შვებულების შემდგომი სინდრომი ნუღარ შეგაშინებთ
როდესაც დასვენების შემდეგ სამსახურში სიარული დიდ დისკომფორტს უკავშირდება, იმდენად დიდს, რომ ყოველივე ჯანმრთელობაზეც ნეგატიურად ისახება: ვლინდება უგუნებობა, შრომის უნარის დაქვეითება, არტერიული წნევის ცვლილება და დეპრესიული ეპიზოდები.
თუ ორგანიზმს დასვენების შემდგომ ჩვეულ ყოველდღიურ შრომით რიტმზე გადართვა უჭირს და ამაზე მწვავედ რეაგირებს, ეს სამკურნალო საშუალებები სწორედ თქვენთვის ყოფილა:
- აიღეთ 2 წილი მოცვის ნაყოფი, 3 წილი ჭინჭრის ფოთოლი და 3 წილი ასკილის ნაყოფი. დააქუცმაცეთ და შემდეგ ერთმანეთში აურიეთ. მცენარეთა ნაკრების 4 ჩაის კოვზს დაასხით ერთი ჭიქა მდუღარე წყალი, დააყენეთ 3-4 საათი და შემდეგ გაფილტრეთ. მიღებული ნაყენი უნდა დალიოთ ერთ დალევაზე. სასურველია, თუ მას დღეში 3-ჯერ მაინც დალევთ. მოცვი, ჭინჭარი და ასკილი მდიდარია იმ ნაერთებით, რომლებიც ორგანიზმს ძველ ენერგიასა და ამტანობას ისე უბრუნებს, რომ დეპრესია ვეღარაფერს აკლებს.
ეკა რ. თბილისი