მოცვი გულ-სისხლძარღვთა დაავადებების განვითარების რისკს ამცირებს - მკურნალი.გე

”მკურნალის” რედაქცია

"მოცვის რეგულარული მიღება თავიდან აგვაცილებს გულ-სისხლძარღვთა სისტემის დაავადებების განვითარებას და ხელს უშლის პრედჰიპერტონიის ჰიპერტონიაში გადასვლას", - წერს მკვლევარი სარა ჯონსონი.

კვლევაში მონაწილეობა მიიღო პოსტმენოპაუზის პერიოდში მყოფმა 48 ქალმა. მონაწილეები ორ ჯგუფად დაყვეს. პირველი ჯგუფის ქალები 8 კვირის განმავლობაში ღებულობდნენ 22 გრამ მოცვის ლიოფილიზირებულ ფხვნილს, რაც ერთი ჭიქა მოცვის ეკვივალენტია. მეორე ჯგუფის მონაწილეებს აძლევდნენ პლაცებოს.

მონაწილეებს, რომლებიც მოცვის ფხვნილს ღებულობდნენ, 8 კვირის შემდეგ სისტოლური არტერიული წნევა დაუქვეითდათ 5%-ით, ხოლო დიასტოლური 6,3%-ით. მათი სისხლძარღვები 6,5%-ით უფრო ელასტიური გახდა. სისხლში აზოტის ოქსიდის დონემ აიწია 68,5%-ით. აზოტის ოქსიდი ნაერთია, რომელიც აფართოებს სისხლძარღვებს და არტერიულ წნევას აქვეითებს.

ლალი ჩხიკვაძე

მოცვის ნაყოფი სიბნელეში მხედველობას აუმჯობესებს