ზრდის თუ არა სწრაფი კვების პროდუქტების მოხმარება ღვიძლის არაალკოჰოლური ცხიმოვანი დაავადების განვითარების რისკს
კვლევის თანახმად, ღვიძლის არაალკოჰოლური ცხიმოვანი დაავადების განვითარების რისკები შეიძლება უფრო მაღალი იყოს სიმსუქნის ან დიაბეტის მქონე ადამიანებისთვის.
სწრაფი კვების პროდუქტები შეიცავენ დიდი რაოდენობით მავნე ცხიმებს, კალორიებს, შაქარს, მაგრამ ღარიბია ნუტრიენტებით, ბოჭკოებით. სწრაფი კვების პროდუქტების იშვიათად მოხმარება დიდ საფრთხეს არ წარმოადგენს, თუმცა მათი რეგულარული მიღება ზრდის სხვადასხვა დაავადების განვითარების რისკს, მათ შორის, ღვიძლის ცხიმოვანი დაავადების.
დაახლოებით 4000 პირზე (რომელთაგან 29% საკვებს სწრაფი კვების წყაროებიდან იღებდა) დაკვირვებამ აჩვენა, რომ სწრაფი კვების პროდუქტების მოხმარება ზრდის ღვიძლის ცხიმოვანი დაავადების განვითარების რისკს.
ღვიძლის არაალკოჰოლური ცხიმოვანი დაავადების მქონე პირებს შეიძლება განუვითარდეთ კარდიოვასკულარული დაავადებები და ჯანმრთელობის სხვა პრობლემები. ღვიძლის არაალკოჰოლური ცხიმოვანი დაავადების განვითარების რისკების შესამცირებლად,პირველ რიგში, საჭიროა სწრაფი კვების პროდუქტების მოხმარების შეზღუდვა და ჯანსაღი, დაბალანსებული კვები რეჟიმის ჩამოყალიბება. უმჯობესია მიიღოთ პროტეინებით, სასარგებლო ცხიმებით, ბოჭკოთი მდიდარი პროდუქტები.
