დავეხმაროთ ერთმანეთს - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

დავეხმაროთ ერთმანეთს

ღრძილებს მუხის ქერქით უმკურნალეთ

შარშან ზაფხულს მთაში ვიყავი დასასვენებლად. იქიდან ქალაქში ჩამოსვლა ძნელია, ამიტომ ათასნაირი სამკურნალო საშუალება წავიღე თან. ჩემს მეგობარს ღრძილები აწუხებდა და სწორედ იქ გაუმწვავდა. პირის ღრუში და ლოყებზე გაუჩნდა მცირე ზომის წყლულები, რომლებიც საშინლად სტკიოდა. ჭამაც კი უჭირდა. გამახსენდა, რომ ჩანთაში დაფხვნილი მუხის ქერქი მედო და მოვუმზადე ნაყენი, რომელმაც ტკივილი და დისკომფორტი გაუქრო, მერე კი თბილისში დაბრუნებულმა, ცხადია, მკურნალობა სტომატოლოგთან გააგრძელა. ნაყენი ასე მზადდება:

  • 1 სუფრის კოვზ მუხის ქერქს დაასხით 1 ჩაის ჭიქა მდუღარე წყალი, შედგით ნელ ცეცხლზე და ადუღეთ 15 წუთის განმავლობაში. გადმოდგით ქურიდან, გააცივეთ და გადაწურეთ. გამოივლეთ პირში ნახევარ საათში ერთხელ.

ნაოჭების საწინააღმდეგო მათრობელა ნიღაბი

სახის მოვლა ყველა ქალისთვის უპირველესი ამოცანა უნდა იყოს, რათა რაც შეიძლება მეტხანს შეინარჩუნოს მომხიბვლელობა. მინდა შემოგთავაზოთ გამაახალგაზრდავებელი ნაზავის რეცეპტი. მის მომზადებას ორი კვირა მაინც სჭირდება, მაგრამ, მერწმუნეთ, ამად ღირს. ნიღბისთვის საჭიროა:

  • 1 სუფრის კოვზი გვირილის ყვავილი ან 2 პაკეტი გვირილის ჩაი, 1 ჩაის ჭიქა მშრალი თეთრი ღვინო, 1 კვერცხის გული, 1 ჩაის კოვზი თაფლი, 1 ჩაის კოვზი ზეითუნის ზეთი, პურის ფქვილი ან შვრია. გვირილას დაასხით ღვინო და გააჩერეთ ოთახის ტემპერატურაზე 2 კვირის განმავლობაში. კვერცხის გულს შეათქვიფეთ თაფლი და ზეთი და დაუმატეთ 1/2 სუფრის კოვზი ღვინის ლოსიონი. მიღებული ნარევი შეასქელეთ პურის ფქვილით ან შვრიით.

სახის კანი (კისერი, დეკოლტეს მიდამო) გაიწმინდეთ, დაისველეთ ლოსიონით და წაისვით ნიღაბი. გაიჩერეთ 10-15 წუთი და ჩამოიბანეთ თბილი წყლით, კანი ისევ გაიწმინდეთ ლოსიონით და წაისვით კრემი. ლოსიონი გამოიყენეთ დღეში 1-2-ჯერ, ხოლო ნიღაბი გაიკეთეთ კვირაში 2-3-ჯერ.

მასტოპათია სელმა მომირჩინა

მქონდა დიფუზური მასტოპათია. ოპერაციაზე უარი ვთქვი. ნაცნობმა მირჩია, მცენარეული საშუალებებით მემკურნალა და თვითონვე მომიტანა სხვადასხვა დროს ჟურნალ-გაზეთებიდან ამოჭრილი რეცეპტები. მათი მეშვეობით დავამარცხე დაავადება. ტკივილისა და წვის შეგრძნების მოსახსნელად ვიკეთებდი კომპრესებს და ვსვამდი ბალახების ნაყენს. ექიმმა, რომელმაც შეიტყო, რომ მცენარეებით განვიკურნე, მითხრა, ბედმა გაგიღიმა, რადგან ორგანიზმზე მცენარეთა ზემოქმედება ინდივიდუალურიაო. აი ჩემი რეცეპტი:

  • 1 ს/კ სელის თესლი 1 ჩ/ჭ წყალში წამოადუღეთ, შეაგრილეთ, დაასველეთ შიგ ბამბა და მტკივან ადგილას დაიდეთ.

გარდა ამისა, აღმოვაჩინე, რომ თუ სელის მარცვლებს ცოტაოდენ მდუღარე წყალს დაასხამთ და რამდენიმე საათით გააჩერებთ, გამოყოფს სასარგებლო ლორწოს. ეს დარბილებული მასა გაახვიეთ დოლბანდში და დაიდეთ მკერდზე. სასარგებლოა კომბოსტოს ფურცლის დაფენაც. ყოველ მეორე დღეს ვამზადებდი ასეთ ნარევს: წყალში გაქნილი ჭვავის ფქვილის ფაფას ვუმატებდი ალოეს წვენს ან გახეხილ ფოთლებს და თაფლს. პროპორციებს ზუსტი დაცვა არ სჭირდება. ასე ვიდებდი ყოველდღიურად ხან ერთ, ხან მეორე საფენს, თან ვსვამდი ძალიან გემრიელ წამალს, რომელსაც თავად ვამზადებდი:

  • 2 კგ ნიგოზს ვატარებდი ხორცსაკეპში, ვამატებდი ყავის საფქვავში დაფქულ კაკლის უღელს, 50 გ არყის ხის კვირტს და 1 ს/კ ასისთავას. ვურევდი, ვათავსებდი შუშის ქილაში, ვასხამდი 0,5 ლ არაყს, ვუმატებდი თითო სუფრის კოვზ თაფლსა და ალოეს წვენს. ვდგამდი 12 დღით, დროდადრო ვურევდი. ვიღებდი თითო საჩაროზე კოვზს დღეში 3-ჯერ. ნაზავი რომ გათავდება, რამდენიმე თვე უნდა შეისვენოთ და კურსი გაიმეოროთ.

მრავალი წლის განმავლობაში მაწუხებდა კანის მომატებული ცხიმიანობა. ცხიმიანი მქონდა შუბლი, ცხვირი, ნიკაპი, ზურგი და მკერდი. ეს ადგილები მუდამ სველს ჰგავდა, ცხიმისგან ბზინავდა. ცხიმოვანი ჯირკვლები ფორებგაფართოებული და მუქი საცობით - შავი ფერიმჭამელებით - დახშული იყო. ხშირად მიჩნდებოდა წვრილი ყვითელი კვანძები - თეთრი ფერიმჭამელები ანუ ცხიმოვანი კისტები. კანის ექიმმა ცხიმოვანი სებორეის დიაგნოზი დამისვა. მკურნალობისას ექიმის დანიშნულებასთან ერთად ძალიან მომიხდა ხალხური რეცეპტებიც: კანის ცხიმოვან ადგილებზე წაისვით ბადრიჯნის წვენი.

ცხიმოვანი კანი

  • აიღეთ: სამფერა ია - 2 გრამი, ოშოშა - 1 გრამი, სამკურნალო ვერბენა - 1 გრამი. 1 ს. კ. ნარევს დაასხით 1 ჭიქა ადუღებული წყალი, ჩადგით მდუღარე წყლის აბაზანაში 15 წუთით, დააყენეთ 45 წუთით. გაწურეთ და ცხიმიან ადგილებზე წაისვით.
  • მომინანქრებულ ჭურჭელში ჩაასხით 0,5 ლიტრი წყალი, შედგით ცეცხლზე, წყალში ჩაყარეთ 2-3 ს. კ. დაქუცმაცმებული კალენდულა. ადუღეთ ნელ ცეცხლზე 15 წუთის განმავლობაში. გაწურეთ. თბილ-თბილი ნახარშით გაიწმინდეთ ცხიმიანი ადგილები.
  • აქვე თმის ცვენისა და ქერტლის საწინააღმდეგო რეცეპტებსაც შემოგთავაზებთ, რადგან ეს ორი უსიამოვნო მოვლენა ხშირად ახლავს თან ცხიმოვან სებორეას: აიღეთ 100-100 გ ვირისტერფა და ჭინჭარი, დაასხით 1,5 ლ მდუღარე წყალი, გააჩერეთ 15 წუთი, გადაწურეთ, გაანელეთ ცივი წყლით და თმაზე გადაივლეთ.

ენტერიტის მკურნალობის საიდუმლო

ნაწლავების მძიმე დაავადება რომ მქონდა, შემთხვევით შევიტყვე. ყველაფერი იმით დაიწყო, რომ ხშირად მერღვეოდა საჭმლის მონელება - ხან ფაღარათი მაწუხებდა, ხან კი შეკრულობა. ამის გამო ბუასილიც გამიჩნდა. მოგვიანებით შევამჩნიე, რომ ჩემი ორგანიზმი ვერ იტანდა რძეს, ცხარე და ნოყიერ საკვებს. თანდათან მუცლის ტკივილიც დამჩემდა -  ჭამიდან 2-4 საათის შემდეგ ამტკივდებოდა ხოლმე, თანაც მუცელი მებერებოდა - თითქოს შიგნიდან რაღაც მჭრიდა. მივედი ექიმთან, ჩავაბარე ანალიზები, ჩავიტარე გამოკვლევა და აღმოჩნდა, რომ ქრონიკული ენტერიტი მჭირდა. ექიმმა ამიხსნა, რომ ამ დაავადებასთან შეგუება არ შეიძლება, რადგან, უსიამოვნო სიმპტომებს რომ თავი დავანებოთ, ქრონიკული ენტერიტის დროს წვრილ ნაწლავში სერიოზული ცვლილებები მიმდინარეობს, ირღვევა გადამუშავებისა და შეწოვის ფუნქცია, ანთებითი ცვლილებები მუდმივი ხდება, წვრილი ნაწლავი სუსტდება, კედელი უთხელდება. ასე რომ, შევუდექი მკურნალობას, მაგრამ არა ჩვეულებრივი, ტრადიციული მეთოდით, არამედ ბალახებით. უკვე რამდენიმე წელია, ასე ვმკურნალობ და ბედს არ ვუჩივი. აი ჩემი რეცეპტები:

  • 3 ს.კ. კრაზანას დაასხით 1/2 ჭიქა ადუღებული წყალი, ერთი საათით დააყენეთ და მიიღეთ მესამედი ჭიქა დღეში სამჯერ, ჭამამდე ნახევარი საათით ადრე. თუUგანავლოვანი მასები თხელია, კრაზანას ნაყენი 3-4 კვირაში გიშველით. ყაბზობისა და ბუასილის დროს კი ამ ნაყენს უნდა დაამატოთ 1 ჩ.კ. მინდვრის წალიკას (მატიტელას) არაყზე მომზადებული ექსტრაქტი: აიღეთ 2 ს.კ. ბალახი და დააყენეთ 100 გრამ არაყზე 12 დღის განმავლობაში.

სვით ეს წამალი 4 კვირის განმავლობაში, შემდეგ ერთი-ორი კვირა დაისვენეთ და კიდევ ერთი 4-კვირიანი კურსი ჩაიტარეთ.

თუ ჭორფლი გაწუხებთ

რაც თავი მახსოვს, სახე სულ დაჭორფლილი მაქვს. ეს ძალიან მაწუხებდა და წამოვიზარდე თუ არა, ჭორფლთან ბრძოლა დავიწყე. ამ ხნის განმავლობაში ჭორფლის საწინააღმდეგო უამრავი რეცეპტი დამიგროვდა. გაგაცნობთ მხოლოდ იმათ, რომელთა ეფექტიანობაც საკუთარ თავზე გამოვცადე:

  • 1 კონა ოხრახუში ხორცსაკეპ მანქანაში გაატარეთ და გაწურეთ. წვენს დაამატეთ იმავე რაოდენობის რძე და ეს ნარევი ყოველდღე შეიზილეთ სახეზე. გაიჩერეთ 15 წუთი, ჩამოიბანეთ ოთახის ტემპერატურის წყლით.
  • გაატარეთ ოხრახუში ხორცსაკეპ მანქანაში, აიღეთ 2 სუფრის კოვზი და 20-30 წუთით დაიდეთ პრობლემურ კანზე, შემდეგ ცივი წყლით ჩამოიბანეთ. ამის შემდეგ სახეზე წაისვით მკვებავი კრემი.
  • მოხარშეთ ოხრახუშის ძირები, შეურიეთ ლიმონის წვენი და წაისვით ლაქებზე დილა-საღამოს.
  • 1 ჩ/კ კალენდულის ყვავილს დაასხით 0,5 ჭიქა მდუღარე წყალი, შეფუთეთ და 40 წუთი გააჩერეთ. შემდეგ გადაწურეთ, დაამატეთ 1 ჩ/კ ხახვის წვენი და ამ ნარევით სახე დღეში რამდენჯერმე ჩამოიბანეთ.
  • აურიეთ ერთმანეთში თითო ჩაის კოვზი ხახვისა და ქორფა კიტრის წვენი და 1 ჩაის ჭიქა ცივი ანადუღარი წყალი. ეს ნარევი შეიზილეთ სახის კანში.
  • 1 ჩ/კ სტაფილოს წვენს დაუმატეთ 3-4 წვეთი ლიმონის წვენი. შეიზილეთ ნარევი სახის კანში დილა-საღამოს.
  • ყოველ დილით პირი მაწვნით დაიბანეთ.
  • კვირაში 2-3-ჯერ სახეზე 15 წუთით წაისვით 1 კვერცხის გული და 1 ჩაის კოვზი თაფლის ნარევი. ჩამოიბანეთ ცივი წყლით.
  • ნახევარ ჭიქა ნუშის გულს დაასხით 1 ჩაის ჭიქა მდუღარე. 3-5 წუთის შემდეგ წყალი გადაღვარეთ, ნუში კი გაატარეთ ხორცსაკეპ მანქანაში. მიღებულ ფაფას დაამატეთ ნახევარი ლიმონის წვენი და 1 სუფრის კოვზი ანადუღარი წყალი. კარგად ათქვიფეთ და გაიკეთეთ ნიღაბი 30 წუთით. შემდეგ დაიბანეთ.
  • 1 ლიმონის წვენი, 1 კვერცხის ცილა, 10 გრამი შაქარი, 100 მლ წყალი კარგად აურიეთ ერთმანეთში და 20-30 წუთით დაიდეთ დაბანილ სახეზე. პროცედურა ჩაიტარეთ დღეგამოშვებით. ნიღაბი მოიშორეთ თბილ წყალში დასველებული ბამბის ტამპონით.
  • ქორფა კიტრი წვრილად გახეხეთ, დაუმატეთ 1 სუფრის კოვზი ნებისმიერი მკვებავი კრემი, თუ ცხიმიანი კანი გაქვთ - იმავე რაოდენობის არაყი, გააჩერეთ 24 საათი. ამ სითხეში დაასველეთ დოლბანდი და დღეში ერთხელ დაიდეთ სახეზე. კურსი 30 ნიღაბია. კიტრის წვენი შეიძლება მომზადდეს შესანახადაც. ამისათვის 100 გრამ წვრილად დაჭრილ ახალ კიტრს დაასხით 100 მლ არაყი, 8-10 დღით დადგით სიბნელეში, შემდეგ გაწურეთ და თავდახურული ჭურჭლით შედგით მაცივარში. ძლებს 6 თვე.