ვესტიბულური შაკიკი - თავბრუსხვევის გამომწვევი ერთ-ერთი მიზეზი
თუ ეს მოვლენა ხშირად მეორდება, მაშინ ამ მდგომარეობას ვესტიბულური შაკიკი ეწოდება. შაკიკი გავლენას ახდენს შიგნითა ყურში არსებულ ვესტიბულურ სისტემაზე (წონასწორობის ორგანო), შესაბამისად, აღინიშნება წონასწორობის დაკარგვა, კოორდინაციის დარღვევა, თავბრუსხვევა, ვერტიგო. ამას გარდა ვესტიბულურ შაკიკს შესაძლოა თან დაერთოს:
- მხედველობის დაქვეითება;
- მოძრაობების შესრულებისას დისკომფორტის შეგრძნება;
- თავისა და ყურის არეში ზეწოლის შეგრძნება;
- ტინიტუსი;
- გულისრევა, ღებინება;
- კისრის ტკივილი
შაკიკის გამომწვევი ზუსტი მიზეზი ცნობილი არ არის, თუმცა მეცნიერების ნაწილი მიიჩნევს, რომ ის დაკავშირებულია ნეირონებს შორის ელექტრული იმპულსების გადაცემის ცვლილებასთან, ხოლო ნაწილი მიიჩნევს, რომ შაკიკი შესაძლოა გამოწვეული იყოს სეროტონინის დონის ცვლილებასთან.
შაკიკის მაპროვოცირებელი ფაქტორებია:
- სტრესი;
- კოფეინი;
- ალკოჰოლი;
- ძილის ნაკლებობა;
- ხელოვნური გამოსხივება;
- ჰორმონალური ცვლილებები
ვესტიბულური შაკიკის სიმპტომების შესამსუბუქებლად სასურველია:
- ჯანსაღი კვება(იმ, პროდუქტების მიღებისგან თავის შეკავება, რომლებიც შაკიკს იწვევს);
- ფიზიკური აქტივობა;
- შეამციროთ სტრესის დონე