აუმჯობესებს თუ არა მუსიკა ჯანმრთელობას და ცხოვრების ხარისხს?
მუსიკალური თერაპია პოზიტიურ გავლენას ახდენს ჯანმრთელობის გარკვეული მდგომარეობების მკურნალობის დროს.
მკვლევარები დიდი ხნის განმავლობაში აკვირდებიან თუ რა გავლენა აქვს მუსიკას ადამიანის ცხოვრების ხარისხზე. ბოლოდროინდელმა სისტემურმა მიმოხილვამ და მეტა-ანალიზმა აჩვენა, რომ აქტივობებმა, როგორიცაა მუსიკის მოსმენა, სიმღერა და მუსიკალური თერაპია, შეიძლება ფსიქიკური ჯანმრთელობის და ცხოვრების ხარისხის მცირე გაუმჯობესებას შეუწყოს ხელი. ამასთან, ადამიანების დამოკიდებულება მუსიკასთან შესაძლოა ინდივიდუალური იყოს და შეიცვალოს განწყობის, მდგომარეობის მიხედვით.
მუსიკის დადებითი ეფექტები მოიცავს: ჩაძინების პროცესის გამარტივებას,ხელს უწყობს მოტივაციის პოვნას(მაგალითად, ვარჯიშისას), აუმჯობესებს ემოციების გამოხატვის პროცესს.
რა არის მუსიკალური თერაპია
მუსიკალური თერაპია იყენებს მუსიკალურ ინტერვენციებს თერაპიული ჯანდაცვის მიზნების მისაღწევად. მუსიკალური თერაპია ხდება პაციენტსა და სერტიფიცირებულ მუსიკალურ თერაპევტს შორის. თერაპევტები იყენებენ ისეთ აქტივობებს როგორიცაა: სიმღერა, ინსტრუმენტებზე დაკვრის შესწავლა, სიმღერების წერა, მოძრაობა, ციფრული მუსიკის შექმნა მუსიკის მათი მიზანი ჯანმრთელობისა და ცხოვრების ხარისხის გაუმჯობესებაა. ამას გარდა, მიზნები მოიცავს: შფოთვის შემცირებას, ტკივილის აღქმის შემცირებას, ემოციების გამოხატვას, მოტივაციის პოვნას.
მუსიკის შერჩევა და შეთავსება ხდება განწყობასთან და ენერგიასთან.
მუსიკალური აქტივობის შესრულებისას პროცესში მთელი ტვინია ჩართული, რაც ქმნის პოტენციალს ტკივილის შემცირებისთვის, ყურადღების გაფანტვის შემცირებისთვის და კოგნიტური ფუნქციებისთვის.