რა ფაქტორებმა შეიძლება შეუწყოს ხელი ტკბილი ან მარილიანი საკვებისადმი ლტოლვას
ნაწილობრივ ფსიქოლოგიური და ნაწილობრივ გარემო ფაქტორებიდან გამომდინარეობს.
დაბალანსებული კვება აუცილებელია ჯანმრთელობის შესანარჩუნებლად. რაციონი უნდა მოიცავდეს ნახშირწყლების დაბალანსებულ რაოდენობას, მაღალბოჭკოვან საკვებს, ცილებსა და ჯანსაღ ცხიმებს.
რა ფაქტორები შეიძლება შეუწყოს ხელი საკვებისადმი ლტოლვას
არადაბალანსებულმა კვებამ - მაგალითად, თუ საუზმეზე მხოლოდ ყავას მიირთმევთ, მთელი დღის განმავლობაში შეილება გაიზარდოს ისეთ საკვებზე მოთხოვნილება, რომელიც მარალკალორიულია(მაგალითად, შაქრიანი პროდუქტები). ამ დროს ორგანიზმი ცდილობს შეავსოს დანაკლისი. ასეთი პროდუქტების მოხმარება, განსაკუთრებით, გვიან ღამით კი ნიშნავს, რომ კალორიები დაგროვდება ცხიმის სახით.
კვების გამოტოვება ან საკვების მიღებებს შორის დიდი შუალედი - ეს იწვევს ორგანიზმის შიმშილს, რაც გიბიძგებთ რაიმე ტკბილი ან მარილიანი საკვები მიიღოთ.
დაღლილობა - კვლევებმა აჩვენა, რომ დაღლილობისას ენერგიის მისაღებად ადამიანები მეტად მიმართავენ შაქრიან პროდუქტებს. ამასთან, სტრესი ზრდის არაჯანსაღი საკვებისაკენ ლტოლვას: სტრესმა შეიძლება შეაფერხოს თირკმელზედა ჯირკვლების ნატრიუმის რეგულირების უნარი, რამაც შეიძლება გამოიწვიოს მარილისადმი ლტოლვის გაძლიერება.
დიაბეტი - ადამიანებთან შედარებით, დიაბეტის მქონე ადამიანები მეტად განიცდიან შიმშილს. ამავე დროს გადაჭარბებული შიმშილი შეიძლება ნიშნავდეს, რომ სისხლში შაქარი ძალიან მაღალი ან ძალიან დაბალია. ამიტომ, თუ ტკბილეულის მიღების სურვილი გაქვთ, ჯერ შეამოწმეთ სისხლში შაქრის დონე, თუ 200-ზე მეტია, მოერიდეთ ტკბილეულის მიღებად. სცადეთ სასეირნოდ გასვლა ან მსუბუქი, ზომიერი ვარჯიში, დალიეთ წყალი ან, თუ ექიმმა დაგინიშნათ, მიიღეთ ინსულინი. თუ სისხლში შაქრის დონე 80-ზე ნაკლებია, მიირთვით 15 გრამი ნახშირწყალი, რათა ის უსაფრთხო დიაპაზონში დაბრუნდეს.
ტკბილი და მარილიანი საკვებისადმი ლტოლვის მიზეზების გაგება დაგეხმარებათ შეამციროთ ლტოლვა და დააბალანსოთ კვება.