ექიმები ფრუქტოზას დემენციის განვითარებას უკავშირებენ
კვლევის შედეგები გამოქვეყნებულია American Journal of Clinical Nutrition-ში.
ალცჰაიმერის დაავადება ჩვეულებრივ გამოწვეულია ადამიანის ტვინში ანთებითი ცილების დაგროვებით, რომლებიც ნელ-ნელა ანადგურებენ ნეირონებს, რაც უარყოფითად აისახება კოგნიტურ ფუნქციაზე. ავტორები ვარაუდობენ, რომ ალცჰაიმერის დაავადება შეიძლება გამოწვეული იყოს კვებითა და საკვების ძიების მუდმივი სურვილით.
ეს ქცევა ჩვეულებრივ ვლინდება შიმშილის პერიოდში. ის ბლოკავს ყველაფერს, რაც ხელს უშლის საკვების ეფექტურ მოძიებას. ფრუქტოზა, შაქრის სახეობა, ხელს უწყობს ტვინის იმ ცენტრების შესუსტებას, რომლებიც პასუხისმგებელნი არიან ამ ფუნქციებზე.
ფრუქტოზის მეტაბოლიზმი ამცირებს სისხლის ნაკადს ცერებრალური ქერქისკენ, რომელიც პასუხისმგებელია თვითკონტროლზე, ასევე ჰიპოკამპსა და თალამუსში. იმავდროულად, სისხლის მიმოქცევა იზრდება ვიზუალური ქერქის გარშემო, რომელიც დაკავშირებულია საკვების ჯილდოსთან.
„ტვინში მეტაბოლიზმის ქრონიკული და მუდმივი დაქვეითება იწვევს ტვინის პროგრესირებად ატროფიას და ნეირონების დაკარგვას ალცჰაიმერის დაავადების ყველა მახასიათებლით. დიდი ალბათობით ზოგიერთ ადამიანში ეს ქცევა მუდმივად „ჩართულია“. ეს იწვევს ცხიმიანი, ტკბილი და მარილიანი საკვების ჭარბ ჭამას, რაც ზრდის ტვინში ფრუქტოზის გამომუშავებას“, - აღნიშნეს ავტორები.
ეს დადასტურდა ექსპერიმენტებით: ცხოველებში, რომლებსაც მკურნალობდნენ ფრუქტოზით, აღინიშნა მეხსიერების ხარვეზები, ლაბირინთში ნავიგაციის უნარის დაკარგვა და ნეირონების ანთება.
„კვლევამ აჩვენა, რომ თუ ლაბორატორიული ვირთხები საკმარისად დიდხანს იკვებებიან ფრუქტოზაზე, მათ ტვინში უვითარდებათ დიდი რაოდენობით ტაუ- და ბეტა-ამილოიდური ცილები, რაც შეინიშნება ალცჰაიმერის დაავადების დროს“, - დაასკვნეს მკვლევარებმა.