გულის აჩქარებას ასე ვუშველე
თავიდან ვფიქრობდი, რომ ეს მხოლოდ ფიზიკური დატვირთვის შედეგი იყო, შემდეგ მივხვდი, რომ თავისთავადაც მეწყებოდა.
კარდიოლოგიური და ენდოკრინული კვლევების ჩატარების შემდგომ ხელჩასაჭიდი ვერაფერი ვიპოვეთ, მაგრამ ყოველი გაზაფხულის მოსვლას უკვე შიშით ველოდი, ყველასთან ჩემს პრობლემაზე ვსაუბრობდი. ერთ დღესაც ჩემმა ბიძაშვილმა გულის ფორიაქისა და ქოშინის სამკურნალო მცენარეული პრეპარატების დალევა მირჩია, მისი რჩევა გავითვალისწინე და არც ვნანობ.
- წამლის მოსამზადებლად აიღეთ 10 ლიმონი და 10 საშუალო ზომის ნივრის თავი. გაატარეთ ხორცსაკებ მანქანაში და დაასხით 1 კგ თაფლი. ფართოყელიან ჭურჭელში მოთავსებული ნარევი, თავზე დოლბანდმოკრული, 7 დღე დადგით ბნელ ადგილას. 7 დღის შემდეგ უნდა მიიღოთ 4 ჩაის კოვზი ნარევი დღეში ერთხელ, ერთ ჯერზე, ასეე ძილის წინ, ოღონდ ერთბაშად კი არ უნდა ჩაყლაპოთ, ჯერ 1 კოვზი კარგად გაიჩერეთ პირში, ნელ-ნელა გაღეჭეთ და გადაყლაპეთ, შემდეგ მეორე, მესამე და მეოთხე.
მკურნალობის კურსი 2 თვეს გრძელდება, კატეგორიულად დაუშვებელია ამ ხნის განმავლობაში რომელიმე დღის ჩაგდება. ნარევი აუცილებლად ყოველდღე უნდა მიიღოთ.
ლ. თუთბერიძე, ზესტაფონი