცხენა ნესტოში ყნოსვა მნიშვნელოვნად იყო დაქვეითებული.
ეს ამ კვლევის საინტერესო ნაწილი აღმოჩნდა, ვინაიდან, ჩატარებულია უამრავი კვლევა, რომელიც აჩვენებს, რომ ალცჰეიმერთან დაკავშირებული დეგენერაციული პროცესი, როგორც წესი, იწყება თავის ტვინის მარცხენა მხარეს.
მკვლევარებმა, რომლებმაც გამოაქვეყნეს თავიანთი კვლევა განაცხადეს, რომ საჭირო იქნება შემდგომი კვლევები.
თუმცა, პენსილვანიის უნივერსიტეტში ჩატარებულმა სხვა შემდგომმა კვლევამ ვერ შეძლო ამ შედეგების გამეორება. მეორე კვლევითმა ჯგუფმა ვერ აღმოაჩინა განსხვავება ალცჰეიმერის დაავადების მქონე 15 პაციენტის ყნოსვის უნარებში(მარჯვენა და მარცხენა ნესტოს საშუალებით).