ბრინჯი - ყავისფერი თუ თეთრი
ბრინჯს მრავალი სასარგებლო თვისება გააჩნია, მაგალითად, მიჩნეულია, რომ ბრინჯის ქატო ამცირებს ნაწლავის კიბოს განვითარების რისკს, სამკურნალო საშუალებაა დიარეის დროს, არ შეიცავს გლუტენს, ამიტომ სასარგებლოა მათთვის, ვისაც ხორბლის აუტანლობა აქვს.
ბრინჯს სხვადასხვა შეფერილობა გააჩნია, რომელთაგან ყველაზე სასარგებლოდ ყავისფერი ბრინჯია მიჩნეული. მისი ეს შეფერილობა არა კონკრეტულ ჯიშს, არამედ მარცვლეულის ბუნებრივ ფერს უკავშირდება. რაც უფრო მეტად არის დამუშავებული ბრინჯი, მით უფრო ნაკლებია მასში სასარგებლო ნივთიერებების შემცველობა. დაფქული და გაპრიალებული ბრინჯის შემადგენლობაში მხოლოდ სახამებლის ენდოსპერმი რჩება. ასეთი ბრინჯი ცნობილია როგორც თეთრი ბრინჯი. ეს პროცესი ბრინჯს აშორებს სასარგებლო საკვებ ნივთიერებებსაც. აქედან გამომდინარე, თეთრ ბრინჯთან შედარებით, ყავისფერი ბრინჯი შეიცავს ბევრად უფრო მეტ ბოჭკოს,სპილენძს, იოდს, B ვიტამინებს (B1, B3, B6 და B9), მაგნიუმს, კალიუმს და რკინას. თეთრი ბრინჯის ყავისფერი ბრინჯით ჩანაცვლება აუმჯობესებს სისხლში შაქრის დონეს და ხელს უწყობს წონის კონტროლს.
თუმცა, გასათვალისწინებელია, რომ ყავისფერი ბრინჯის გარსი შეიცავს კვებითი თვალსაზრისით მავნე ნივთიერებებს, მაგალითად, თიამინის მჟავას, რომელიც ხელს უშლის რკინისა და კალციუმის ათვისებას.