მედიკოსებმა უარყვეს მოსაზრება, რომ საკვების მიღების დრო მნიშვნელოვანია წონის კორექციისას
ამერიკული გულის ასოციაციის ჟურნალში გამოქვეყნებული კვლევის თანახმად, დღის განმავლობაში ინტერვალური შიმშილი არ იწვევს წონის მნიშვნელოვან კლებას.
საერთო ჯამში, კვლევისას გაანალიზდა იმ 547 ადამიანის მონაცემები, რომლებსაც ექვსი თვის განმავლობაში აკვირდებოდნენ. მონაწილეებს სთხოვეს, ჩაეწერათ დიეტა და ძილის დრო. გარდა ამისა, მათ აღნიშნეს ინფორმაცია იმის შესახებ, თუ რამდენ ხანს ჭამდნენ დღის განმავლობაში გაღვიძების შემდეგ და ძილის წინ. საშუალო განსხვავება პირველ და ბოლო კვებას შორის იყო 11,5 საათი.
ავტორებმა ვერ გამოავლინეს კავშირი ჭამის დროის შეზღუდვას და წონის დაკლებას შორის. ნაკლებმა კვებამ გაცილებით დიდი გავლენა მოახდინა წონის დაკლებაზე. ამავდროულად, მეცნიერები ასევე ხაზს უსვამენ იმას, რომ არ არსებობს ერთიანი სტრატეგია ყველა ადამიანისთვის და საკვების ხარისხი, რომელსაც მიირთმევთ, მნიშვნელოვანია. მაგალითად, ტკბილეულიდან 100 კალორია ორგანიზმისთვის იგივე არ არის, რაც 100 კალორია შვრიის ფაფისგან თხილით.
თუმცა, ექსპერტებმა აღნიშნეს, რომ ექსპერიმენტში არ იყო გათვალისწინებული რასობრივი და ეთნიკური განსხვავებები, ასევე ისეთი ფაქტორები, როგორიცაა სტრესი და გარემო. სამომავლოდ ამ მაჩვენებლების გათვალისწინებით იგეგმება დამატებითი კვლევების ჩატარება.