რომელ ორგანოთა სისტემაზე ახდენს სტრესი გავლენას და როგორია მისი გამოვლინებები
სტრესი შესაძლოა გამოვლინდეს როგორც ფსიქოლოგიური ეფექტებით, ისე ფიზიკურით.
ქრონიკული სტრესის სამიზნე სისტემებია:
- ცენტრალური ნერვული სისტემა;
- იმუნური სისტემა;
- საჭმლის მომნელებელი სისტემა;
- გულ-სისხლძარღვთა სისტემა;
- ენდოკრინული სისტემა
ცენტრალურ ნერვულ სისტემაზე სტრესის უარყოფითი ეფექტები შესაძლოა გამოიხატოს შემდეგი გამოვლინებებით:
- თავის ტკივილი - სტრესი შესაძლოა აღმოჩნდეს სხვადასხვა ტიპის (შაკიკის, დაძაბვითი თავის ტკივილის) მაპროვოცირებელი ფაქტორი;
- ინსომნია - სტრესის დროს გამოიყოფა ისეთი ჰორმონები, რომლებიც იწვევს აღგზნებას, რაც, თავის მხრივ, ძილის პრობლემებს იწვევს;
- დეპრესია;
სტრესი და იმუნური სისტემა:
გახანგრძლივებული, ქრონიკული სტრესისას ორგანიზმში ხდება ისეთი იმუნური ფაქტორების გამომუშავება, როგორიცაა პროანთებითი ციტოკინები, რამაც შესაძლოა ქრონიკული ანთება გამოიწვიოს. ეს კი ათეროსკლეროზის განვითარების რისკ-ფაქტორია.
გავლენა საჭმლის მომნელებელ სისტემაზე:
- იზრდება კუჭში მჟავის სეკრეცია;
- იცვლება ნაწლავის მიკრობიოტა;
- აღინიშნება ტკივილი მუცლის ღრუში
გულ-სისხლძარღვთა სისტემა:
სტრესისას იზრდება მაღალი არტერიული წნევის, გულის შეტევის, ინსულტის განვითარების რისკები
სტრესისას ასევე ირღვევა ენდოკრინული სისტემის ფუნქციონირება:
- ქვეითდება ინსულინის მიმართ მგრძნობელობა;
- სტრესისას გამოყოფილი ჰორმონი კორტიზოლი კი ხელს უწყობს მუცლის ღრუში ცხიმის დაგროვებას
ქრონიკული სტრესის მწვავე გართულება შეიძლება იყოს ტვინის სტრუქტურული ცვლილებები, რომლებიც იქვევს კოგნიტური ფუნქციების მნიშვნელოვან დაქვეითებას, მეხიერების გაუარესებას, სწავლის პროცესის გაძნელებას.