ფლავონოიდების შესაძლებლობები
ვარდისფერი, წითელი მარწყვი, მუქი მწვანე ისპანახის ფოთლები, ყვითელი წიწაკა - ხშირ შემთხვევაში, მათი ფერები სწორედ მათსავე შემდაგენლობაში შემავალი ფლავონოიდებიდან მოდის, რომლებიც ხელს უწყობენ ჯანმრთელობის გაუმჯობესებას. ჰარვარდის კვლევა, რომელიც გამოქვეყნდა სამეცნიერო ჟურნალ ‘’ნევროლოგიაში“, ვარაუდობს, რომ ფლავონოიდებმა შეიძლება ასევე შეასრულონ გარკვეული როლი კოგნიტური ფუნქციების გაუმჯობესებასა და დაცვაში.
იმ ფაქტორების აღრიცხვის შემდეგ, რომლებმაც შეიძლება გავლენა მოახდინონ შემეცნებაზე (როგორიცაა ასაკი, წონა, ფიზიკური აქტივობა, ალკოჰოლის მიღება, დეპრესია და არაფლავონოიდური საკვები ნივთიერებების მიღება), მეცნიერებმა დაადგინეს, რომ ადამიანები, რომლებიც ყოველდღიურად ფლავონოიდების ყველაზე მეტ რაოდენობას იღებდნენ 19% -ით ნაკლებად აღენიშნებოდათ მეხსიერებისა და აზროვნების პრობლემები მათთან შედარებით, რომლებიც ნაკლებად იღებდნენ ფლავონოიდების შემცველ საკვებს.
კვლევის შედეგებმა აჩვენა, რომ ფლავონოიდების შემცველმა საკვებმა შეიძლება ხელი შეუწყოს მეხსიერებისა და სხვა შემეცნებითი პროცესების გაუარესების პრევენციას გვიან ცხოვრებაშიც. თუმცა, იმის საბოლოოდ დადგენა, აუმჯობესებს თუ არა ფლავონოიდები მეხსიერებას და აზროვნებას გვიან ასაკში, საჭიროებს დამატებით კვლევებს.
ხილში და ბოსტნეულში შემავალი ფლავონოიდები ასოცირდება კოგნიტური ფუნქციების გაუმჯობესებასთან.
ესენია:
- ბრიუსელის კომბოსტო;
- მარწყვი;
- ყვავილოვანი კომბოსტო;
- ისპანახი;
- ტკბილი კარტოფილი;
- მოცვი;
- სტაფილო;
- ატამი/გარგარი/ქლიავი;
- ტომატის წვენი;
- ვაშლი;
- მწვანე/წითელი/ყვითელი წიწაკა;
- ბროკოლი;
- კომბოსტო;
- პომიდორი;
- გრეიფრუტი;
- ჭარხალი;
- აისბერგის სალათის ფოთოლი;
- ფორთოხლის წვენი;
- მსხალი;
- ბანანი;
- ფორთოხალი;
- ჩაი;
- თეთრი/წითელი ღვინო;
- ყურძენი/ქიშმიში
ამას გარდა, ფლავონოიდები კაგი ანტიოქსიდანტებია, რომლებიც ებრძვიან ანთებით პროცესებს ტვინში და ამილოიდების დაგროვებას.
ანტიოქსიდანტები ასევე მონაწილეობენ:
სისხლძარღვების ჯანმრთელობის შენარჩუნებაში (რომელთა საშუალებითაც სისხლი ტვინში მიედინება);
იმ ფაქტორების წარმოქმნის პროცესის გაუმჯობესებაში, რომლებიც ხელს უწყობენ ტვინის უჯრედებს შორის კავშირის გაძლიერებას და ტვინის უჯრედების ზრდას, ასევე დადებითად მოქმედებენ ჰიპოკამპზე, რომელიც მონაწილეობს მეხსიერების ჩამოყალიბებაში.