მარიამ ფოლადაშვილი

მიუხედავად იმისა, რომ ადამიანის სიცოცხლის ხანგრძლივობას, აქვს ზღვარი არსებობს რამდენიმე რამ, რამაც შეიძლება გავლენა მოახდინოს ამ მაჩვენებელზე.

გერონტოლოგიის ჟურნალში გამოქვეყნებული ახალი კვლევის მიხედვით, 60 წელზე უფროსი ასაკის ქალები, რომლებიც ინარჩუნებდნენ წონას სტაბილურად უფრო ხანგრძლივად ცოცხლობდნენ.დღეგრძელობა, განისაზღვრა როგორც 90 წელზე მეტი.

კვლევაში მონაწილეობა მიიღო 54437 ქალმა. კვლევის დროს 30647 ქალი (56%) ცხოვრობდა მინიმუმ 90 წლამდე.

ანალიზის შედეგად დადგინდა, რომ წონის შენარჩუნება ასოცირდება უფრო დიდ ხანგრძლივობასთან.

გარდა ამისა, მნიშვნელოვანი იყო ხდებოდა თუ არა წონის დაკარგვა განზრახ. წონის უნებლიე კლება უფრო მტკიცედ იყო დაკავშირებული სიცოცხლის ხანგრძლივობის დაბალ შანსებთან.

სტაბილური წონა შეიძლება მიუთითებდეს კარგად დაბალანსებულ და თანმიმდევრულ კვებაზე. ადამიანები, რომლებიც ინარჩუნებენ წონას, უფრო მეტად მიჰყვებიან დიეტას, რომელიც უზრუნველყოფს აუცილებელ საკვებ ნივთიერებებს და ნაკლებ კალორიებს შეიცავს.

კვების სტაბილურობას შეუძლია დადებითად იმოქმედოს მეტაბოლურ ჯანმრთელობაზე, რაც ამცირებს ქრონიკული დაავადების რისკს. ეს კი ხელს უწყობს სიცოცხლის ხანგრძლივობის გაზრდას.

ამასთან სტაბილური წონა შეიძლება მიუთითებდეს, რომ ადამიანს აქვს აქტიური ცხოვრების წესი. რეგულარული ვარჯიში არა მხოლოდ ხელს უწყობს წონის მართვას, არამედ აძლიერებს გულ-სისხლძარღვთა ჯანმრთელობას, ინარჩუნებს კუნთების მასას და ხელს უწყობს სასიცოხლო ფუნქციების გაუმჯობესებას.

ფიზიკურ აქტივობაში ჩართვა ამცირებს ასაკთან დაკავშირებულ კუნთების მასის კარგვას და მეტაბოლური ფუნქციების დაქვეითებას, რაც ხელს უწყობს უფრო ხანგრძლივ და ჯანსაღ ცხოვრებას.

ხანდაზმულმა ქალებმა, რომლებიც ცდილობენ სტაბილური წონის შენარჩუნებას, რათა იცხოვრონ უფრო ხანგრძლივად, უნდა გაითვალისწინონ შემდეგი სტრატეგიები:

იკვებეთ დაბალანსებულად - მიიღეთ ხილი, ბოსტნეული, ცილები, მარცვლეული და ჯანსაღი ცხიმები. ასევე მიზანშეწონილია უარი თქვათ გადამუშავებულ საკვებზე, შაქრიან სასმელებზე და მაღალკალორიულ საკვებზე.

ივარჯიშეთ რეგულარულად - ვარჯიშები როგორიცაა სიარული, ცურვა და ველოსიპედი შესანიშნავია, ისევე, როგორც სხვა ფიზიკური აქტივობები ხელს უწყობენ კუნთების მასის, მეტაბოლიზმის და საერთო ჯანმრთელობის შენარჩუნებას.

ყურადღება მიაქციეთ შიმშილისა და სისავსის ნიშნებს და მოერიდეთ ჭამას მოწყენილობის ან სტრესის გამო.

მართეთ სტრესი - ქრონიკულმა სტრესმა შეიძლება ხელი შეუწყოს წონის მატებას ან დაკლებას ჰორმონალური ცვლილებების გამო ჩართეთ მედიტაცია, ღრმა სუნთქვითი ვარჯიშები ან იოგა, რათა ეფექტურად მართოთ სტრესი.

შეინარჩუნეთ ნორმალური ჰიდრატაცია - მნიშცნელოვანია დიდი რაოდენობით წყლის დალევას მთელი დღის განმავლობაში.

გაიარეთ რეგულარული გამოკვლევები - რეგულარულმა სამედიცინო შემოწმება ხელს უყწობს ჯანმრთელობის პრობლემების იდენტიფიცირებას, რამაც შეიძლება გავლენა მოახდინოს წონის სტაბილურობაზე.

იძინეთ საკმარისად - მნიშვნელოვანია, რომ პრიორიტეტი იყოს საკმარისი რაოდენობის მშვიდი ძილის მიღება. ცუდმა ძილმა შეიძლება დაარღვიოს მადასთან და მეტაბოლიზმთან დაკავშირებული ჰორმონების მოქმედება.