ქერი და მისი გავლენა ჯანმრთელობაზე
მარცვლეულს არ ჩამოუვარდება და უამრავი სასარგებლო თვისებაც გააჩნია, მაგალითად, იგი შეიცავს იმდენი ბეტა გლუკონს,რომ დღეში რამდენიმე ნაჭერი ქერის პური საკმარისია სისხლში ცუდი ქოლესტეროლის დონის დასაწევად.
ქერი გამოიყენებოდა არამარტო საკვებად, არამედ სამკურნალო მიზნებისთვისაც. მის ყლორტებს იყენებდნენ როგორც სიცხის დამწევ, შარდმდენ საშუალებად. ქერი თანდათან ხორბალმა ჩაანაცვლა, რადგან ხორბალს უკეთესი საცხობი თვისებები გააჩნია.
რატომ ქერი
ქერი მცენარეული ცილების მდიდარი წყაროა, ასევე ორგანიზმს მონელებისთვის საჭირო უჯრედისს აწვდის. უჯრედისი ზრდის ნაწლავის შიგთავსის მოცულობას, ასტიმულირებს ნაწლავებს და ხელს უწყობს მონელებას.
ქერის შემადგენლობაში შემავალი უხსნელი უჯრედისი ბეტა-გლუკანი აუმჯობესებს მონელების პროცესს, დაბლა წევს მავნე ქოლესტეროლისა და შაქრის რაც, ამცირებს გულ-სისხლძარღვთა დაავადებების რისკს(არცერთ სხვა პროდუქტში არ არის იმდენი ბეტა-გლუკანი, რამდენიც ქერში).
ქერში მრავლადაა ვიტამინები და მინერალები. მათ შორისაა:
- ვიტამინი B1 - აუცილებელია ნერვული სისტემისთვის;
- ვიტამინი B3 - დაბლა სწევს ცუდი ქოლესტეროლის დონეს;
- ვიტამინი B6 - აძლიერებს ნერვულ და იმუნურ სისტემებს;
- ვიტამინი B7 - ხელს უწყობს კანის, თმისა და ფრჩხილების ჯანმრთელობას;
- ვიტამინი B9 - მნიშვნელოვანი ელემენტია ორსულობის პერიოდში;
- მაგნიუმი - აძლიერებს გულს და კუნთებს;
- მანგანუმი - მონაწილეობს ნივთიერებათა ცვლაში;
- კალიუმი - არეგულირებს წყლის ბალანსს ორგანიზმში;
- ფოსფორი - არეგულირებს მჟავატუტოვან ბალანსს;
- რკინა - ხელს უწყობს ენერგიის წარმოქმნაში;
- სპილენძი - მონაწილეობს შემაერთებელი ქსოვილისა და სისხლის უჯრედების წარმოქმნაში;
- თუთია - ხელს უწყობს ჭრლობების შეხორცებას
ქერის დადებითი გავლენა ჯანმრთელობაზე:
იცავს გულს - კვლევებით დამტკიცებულია, რომ მარცვლეული ჯანმრთელობას უნარჩუნებს გულს. ერთ-ერთმა კვლევამ აჩვენა, რომ ათეროსკლეროზის პრევენციისთვის საკმარისია კვირაში 6 ულუფა დაუმუშავებელი მარცვლეულის პროდუქტის მიღება.
აძლიერებს ნაწლავურ ფლორას;
ამცირებს დიაბეტის რისკს;
ამასთან ქერს შეუძლია, გარკვეული როლი შეასრულოს მრავალი ქრონიკული დაავადების, მათ შორის ალცჰაიმერის და კიბოს პრევენციაში, რადგან ანტიოქსიდანტების(ფენოლების) მდიდარი წყაროა. ერთ-ერთი კვლევის თანახმად, ქერის ჯეჯილში შემავალი ნივთიერება(ფლავონ თრიცინი) ხელს უშლის მელანინის ჭარბ წარმოქმნას და, შესაბამისად, კანის კიბოს განვითარებას. არაერთმა კვლევამ აჩვენა, რომ ქერის უჯრედისი ხელს გარკვეულ როლს ასრულებს სიმსივნის პრევენციაში.