იმპოსტერის ფენომენი - რატომ ჩნდება და ვის ემართება ის ყველაზე ხშირად
რომ ყველა გთვლით წარმატებულად? ფიქრობთ, რომ არ იმსახურებთ შექებას?- თუ ასეა, თქვენ შეიძლება განიცადოთ გუნება-განწყობის აშლილობა, რომელსაც ეწოდება იმპოსტერის სინდრომი.
ამ სინდრომით დაავადებული ადამიანები გრძნობენ, რომ ატყუებენ სხვა ადამიანებს წარმატების ისტორიით. მათ კი მიაჩნიათ, რომ მათი წარმატება იღბლის ან გარე ფაქტორების დამსახურებაა. მათ მუდმივად ეშინიათ დადანაშაულების, ფიქრობენ, რომ სხვები გაიგებენ მათ წარუმატებლობას. ისინი განიცდიან ძლიერ შფოთვას ამ სიტუაციის გამო.
ეს სინდრომი ცნობილი გახდა 1978 წელს, მას შემდეგ რაც ორმა კლინიკურმა ფსიქოლოგმა, სიუზან იმესმა და პოლინ როუზ კლანსმა ჩაატარეს კვლევა 150 ქალზე. დაფიქსირდა, რომ 150 ქალს, რომლებიც მონაწილეობდნენ კვლევაში, არ ჰქონდათ წარმატების შინაგანი გრძნობა, მიუხედავად კარგი პოზიციებისა, კარიერისა თუ განათლებისა და ვერ აფასებდნენ საკუთარ თავს იმ აზრის გამო, რომ ისინი რეალურად საკმარისად კარგები არ იყვნენ. იმპოსტერის სინდრომი უფრო ხშირად აღინიშნება ქალებში, რომლებმაც მიაღწიეს რაიმე წარმატებას.
ხშირად უარყოფითი ფიქრები ან განცდები უბიძგებს იმპოსტერის სინდრომის მქონე.
ხშირად უარყოფითი ფიქრები ან განცდები უბიძგებს იმპოსტერის სინდრომის მქონე ადამიანებს იდეალურად შეასრულონ მოვალეობები. დანაშაულისა და შიშის გრძნობა ძლიერდება მაშინ, როდესაც აქებენ, ენდობიან, აფასებენ, საპასუხისმგებლო საქმეს ანდობენ. შიში უბიძგებს მეტი პასუხისმგებლობით მოეკიდონ საქმეს, ხოლო მეტი პასუხისმგებლობა აძლიერებს დანაშაულის გრძნობას და შიშს.
იმპოსტერის სინდრომის მიზეზები:
მშობლების დამოკიდებულებები - ბავშვობაში მშობლების დამოკიდებულება გზას უხსნის იმპოსტერის სინდრომს.
წარმატების გადაჭარბებული შეფასება ან დაუფასებლობა - ეს სინდრომი შეიძლება გამოვლინდეს ზრდასრულ ასაკში, განსაკუთრებით იმ მშობლების შვილებში, რომლებიც ზედმეტად აფასებენ ან არ აფასებენ წარმატებას.
პერფექციონისტური მიდგომა - პერფექციონისტური აღქმა შეიძლება განვითარდეს გადაჭარბებული დაფასების შედეგად. ამ შემთხვევაში, ფიქრობენ, რომ სხვა ადამიანები საუკეთესოს და ყველაზე სრულყოფილს ელიან და ამჯერად თავს დამნაშავედ გრძნობენ, რომ სრულყოფილები არ არიან.
კრიტიკული მიდგომა - ბავშვის მიმართ მშობლების მუდმივად კრიტიკული მიდგომა ბავშვს აფიქრებინებს, რომ ის არ იმსახურებს ზრდასრულ ასაკში მიღწეულ წარმატებებს.
რეკომენდაციები იმპოსტერის სინდრომისთვის:
ამ სიტუაციის მიღება და გაცნობიერება პირველი ნაბიჯია.
შეწყვიტეთ საკუთარი თავის განსჯა.
მიეცით საკუთარ თავს შეცდომების დაშვების თავისუფლება. ისწავლეთ თქვენს შეცდომებზე, მაგრამ ნუ მისცემთ მათ უფლებას გავლენა მოახდინონ თქვენს ცხოვრებაზე.
ჩამოთვალეთ თქვენი მიღწევები. თუ თქვენს მიღწევებზე უარყოფითი აზრები მოგივიდათ, შეეცადეთ იპოვოთ ამის რეალური მტკიცებულება.
დააკვირდით რაში ხართ კარგი და ხშირად გაუმეორეთ ეს საკუთარ თავს.
გააკეთეთ სუნთქვითი ვარჯიშები.
ყურადღება მიაქციეთ გარშემომყოფთა მოსაზრებებს თქვენი მიღწევების შესახებ.
იმპოსტერის სინდრომის მკურნალობა:
იმპოსტერის ფენომენი არ არის დაავადება. მდგომარეობაა, რომელიც ცხოვრების გარკვეულ ეტაპზე, ნებისმიერმა ჩვენგანმა შეიძლება გამოსცადოს.
მკურნალობა მიმართულია პიროვნების ცნობიერების ამაღლების, თავდაჯერებულობის, თვითშეფასების და თანაგრძნობის უნარის გასავითარებლად. ეს ხელს უწყობს ცხოვრების ხარისხის ამაღლებას და ჯანსაღი ცხოვრების შენარჩუნებას.
