რა არის სტოკჰოლმისა და ლიმას სინდრომი და როგორია მათი გავლენა ურთიერთობებზე
ადამიანები პოზიტიურ ემოციებს ავლენენ იმ ადამიანების მიმართ, რომლებიც არ სცემენ მათ პატივს, ცუდად ექცევიან, მიმართავენ ფიზიკურ ან სიტყვიერ ძალადობას. თუ ეს ერთი შეხედვით არანორმალური სიტუაცია ნაცნობად გეჩვენებათ, შესაძლოა სტოკჰოლმის სინდრომი გქონდეთ. ერთად გავიგოთ ამ აშლილობის დეტალები.
მენტალური დარღვევები - სტოკჰოლმის სინდრომი
რა არის სტოკჰოლმის სინდრომი
სტოკჰოლმის სინდრომის დროს ადამიანს უჩნდება პოზიტიური გრძნობები იმ ადამიანების მიმართ, რომლებიც მას არასათანადოდ ეპყრობიან. ცდილობს დაეხმაროს მათ, დროის გასვლასთან ერთად იწყებს მათთვის უფლებების მინიჭებას. ეს მდგომარეობა გვხვდება არა მხოლოდ ტრავმულ მოვლენებში, როგორიცაა მძევლად აყვანა, თავდასხმა, არამედ ცხოვრებისეულ ურთიერთობაშიც. გარდა ამისა, ექსპერტები სტოკჰოლმის სინდრომის მიზეზად გადარჩენის ინსტინქტსაც მიიჩნევენ.
გარესამყაროსთან ყოველგვარი კავშირის დაკარგვის შემდეგ, მსხვერპლს ჯერ უვითარდება დამოკიდებულება, ფიქრობს, რომ მისი სიცოცხლე მისი დამტყვევებელის ხელშია. მაშინ ამ ადამიანის მიერ გაკეთებული მცირე სიკეთე უფრო დიდი ხდება მათ თვალში. მოგვიანებით,ადამიანები, გამომდინარე იქიდან, რომ არ სურთ თავდამსხმელთან ურთიერთობის დაკარგვა, იწყებენ მის მიმართ პოზიტიური გრძნობების გაჩენას. ფაქტობრივად, ეს ურთიერთობა, რომელსაც მსხვერპლი ამყარებს თავდამსხმელთან, არის არა მიზანმიმართული, არამედ გამოყენებული ძალადობის შედეგი. ფსიქოლოგები აღწერენ ამას, როგორც ტრავმული მიჯაჭვულობის პროცესს.
თავდამსხმელისთვის სიტუაცია ასეთია: მსხვერპლის მორჩილება საკმარისი არ არის, ის ასევე ცდილობს დაამტკიცოს საკუთარი სიმართლე. მას კი სურს მსხვერპლისგან პატივისცემა და მადლიერება მიიღოს. ფაქტობრივად, მისი მიზანია მსხვერპლი გახადოს მოხალისე და შეეცადოს საკუთარი თავის გამართლებას.
ეს სიტუაცია არ არის მხოლოდ რამდენიმე იზოლირებული მოვლენა ისტორიაში. ეს არის სიტუაცია, რომელიც არსებობს მრავალი სახის ურთიერთობებში. სტოკჰოლმის სინდრომმა შესაძლოა სხვადასხვა ფორმა მიიღოს და გამოვლინდეს უფროსისა და თანამშრომლის ურთიერთობაში, ქვეყნებს შორის ურთიერთობებში ან ოჯახურ ურთიერთობებში.
სტოკჰოლმისა და ლიმას სინდრომის ისტორია by mariam
სტოკჰოლმის სინდრომის სიმპტომები
სტოკჰოლმის სინდრომის განვითარების მიზეზი არის ის, რომ მსხვერპლს უვითარდება დრამატული მიჯაჭვულობა მისი მტანჯველის მიმართ. ქცევები, რომლებიც ვითარდება ამ მიჯაჭვულობის შედეგად, შემდეგია:
მადლიერების ინტენსიური გრძნობა მცირე სიკეთისთვის.
ძალადობისა და არასათანადო მოპყრობის იგნორირება.
საკუთარი თავის და სამყაროს შეფასება მოძალადის თვალით.
საკუთარი პერსპექტივის, ხედვის დაკარგვა.
მადლიერების გრძნობა მოძალადის მიმართ გადარჩენისთვის.
მოძალადის მსხვერპლად დანახვა, მის მიმართ ლოიალურობა და მისი ქმედებების გამართლების მცდელობა.
ძალადობის თავიდან აცილების მიზნით, მოძალადის სურვილების დაკმაყოფილების მცდელობა.
როგორ მკურნალობენ სტოკჰოლმის სინდრომს
არ არსებობს შემუშავებული ტესტი სტოკჰოლმის სინდრომის გასაზომად. დასკვნები კეთდება პაციენტის ისტორიის საფუძველზე. სტოკჰოლმის სინდრომი არ არის ნორმალური მდგომარეობა, მაგრამ ადამიანებმა ხშირად არ იციან ამ მდგომარეობის შესახებ. ასეთ შემთხვევებში რეკომენდებულია სპეციალისტის დახმარება. ძალიან მნიშვნელოვანია, რომ ინდივიდმა გაიაროს თერაპია, რათა გამოასწოროს მისი დამახინჯებული აღქმა და დაიბრუნოს დაკარგული ნდობის გრძნობა. მკურნალობის მეთოდი და პროცესი შეიძლება განსხვავდებოდეს პაციენტის ისტორიის მიხედვით.