თინათინ გოცაძე

ერთ-ერთია სუ-ჯოკ-თერაპია, მე­თოდი, რომელიც ეფუძნება მტევნებსა და ტერფებზე არსებული ბიოლოგიურად აქტიური წერტილების გააქტივებას.

მოგეხსენებათ, მტევნები და ტერფები ადამიანის ორგანიზმის კონკრეტული ორგანოებისა და ორ­განოთა სისტემების პროექციებად გვევლინება.

ნებისმიერი სტრესის დროს ადამიანის კუ­ნთოვანი ტონუსი მკვეთრად იმატებს, სხეული თი­თქოს მთლიანად იკუმშება და ადამიანი მზად არის ნახტომისათვის ან კიდევ გაქცევისათვის. ასეთი დაძაბულობა უდიდეს დატვირთვას უქმნის გულს, იზრდება გულის შეკუმშვათა რიცხვი (რი­ტმი), ვიწროვდება სისხლძარღვები, იმატებს არ­ტერიული წნევა, სისხლის შედედების ფუნქცია აქტიურდება, ანუ ადამიანი მზად არის გასაქცევად ან შეტევისათვის.

სუ-ჯოკ-თერაპია და წყალი სტრესის წინააღმდეგ

ეს ორი საშუალება საჭიროა იმისათვის, რომ ადამიანმა თავი დააღწიოს ადრენალინის სიჭარბეს, ჰორმონისა, რომელიც ყოველთვის ინტენსიურად გამომუშავდება სტრესის დროს. ადრენალინი გამოიდევნება მხოლოდ კუნთოვანი დატვირთვით, სუნთქვითი ვარჯიშებითა და მცენარეული წარმოშობის პრეპარატების გამოყენებით.

ადამიანები ზოგჯერ მუდმივად სტრესულ სიტუაციაში არიან. ხშირად სტრესული მექანიზმის გამშვები მიზეზი ჩავლილია, ანუ აღარ არსებობს, მაგრამ ადამიანს მაინც არ შეუძლია მოდუნება და ჩვეულ რეჟიმში დაბრუნება.

სუ-ჯოკ-თერაპია სტრესის შემდეგ ძალთა სწრაფად აღდგენას უწყობს ხელს. მისი წყალობით ადამიანი სტრესული სიტუაციიდან სწრაფად გამოდის.

ამ თერაპიული მეთოდის შედეგები მეტად ეფექტურია.

• სტრესის დროს უნდა მოიხსნათ სამკაულები (ბეჭდები, საყურეები, სამაჯურები და ა. შ.). საქმე ისაა, რომ ენერგეტიკული მერიდიანები ადამიანის მთელ სხეულს კვეთს, სამკაულები კი, ჩვეულებრივ, ბლოკავენ აღნიშნულ ენერგიებს;
• შემდეგი ნაბიჯია მტევნების ერთმანეთზე სრესა – მტევანი მტევანზე ძლიერი მასირებით ისე უნდა სრისოთ, რომ სითბო შეიგრძნოთ;
• ამის შემდეგ ერთი ხელით მეორე მტევნის თითებს ძლიერად უნდა მოუჭიროთ, ისე, რომ კიდურები გულმკერდის დონეზე გქონდეთ დაფიქსირებული, მოჭერა სასურველია მანამ, სანამ თითები არ გაწითლდება. იგივე უნდა შეასრულოთ მეორე ხელით მეორე მტევნის თითებზე.

მნიშვნელოვანი მასაჟი

მარჯვენა ხელის დიდი (ცერა) თითით საათის ისრის მიმართულებით (ეს მეტად მნიშვნელოვანია, სწორედაც რომ საათის ისრის მიმართულებით) უნდა დაისრისოთ მარცხენა ხელისგული. ამ მეთოდით სტიმულირდება გულ-სისხლძარღვთა სისტემა და ყველა სასიცოცხლო მნიშვნელობის ორგანო, იმისათვის, რომ მათი ფუნქციობა გააქტიურდეს და ტონუსმა მოიმატოს. ხელისგული საგულდაგულოდ უნდა დაისრისოთ, რათა მასაჟის გარეშე არ დარჩეს მისი არც ერთი უბანი.

ნერვული სტრესის შედეგად ხშირად რჩება ბლოკები, რომლებიც ორგანოებისა და კუნთების სპაზმით ვლინდება. მასაჟის არასათანადოდ შესრულებისას ეს ბლოკები რჩება და ხელს უშლის ორგანიზმის ცალკეული სისტემების ნორმალურად ფუნქციობას. ამიტომაც არის ასე მნიშვნელოვანი საათის ისრის მიმართულებით ხელისგულის ყველა უბნის საგულდაგულოდ მასირება. იგივე უნდა შესრულდეს მეორე ხელის დიდი (ცერა) თითით მეორე ხელისგულზე.

ამ მასაჟიდან 5-10 წუთში ადამიანი მდგომარეობის მნიშვნელოვნად გაუმჯობესებას გრძნობს.

სტრესის დროს მოდუნებისათვის აუცილებელია დაჯდომა და ამოსუნთქვის პროცესზე ყურადღების კონცენტრირება. ამის შემდეგ კი თავის ნელ-ნელა მობრუნება მორიგეობით – ჯერ მარჯვნივ, შემდეგ კი მარცხნივ.

სტრესების გამო ადამიანებს ხშირად აწუხებთ უძილობა. ასეთ დროს რეკომენდებულია შემდეგი მეთოდი: უნდა დაწვეთ ზურგზე, სასურველია ბალიშის გარეშე, დახუჭოთ თვალები, ხელები მკერდზე გადაიჯვარედინოთ და მოეჭიდოთ საკუთარ მხრებს (სპეციალისტები ამ პოზას საკუთარი თავის ჩახუტებასაც უწოდებენ). ასეთ პოზაში უნდა დაყოვნდეთ გარკვეული დროით მანამ, სანამ არ იგრძნობთ ჩაძინებას. ეს პოზა უზრუნველყოფს ყველა სისტემის ჰარმონიზებას და ცენტრალური ნერვული სისტემის მოდუნებას.

უძილობისგან თავდაღწევის ერთ-ერთი ეფექტური მეთოდია „წყალზე სიარული“. ყოველ დილით წესად უნდა დანერგოთ გრილ წყალზე „სიარული“. ეს პროცედურა შეგიძლიათ შეასრულოთ როგორც აბაზანაში, ასევე ტაშტში. თუ გრილ წყალს ვერ ეგუებით, პროცედურები შეგიძლიათ თბილი წყლით დაიწყოთ და ყოველდღიურად წყლის ტემპერატურა ერთი გრადუსით შეამციროთ. პრაქტიკულად ერთ კვირაში საოცარ შედეგს იგრძნობთ – ჩაძინება აღარ გაგიჭირდებათ. პროცედურა 3 წუთს არ უნდა აღემატებოდეს, მისი დასრულებისთანავე კი საჭიროა ფეხების ჩათბუნება თბილ იატაკზე ინტენსიური სიარულით ან ფეხების მასირებით, რასაც ნატურალური ქსოვილის წინდების ჩაცმა უნდა მოჰყვეს. ამ მეთოდით, გარდა იმისა, რომ გაიკაჟებთ სხეულს, ნერვული სისტემის მოდუნებასაც მიაღწევთ.

სტრესის დროს გამოყოფილი ადრენალინის ორგანიზმზე ნეგატიური ზემოქმედების შესამცირებლად, სპეციალისტები გვირჩევენ ერთი ჭიქა თბილი წყლის დალევასაც. ეს ხელს უწყობს ადრენალინის თირკმელებით გამოდევნას.