გამოვლინდა სიმსუქნის ახალი რისკები ორსული ქალებისა და მათი შვილებისთვის
აღმოჩნდა, რომ ჭარბი წონა სერიოზულ ცვლილებებს იწვევს პლაცენტაში, შესაბამისად, ნაყოფის განვითარებაში. სამუშაოს შედეგები აღწერილია სტატიაში, რომელიც გამოქვეყნდა The Journal of Physiology-ში.
კვლევაში მონაწილეობა მიიღო სხვადასხვა რასის 71 ქალმა. მათგან 52 ჰქონდა სიმსუქნე და 38-ს განუვითარდა გესტაციური შაქრიანი დიაბეტი (GDM). ორსულ ქალებში სიმსუქნისა და GDM-ის გავლენის შესასწავლად ავტორებმა გამოიყენეს კლინიკური პროფილირება, ღრმა სტრუქტურული გამოკვლევა და პლაცენტის მოლეკულური ანალიზი, ისევე როგორც დედისა და ჩვილის ჭიპლარის სისხლის ბიოქიმიური გაზომვები.
შედეგებმა აჩვენა, რომ დედის სიმსუქნე უფრო მეტად ცვლის პლაცენტის სტრუქტურას (აუცილებელია ორსულობის დროს ბავშვის კვებისათვის), ვიდრე გესტაციური დიაბეტი. ჭარბი წონა არღვევს პლაცენტის ფორმირებას, მისი სისხლძარღვების სიმკვრივესა და ფართობს, ასევე დედისა და განვითარებად ნაყოფს შორის საკვები ნივთიერებების გაცვლის მექანიზმებს. ორივე, სიმსუქნე და GDM გავლენას ახდენდნენ პლაცენტური ჰორმონების და ანთებითი ბიომარკერების წარმოებაზე, რაც მიუთითებს პლაცენტის არანორმალურ ფუნქციაზე.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ვინაიდან სიმსუქნე და GDM ხშირად თანაარსებობენ, კვლევა გამოვლენილ გართულებებს პლაცენტაში ცვლილებებით ხსნის. მაგალითად, ნაყოფის სიკვდილი, მკვდრადშობადობა, არაგადამდები დაავადებების გაზრდილი რისკი როგორც დედისთვის, ასევე ბავშვისთვის, ბავშვის ადრეული სიკვდილი დაბადების შემდეგ და ჩვილის მაღალი წონა.
პლაცენტაში კონკრეტული ცვლილებების იდენტიფიცირება ხელს შეუწყობს მომავალი მკურნალობის ან დიაგნოსტიკური ტესტების განვითარებას, რამაც შეიძლება გააუმჯობესოს დედებისა და ბავშვების ჯანმრთელობა.
