ექიმები ხუმრობენ - მკურნალი.გე

დევი დევიძე

,

• ძაღლი სახლს მარტო მოაგნებს?!

მამაკაცი ურეკავს ვეტერინარს: ”იცით, რა, ახლა თქვენთან ჩემი სიდედრი მოვა პატარა ძაღლთან ერთად. ძალიან გთხოვთ, ყველაზე ძლიერმოქმედი შხამი მისცეთ. არ მინდა, საწყალმა დიდხანს იწვალოს...” ვეტერინარი: ”ადვილი საქმეა, მეგობარო, მაგრამ ძაღლი სახლს მარტო მოაგნებს?!”

• ზუსტად 456 თვის, ჩემო ბატონო

ექიმი კონსულტაციისთვის მისულ ქალს ეკითხება: ”ბოდიშს გიხდით, მაგრამ რამდენი წლის ბრძანდებით, ქალბატონო?” ” 26-ის, ექიმო”. ”ოცდაექვსის?!” ”დიახ, 26-ის და... კიდევ რამდენიმე თვის”? - ”მაინც რამდენი თვის?” ”ზუსტად 456 თვის, ჩემო ბატონო!”

• 1000 დოლარი სულაც არ არის სახუმარო საქმე

ფსიქიატრიული საავადმყოფოს მეორე სართულიდან მთავარი ექიმი და მორიგე ფსიქიატრი თვალს ადევნებენ ეზოში შეკრებილ პაციენტებს. ერთ-ერთი მათგანი რაღაც უხერხული მოძრაობებით ცდილობს გახოხდეს მიწაზე, დანარჩენები კი გულშემატკივრობენ. მთავარი ექიმი გაოცდა და მორიგეს სთხოვა გაეგო, რას აკეთებდნენ ავადმყოფები. მორიგე ფსიქიატრი ეზოში ჩავიდა და ორიოდე საათის შემდეგ სულ მთლად მიწაში ამოგანგლული დაბრუნდა უკან. ”ჩვენს პაციენტებს ახალი თამაში მოუგონიათ, - მოახსენა მთავარ ექიმს, - და ფსონსაც ჩამოსულან: მას, ვინც მიწაზე ცარცით გასმული ხაზის ქვეშ გაძვრება, 1000 დოლარს აძლევენ”. ”კეთილი, და თქვენ რაღა დაგემართათ? ” ”ეჰ, ბატონო პროფესორო, თქვენ კარგად ცხოვრობთ, ჩემთვის კი 1000 დოლარი სულაც არ არის სახუმარო საქმე!”

• ოთხი დღის სიცოცხლე დაგრჩენიათ

ექიმი პაციენტს ურეკავს: ”სამწუხაროდ, თქვენთვის ორი რამ მაქვს სათქმელი: ცუდი და ძალიან ცუდი. რომლით დავიწყო?” ”რაკი ასეა, მაშინ ცუდით”. ”იცით, თქვენმა ანალიზებმა აჩვენა, რომ სულ რაღაც ოთხი დღის სიცოცხლე დაგრჩენიათ”. ”ეშმაკმა დალახვროს, ამაზე უარესი რა უნდა იყოს?!” ”ამაზე უარესი ის არის, რომ უკვე მეოთხე დღეა, თქვენთან დაკავშირებას ვცდილობ!”

• მე მგონი, ჩემი ცოლი მამაკაცია

სვანი ფსიქოთერაპევტთან მივიდა. ”ექიმო, მე მგონი, ჩემი ცოლი მამაკაცია”. ”რატომ გგონიათ?” - დაინტერესდა ექიმი. ”რატომ და... ხელჩანთაში პრეზერვატივები ვუპოვე”.

• სამშობიაროში ჯადოქარი შეფრინდა

სამშობიაროში ჯადოქარი შეფრინდა და სამ ქალს თითო სურვილის შესრულებას შეჰპირდა. პირველმა - სხვა არაფერი მინდა, ოღონდ ჯანმრთელი ბავშვი გავაჩინოო, მეორემ - მე მოხერხებული და გონიერი შვილი მინდაო, მესამემ კი - დახვეწილი და თავაზიანი იყოსო. ჯადოქარმა შელოცვა წარმოთქვა და გაქრა. მცირე ხნის შემდეგ სამივე ქალს მუცელი ასტკივდა. პირველმა მალევე გააჩინა ჯანმრთელი გოლიათი ბიჭუნა. მეორესთან საქმე ცოტა გაჭირდა. ექიმებმა დახმარება გადაწყვიტეს და მაშები მოიმარჯვეს. ”მაშები მოაშორეთ! მე თვითონ გამოვალ!” - დაიყვირა დედის მუცლიდან ბავშვმა. მესამე ქალს კი მშობიარობა დიდხანს გაუგრძელდა. ექიმებმა საკეისროს გაკეთება გადაწყვიტეს. გაკვეთეს საშვილოსნო და რას ხედავენ: შიგნით ტყუპები სხედან და ერთმანეთს ეპატიჟებიან: ”გთხოვთ, მიბრძანდეთ”. ”როგორ გეკადრებათ, მხოლოდ თქვენს შემდეგ”. ”რას ბრძანებთ, ჯერ თქვენ!”

• ალო, ეს საავადმყოფოა?

ტელეფონი რეკავს და მამაკაცის ხმა კითხულობს: ”ალო, ეს საავადმყოფოა?” ”არა, მორგი”. ”ოჰ, მორგი ჩემთვის ჯერ ადრეა...” ”არა უშავს, გენაცვალე, დაგელოდებით...”

• ექიმების კონსილიუმი

ერთ კაცს მკითხავმა უთხრა, რომ მას კამათი შეიწირავდა. ცრუმორწმუნე მამაკაცი შეშინდა, სასწრაფოდ შეიცვალა ცხოვრებისადმი დამოკიდებულება, თავი დაანება უხეშობას, კამათს... გავიდა დრო. ერთხელ მამაკაცი ავად გახდა. მის საწოლთან ექიმების კონსილიუმი შეიკრიბა. ”აი, თურმე როგორ შეიძლება ახდეს წინასწარმეტყველება!” - გაიფიქრა ავადმყოფმა.

• ვიღაც განუწყვეტლივ დამდევს და მითვალთვალებს

ფსიქიატრი - პაციენტს: ”რას უჩივით?” ”ექიმო, ბოლო დროს მეჩვენება, რომ ვიღაც განუწყვეტლივ დამდევს და მითვალთვალებს”. ”მაინც რამდენი ხანია?” ”მას შემდეგ, რაც ციხიდან გამოვიქეცი”.

• განცხადება მორგის კედელზე

განცხადება მორგის კედელზე: ”ხანძრის შემთხვევაში ცეცხლის ჩასაქრობად შეიძლება გამოყენებულ იქნეს პაციენტთა ძალები”.