თინათინ გოცაძე

აღრმავებს სოკოვანი ინფექციის მიმდინარეობას. ამდენად, კანდიდოზის ნებისმიერი ფორმის დროს დიეტა მეტად მნიშვნელოვანია. დიეტის დაცვა, მადასა და „კუჭის ნება-სურვილთან“ ბრძოლა მართალია ადვილი არ არის, მაგრამ უნდა გახსოვდეთ, რომ დიეტის გარეშე კანდიდოზის მკურნალობას აზრი არ აქვს და პრაქტიკულად შეუძლებელიცაა.

სოკო, კერძოდ, კანდიდას ტიპის, არის უჯრედული ორგანიზმი, რომელიც ნაწლავებში ბინადრობს და ცხოველმყოფელობის პროცესში უხვად გამოყოფს ადამიანის ორგანიზმისათვის მავნე ტოქსინებს. ეს ტოქსინები ნაწლავთა კედლიდან სისხლძარღვებში აღწევს, სისხლის ნაკადში ხვდება და ორგანიზმის მხრიდან მუდმივად შინაგანი ბრძოლის სამიზნე ხდება. ჯანმრთელი იმუნიტეტი, ჩვეულებრივ, სოკოს გავრცელებას და მისი ტოქსინების გავლენას კარგად აკონტოლებს. ამაში მას ორგანიზმისათვის „სასარგებლო და კეთილისმყოფელი“ მიკრობებიც ეხმარებიან. საჭმლის მომნელებელი ტრაქტის ფუნქციის დარღვევა და იმუნური მექანიზმების შესუსტება კი ხელს უწყობს კანდიდას უჯრედების გამრავლებას. ამ მავნე სოკოს გამრავლება-განვითარებისათვის ხელსაყრელ პირობებს ქმნის ისეთი ფაქტორებიც, როგორებიცაა ანტიბიოტიკების, ჩასახვის საწინააღმდეგო პრეპარატებისა და სტეროიდული ჰორმონების მიღება, ნახშირწყლების მაღალი შემცველობა, შაქრიანი დიაბეტი, ორსულობა და სხვა.

რას გულისხმობს დიეტა

საკვები რაციონი უნდა შეიცავდეს თევზს, ბოსტნეულსა და წებოვნების არმქონე მარცვლოვნებს (მაგალითად, მურა, იგივე წაბლა ბრინჯს და ფეტვს). სასარგებლოა იოგურტი, რომელიც ცოცხალ კულტურებს შეიცავს. წვრილ ნაწლავში ნორმალური ბალანსის აღდგენისათვის აუცილებელია ბიფიდუმის ან აციდოფილუსის გამოყენება, ასევე უჯრედისით მდიდარი პროდუქტებით კვება, კერძოდ, შვრიის ქატოს მიღება.

საერთოდ, ორგანიზმის გასაჯანსაღებლად და ნაწლავთა ფუნქციის გასაუმჯობესებლად უპირატესობა მცენარეულ საკვებს უნდა მიანიჭოთ.

სოკოვანი ინფექციის დროს განსაკუთრებით მავნებელია შაქარი, უმაღლესი ხარისხის თეთრი ფქვილი და საფუარი. მეორე ადგილი მავნე პროდუქტთა სიაში ეკუთვნის ყველს, სოკოსა და ცხიმოვან საკვებს. კანდიდოზის მკურნალობისას საკვები რაციონიდან უნდა გამორიცხოთ ალკოჰოლი, შოკოლადი, ჩირი, ნამცხვარი, ასევე თაფლი, ლორი, მწნილეული, კარტოფილი, ძმარი. ერთი თვის განმავლობაში უარი უნდა თქვათ ციტრუსებსა და მჟავე ხილზე, კერძოდ, ლიმონსა და ფორთოხალზე, ანანასსა და პომიდორზეც კი. ერთი თვის შემდეგ მათი მიღება ცოტ-ცოტა შეგიძლიათ, მაგალითად, ორჯერ კვირაში. ჩამოთვლილი ხილი ორგანიზმში ქმნის ტუტე გარემოს, რომელიც ძალიან უყვარს კანდიდას. ასე რომ ნუ მისცემთ მას კვების საშუალებას.

რა უნდა გახსოვდეთ:

• კბილის ჯაგრისი თვეში, სულ მცირე, ერთხელ მაინც გამოცვალეთ. გამოიყენეთ (ყოველდღიურად იცვალეთ) ბამბის ქსოვილისაგან შეკერილი თეთრეული (საცვლები) და არავითარ შემთხვევაში – სინთეტური, რადგან ეს უკანასკნელი ხელს უწყობს ოფლიანობას, ბაქტერიებისა და კანდიდების გამრავლებისათვის ხელსაყრელ პირობებს ქმნის და განმეორებით დასნებოვნების პროვოცირებას ახდენს.
• ანტიბიოტიკებითა და ქიმიოთერაპიით ხანგრძლივად მკურნალობისას იზრდება კანდიდოზის მძიმე ფორმებით დასნებოვნების რისკი. ანტიბიოტიკებმა შესაძლოა K ვიტამინის დეფიციტიც გამოიწვიოს. ასეთ შემთხვევაში აღნიშნული ვიტამინის შესავსებად უნდა ჭამოთ მწვანილი და მარწყვი.
• სოკოვანი ინფექციის დროს საკვები რაციონის 70%-ს უნდა შეადგენდეს ნახშირწყლების დაბალი შემცველობით გამორჩეული ბოსტნეული და ხილი, კვერცხი, უცხიმო ხორცი და თევზი, ნიგოზი, მარცვლოვნები (მსხვილად დაფქული ან სრულმარცვლოვანი).

კანდიდოზის მკურნალობის პროცესში მედიკამენტურ თერაპიას უნდა დაერთოს ახალგაწურული წვენები, ისინი ადვილად შეითვისება და წმენდს უჯრედებს. ზოგიერთი ბოსტნეულის წვენს სოკოს საწინაღმდეგო აქტოვობაც აქვს. მაგალითად, ძალიან სასარგებლოა სტაფილოს წვენი. განსაკუთრებით რეკომენდებულია ის ბავშვებისათვის, რომლებსაც აღენიშნებათ პირის ღრუს ლორწოვანი გარსისა და პირის კუთხეების კანდიდოზი. ამ კატეგორიას სტაფილოს წვენი (ერთი მესამედი ჭიქა) უნდა მიეცეს დღეგამოშვებით, დღეში სამჯერ, ან კიდევ დღეში ორჯერ ყოველდღიურად. დაავადებულ უბნებზე სასურველია სტაფილოს წვენის წასმაც. კანის ან მისი დანამატების, კერძოდ, ფრჩხილების სოკოვანი ინფექციის დროს 150 გრამი სტაფილოს წვენი შეურიეთ 90 გრამ ისპანახის წვენში და დღეში რამდენჯერმე მიიღეთ ჭამამდე ერთი საათით ადრე. კარგ ეფექტს იძლევა აგრეთვე შემდეგი სახის ნარევი – 150 გრამი სტაფილოს, 45 გრამი ჭარხლისა და 45 გრამი კიტრის წვენი.

საკვებში აუცილებელია ხახვისა და ნივრის დამატება, რადგან აღნიშნული მცენარეები სოკოსთან აქტიურად მებრძოლი კულტურებია. ყოველდღიურად რეკომენდებულია ერთი-ორი კბილი ნივრის ჭამა, განსაკუთრებით უზმოზე.

გახსოვდეთ, დიეტა კანდიდოზის დროს იმიტომ არის აუცილებელი, რომ სოკო დამატებითი საკვების გარეშე დარჩეს, ვეღარ გამრავლდეს, ვეღარ გამოყოს ტოქსინები და ვერ მოწამლოს ორგანიზმი. გარდა ამისა, სათანადო დიეტის წყალობით სოკოს საწინააღმდეგო პრეპარატების მოქმედება მაქსიმალურად ეფექტური ხდება და ინფექციაც დროულად აღმოიფხვრება!