მარიამ ფოლადაშვილი

ამ ტიპის დაავადებების მაგალითებია: ფსორიაზი, რევმატოიდული ართრიტი, გაფანტული სკლეროზი და ტიპი 1 დიაბეტი.

ჟურნალ Science-ში გამოქვეყნებული ბოლო სტატია ვარაუდობს, რომ სიმსუქნემ შეიძლება ხელი შეუწყოს ავტოიმუნური დაავადების განვითარების რისკს.

ნარკვევის ავტორი ფიქრობს, რომ კალორიების მიღების შემცირებამ და გარკვეული მედიკამენტების გამოყენებამ შეიძლება ხელის შეუწყოს სიმსუქნისგან გამოწვეული ავტოიმუნური დაავადებების განვითარების პრევენციას.

იმუნური სისტემის ფუნქციაა დაიცვას ორგანიზმი. თუმცა, თუ მისი ნორმალური ფუნქციონირება დაირღვა, ამან შეიძლება ჯანმრთელობის პრობლემები გამოიწვიოს.

უახლესი ნაშრომი, რომელიც გამოქვეყნდა Science-ში, განიხილავს, თუ როგორ შეიძლება სიმსუქნემ და ზედმეტმა საკვებმა გავლენა მოახდინოს იმუნური სისტემის რეგულირებაზე.

ავტოიმუნური დაავადებები ვითარდება მაშინ, როდესაც სხეულის იმუნური სისტემა თავს ესხმის ჯანსაღ ქსოვილებს.

სიმსუქნე, როგორც ავტოიმუნური დაავადების გამომწვევი ფაქტორი

მეცნიერების ნაშრომმა აჩვენა, თუ როგორ შეიძლება ზედმეტმა კალორიების მიღებამ და სიმსუქნემ გავლენა მოახდინოს ორგანიზმის არანორმალური იმუნური რეაქციების რისკზე. ადამიანებს, რომლებიც მოიხმარენ ისეთ პროდუქტებს, რომლებსაც შეუძლიათ სიმსუქნე გამოიწვიოს, ცვლილებები აქვთ მეტაბოლურ პროცესებში. მარტივად რომ ვთქვათ, ისინი განიცდიან მეტაბოლურ გადატვირთვას, რაც გავლენას ახდენს უჯრედულ დონეზე. პირველ რიგში, ცხიმოვანი ქსოვილები ხელს უწყობენ ლეპტინისა და ციტოკინის დონის მატებას. ლეპტინი არის ჰორმონი, რომელიც გავლენას ახდენს შიმშილისა და მაძღრობის შეგრძნებაზე, ხოლო ციტოკინები გავლენას ახდენს იმუნური უჯრედების აქტივობასა და წარმოებაზე. მეცნიერები აღნიშნავენ, რომ ჭარბწონიან ადამიანებში მაღალკალორიული საკვებიდან მიღებული გარკვეული ნუტრიენტების ცირკულაცია ასევე გავლენას ახდენენ ნივთიერებათა ცვლაზე.

მან შესთავაზა, რომ ეს სამი ფაქტორი ერთად იწვევდა ანთებით პასუხს და ანომალიებს იმუნური სისტემის მოქმედებაში, რაც ავტოიმუნური დარღვევების რისკს ზრდის.

სტატიაში წარმოდგენილ იდეებზე დაყრდნობით, ექიმები ვარაუდობენ, რომ ქცევითი ინტერვენციები შეიძლება დაეხმაროს სხეულის ავტოიმუნური პასუხის კონტროლს. ეს შეიძლება მოიცავდეს პერიოდულ დიეტას და კალორიების შეზღუდვას, ასევე მედიკამენტების გამოყენებას, რომლებიც ამცირებენ ორგანიზმის ანთებით პასუხს.

ამ თემასთან დაკავშირებით კვლევები გრძელდება. ექსპერტებმა უნდა შეაფასონ შეიძლება თუ არა მედიკამენტებით მკურნალობასთან ერთად კალორიების შეზღუდვა იყოს ეფექტური გზა აუტოიმუნური დაავადებების მკურნალობისთვის. (მაგალითად, მიმდინარეობს ცდები, რომლებიც დაკავშირებულია კალორიების შეზღუდვასთან ერთად გაფანტული სკლეროზის სამკურნალოდ მედიკამენტების გამოყენებასთან).

ამასთან, ექიმები აღნიშნავენ, რომ სხეულის ჯანსაღი წონის შენარჩუნებას დიდი გავლენა აქვს ზოგად ჯანმრთელობაზე.