სამყურა სტომატიტს შველის - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

სამყურა სტომატიტს შველის

"სამყურას ნაყენი, ნახარში საკმაოდ ბე­ვრი დაავადების სამკურნალოდ გამოიყენება, მათ შორის, სხვადასხვა მიზეზით გაჩენილი სტომატიტებისაც.

ნებისმიერი მიზნით გამოყენებისას უნდა გავითვალისწინოთ, რომ ის შხამიანია და აუცილებელია დოზების ზუსტი დაცვა. უმჯობესია, თუ მას სხვა მცენარეთა ნარევთან ერთად გამოიყენებთ. ლორწოვანი გარსის ანთებისას აუცილებელია მისი ნაყენის დამზადება, რომელშიც უნდა აურიოთ ტუხტის ფესვები და სამკურნალო გვირილა.

სტომატიტის მკურნალობის წესი კი ასეთია:

  • თანაბარი რაოდენობით ერთმანეთში არეულ სამყურას, გვირილასა და ტუხტის ფესვების 1 წილს უნდა დაუმატოთ 3 წილი სელის თესლი. აიღეთ 1 სადილის კოვზი მცენარეთა ნარევი და დაასხით 1 ჭიქა მდუღარე წყალი. გააჩერეთ 15 წუთი. შემდგომ თბილი ნაყენით გამოივლეთ პირი და ყელი დღეში რამდენჯერმე და აუცილებლად ღამე, ძილის წინაც. მკურნალობა აუცილებელია ლორწოვანი გარსის სრულად მოშუშებამდე, ეს ნაყენი ეფექტიანია ანგინის დროსაც."

ნანა სურმანიძე, ქობულეთი

  • სტომატოლოგიური წყლულები

პირის ღრუში გაჩენილ წყლულებს, განურჩევლად მიზეზისა, ხალხში სტომატიტად იხსენიებენ, თუმცა მედიცინაში ამ ტერმინს განსაზღვრული მნიშვნელობა აქვს - ის პირის ღრუს ლორწოვანი გარსის ანთებას გულისხმობს. სტომატოლოგიური წყლულების ნაწილი ლოკალურ პათოლოგიაზე მიგვანიშნებს, ნაწილი კი ორგანიზმის ზოგადი დაბინძურების მაუწყებელია. სტომატოლოგი ეკატერინე ზარქუა მოგვითხრობს, რას უკავშირდება პირის ღრუში წყლულთა მრავალფეროვნება და როგორ ვებრძოლოთ მათ.

  • ქალბატონო ეკა, რას გვეტყვით სტომატოლოგიური წყლულის ყველაზე გავრცელებულ მიზეზებსა და გამომწვევ ფაქტორებზე?

- პირის ღრუს ლორწოვან გარსს საკმაოდ კარგი დამცველობითი უნარი აქვს. სუსტი მექანიკური და ფიზიკური გაღიზიანება, რომელსაც იგი მუდმივად განიცდის, ამ უნარზე განსაკუთრებულ გავლენას ვერ ახდენს, უფრო ძლიერი გამღიზიანებლის ზემოქმედებისას კი პირის ღრუში განსაზღვრული ცვლილებები ვითარდება.

წყლულის წარმოშობის მიზეზი შეიძლება იყოს მექანიკური დაზიანება კბილის ბასრი კიდით, ამა თუ იმ ტიპის პროთეზით, კბილის ქვით, მყარი, ცხარე, ცხელი საკვებით და სხვა. ხანდაზმულებში ლორწოვანის დაზიანების მიზეზი ხშირად არის ქრონიკული ტრავმა, რასაც კბილის მაგარი ქსოვილების ცვეთით გამოწვეული თანკბილვის სიმაღლის შემცირება და ლორწოვანის ტურგორის დაქვეითება იწვევს. ამას ემატება ისიც, რომ ასაკოვნებს შენელებული აქვთ ნივთიერებათა ცვლა და რეგენერაციული პროცესი.

ტრავმული წყლული ტრავმის ადგილას, ხშირად ენაზე ან ლოყაზე მდებარეობს და ჭამისა და ლაპარაკის დროს ტკივილს გვაყენებს. ამ დროს ლორწოვანი გარსი შეშუპებული და გაწითლებულია, ჰიპერტროფირებულია ღრძილის დვრილები. მექანიკურ ტრავმას ხშირად ერთვის კატარული ანთება, რომელიც 10-14 დღე გრძელდება და გამღიზიანებლის მოცილების შემდეგ მალევე გაივლის, თუმცა არის შემთხვევები, როდესაც მწვავე ანთება ქრონიკულდება, ჩნდება მეორეული ინფექციის თანდართვის საშიშროება. ამ შემთხვევაში წყლული 2-3 თვეს და უფრო მეტხანსაც არ ხორცდება. წყლულებს იწვევს ინფექციური დაავადებები, ზოგიერთი სისტემური დაავადება (კუჭ-ნაწლავის ტრაქტის, გულ-სისხლძარღვთა, ნერვული სისტემის დაავადებები), ნივთიერებათა ცვლის დარღვევა (ჰიპო და ავიტამინოზები, ენდოკრინული სისტემის დაავადებები). პირის ღრუში ქსოვილოვანი დეფექტების წარმოქმნის მიზეზი ხშირად იმუნურ სისტემაშია საძიებელი.

სტომატიტი უფრო მეტად მათ ემართებათ, ვისაც ხშირად უწევს ემოციური და ფსიქიკური სტრესის გადატანა. მნიშვნელოვანი ფაქტორია არასწორი კვება, რაციონში B ჯგუფის ვიტამინების, ფოლიუმის მჟავას, სელენისა და რკინის დეფიციტი. ცალკე აღსანიშნავია ალერგიული რეაქციები. წყლულები ხშირია გარდატეხის ასაკში და ორსულობისას, რაც ორგანიზმში მიმდინარე ჰორმონულ ძვრებს უკავშირდება. სტომატიტს გენეტიკური მიდრეკილებაც განაპირობებს.

კითხვის გასაგრძელებლად გადადით ბმულზე https://mkurnali.ge/stomatologia/1554-stomatologiuri-tsylulebi.html