ექვსი არასტანდარტული რეკომენდაცია, რომელიც წონის დაკლებაში დაგეხმარებათ
როგორც რიჩარდსმა განმარტა, ყველა პოპულარული შემზღუდველი დიეტა გრძელვადიან პერსპექტივაში განწირულია წარუმატებლობისთვის, რადგან როგორც კი შეწყვეტთ თავის შეზღუდვას, წონა იმატებს. ამის ნაცვლად, თქვენ უნდა მიირთვათ თქვენი საყვარელი საკვები, მაგრამ მიჰყვეთ რიჩარდსის ექვს საკმაოდ არატრადიციულ რეკომენდაციას.
1. ივარჯიშეთ მხოლოდ იმ შემთხვევაში, თუ გრძნობთ "10-დან 10"
ფიზიკური აქტივობა ძალიან მნიშვნელოვანია,მაგრამ წადით სპორტდარბაზში ან იარეთ მხოლოდ იმ შემთხვევაში, თუ თავს შესანიშნავად გრძნობთ. წინააღმდეგ შემთხვევაში, საპირისპირო ეფექტს მიაღწევთ - ვარჯიშის შემდეგ ენერგიის დაქვეითება გექნებათ და ტკბილეულის მირთმევის სურვილს წინააღმდეგობას ვერ გაუწევთ.
„გირჩევთ არ აიღოთ აუტანელი ვალდებულებები და აკონტროლოთ თქვენი კეთილდღეობა. უმჯობესია კვირაში ერთხელ ყოველდღიური გასეირნებით ან იოგათ დაიწყოთ“, – გვირჩევს რიჩარდსი.
2. უარი თქვით დანა-ჩანგალზე და დაიწყეთ ჭამა ხელებით.
როგორც რიჩარდსმა განმარტა, ეს გაიძულებს ჭამოთ უფრო ნელა და მეტი ცნობიერებით. ჩანგალი ან კოვზი მუშაობს როგორც ნიჩაბი, განსაკუთრებით მაშინ, როცა მშიერი ხარ, ამიტომ ძალიან ადვილია ზედმეტი ჭამა.
„უბრალოდ არ გაქვთ დრო, რომ გააცნობიეროთ, რომ ჭარბად იკვებებით, როცა ჭამთ ჩანგლით ან კოვზით. ჩვენ ყველა დაპროგრამებული ვართ, რომ უნდა ვჭამოთ დანაჩანგლით. მაგრამ თუ ხელებით დაიწყებთ ჭამას, პროცესი შენელდება, საჭმლის მონელება გაუმჯობესდება, უფრო მეტ ხანს დაღეჭავთ და ჭამის პროცესი უფრო გაცნობიერებულია. საკვები არის სენსორული მამოძრავებელი, ასე რომ, თქვენი ხელების გამოყენებით თქვენ ამ სენსორულ გამოცდილებას ამაღლებთ შემდეგ დონეზე“, - განმარტა რიჩარდსმა.
3. იფიქრეთ საკვებზე, შეისუნთქეთ მისი არომატი, სანამ ჭამას დაიწყებთ. ასე დაიწყებთ საჭმლის მონელების ყველაზე მნიშვნელოვან პირველ ეტაპს.
საჭმლის მონელება იწყება პირის ღრუში. პირი ჰგავს მაღალტექნოლოგიურ ცხელ აბაზანას, სადაც როდესაც თქვენ საყვარელ საკვებზე ფიქრობთ, ხედავთ ან ყნოსავთ, თქვენი სანერწყვე ჯირკვლები იწყებს მუშაობას და აგზავნის სიგნალებს თქვენს ტვინში.
ნერწყვი შეიცავს საჭმლის მომნელებელ ფერმენტებს, რომლებიც იწყებენ მონელების პროცესს.
რიჩარდსის თქმით, ამ საკვანძო ფაზის გამოტოვება არის ყველაზე დიდი კვების შეცდომა, რომელიც შეგიძლიათ დაუშვათ ჯანსაღი წონის შესანარჩუნებლად.
4. ყოველთვის დაღეჭეთ თქვენი საკვები თხევად მდგომარეობამდე
გასაკვირია, რომ ხშირად ბევრი ჩვენგანი ყლაპავს საკვებს თითქმის დაუღეჭვლად. ამის გამო იქმნება მანკიერი წრე, რადგან ტვინს არ აქვს დრო, რომ გააცნობიეროს უკვე რამდენი ჭამეთ და ფიქრობს, რომ მეტი გჭირდება, სინამდვილეში კი დამატებითი კალორია აღარ ჭირდება.
გარდა ამისა, საკვების ცუდად ღეჭვისას საჭმლის მომნელებელ ტრაქტში დიდი ნაჭრები ხვდება, რაც საჭმლის მომნელებელ პრობლემებს იწვევს - შებერილობა, გაზები, ყაბზობა, მოდუნება, გაღიზიანებული ნაწლავის სინდრომის გამწვავება, განმარტა რიჩარდსმა.
თუ თითოეულ ნაჭერს დიდხანს ღეჭავთ, მიიყვანთ თხევად მდგომარეობამდე და მხოლოდ ამის შემდეგ გადაყლაპავთ, საკვები ადვილად და მთლიანად შეიწოვება, რაც მეტ ენერგიას მოგცემთ.
5. მოერიდეთ ყურადღების გაფანტვას ჭამის დროს
თანამედროვე სამყაროში ჩვეულებრივია მაგიდასთან ტელეფონის, ტელევიზორის ან კომპიუტერის ეკრანის ყურება. ამის გამო კუჭსა და ტვინს შორის კავშირი ირღვევა და ვაგრძელებთ ჭამას, თუმცა უკვე დანაყრებულები ვართ. გარდა ამისა, ჩვენ ვერ ვამჩნევთ, რომ ძალიან სწრაფად ვჭამთ და როდესაც ვამთავრებთ ჭამას, არ ვგრძნობთ, რომ დანაყრებულები ვართ.
ამის თავიდან ასაცილებლად, თქვენ უნდა 20-30 წუთი გაატაროთ მაგიდასთან, ყურადღება არ მიაქციოთ არაფერს, ისიამოვნოთ იმ მომენტით, რაც თქვენს თეფშზეა და დროდადრო დალიოთ წყალი.
6. ღამის განმავლობაში საჭმლის მონელების გასაუმჯობესებლად დაიძინეთ მარცხენა მხარეს
თუ მარცხენა მხარეს ცდილობთ დაიძინოთ, საკვები უფრო ეფექტურად შეიწოვება, რადგან ამ გზით კუჭს ბუნებრივ მდგომარეობაში მოხვედრის საშუალებას მისცემთ.
სწორი პოზა შეამცირებს შებერილობის და საჭმლის მომნელებელი სხვა პრობლემების რისკს. გარდა ამისა, იმის გამო, რომ თქვენი საჭმლის მომნელებელი სისტემა ღამით უფრო ეფექტურად იმუშავებს, მთელი საკვები ღამით შეიწოვება და დილით გულისრევისა და სიმძიმის არასასიამოვნო შეგრძნებას მოგიხსნით, განმარტა რიჩარდსმა.