ნანა კალანდაძე

ეს კი იმ პროდუქტების ჩამონათვალია, რომლებიც არა მარტო მავნეა ადამიანისათვის, არამედ მათი მიღება სერიოზულ საფრთხეს უქმნის ჩვენს ჯანმრთელობას.

1. ნატრიუმის გლუკონატი

არავითარ შემთხვევაში არ შეიძლება იმ პროდუქტების საკვებად გამოყენება, რომელთა შემადგენლობაშიც მითითებულია დანამატი Е-621 (ნატრიუმის გლუკონატი). კარგად დააკვირდით სუპერმარკეტების თაროებზე ლამაზად ჩამწკრივებულ პროდუქტებს და აუცილებლად წაიკითხეთ ეტიკეტი. გახსოვდეთ, რომ ნატრიუმის გლუკონატი გემოს გამაძლიერებელია და მას საკმაოდ ბევრ საკვებ პროდუქტს უმატებენ.

2. შაქრის შემცვლელები

შაქრის შემცვლელები ადამიანებს იზიდავს იმით, რომ მათში ფაქტობრივად არაა კალორიები და ძალიან ეკონომიურია (იაფი ღირს). არავითარ შემთხვევაში არ შეიძლება მათი მიღება. მოხვდება რა ორგანიზმში, ჩვენი საჭმლის მომნელებელი სისტემის რეცეპტორები შეიგრძნობენ ტკბილ გემოს და მზად არიან ნახშირწყლების გადასამუშავებლად, მაგრამ ისინი შაქრის შემცვლელებში არ არის. ამის შემდეგ ორგანიზმს შიმშილი ეწყება და მადა ორმაგდება. ამიტომ ნუ მოატყუებთ ორგანიზმს, უარი თქვით ამ მავნე ნივთიერებაზე.

3. ტრანსცხიმები ანუ მოდიფიცირებული ცხიმები

დაიმახსოვრეთ, კარაქი, რომლის შეფუთვაზე მითითებულია წარწერა – ცხიმიანობა 72, 5%, – არავითარ შემთხვევაში არ უნდა მიიღოთ. ეს ტრანსცხიმია – წყალბადით გაჯერებული დაბალხარისხიანი მცენარეული ცხიმი. 82, 5%-ზე დაბალი ცხიმიანობის კარაქი არ არსებობს. ჯობია შეჭამოთ 20 გრამი ჩვეულებრივი ნატურალური კარაქი, ვიდრე მთელი ყუთი ტრანსცხიმი ან მარგარინი.

4. გენმოდიფიცირებული პროდუქტები

არაქისი – გახსოვდეთ, რომ მისი დიდი ნაწილი შემოტანილია და გენმოდიფიცირებულია, განსაკუთრებით მავნებელია მარილიანი არაქისი, კონსერვირებული სიმინდი და ბარდა, იმპორტული კარტოფილის უმეტესი ნაწილი, კიბორჩხალას (კრაბის) ჩხირები, რომელიც კიბორჩხალას თათებს საერთოდ არ შეიცავს და კიბორჩხალას ესენციისა და სოიისაგან მზადდება.

5. სიმინდის ბურბუშელა

თუ სიმინდის ბურბუშელას ყიდულობთ, კარგად გასინჯეთ: ტკბილი გემო თავად ბურბუშელას არ უნდა ჰქონდეს, ის უნდა დატკბეს მხოლოდ ზემოდან მოყრილი შაქრის პუდრით. თუ ბურბუშელა ტკბილია, ესე იგი მასში გამოიყენეს შაქრის შემცვლელები, უმეტეს შემთხვევაში, ციკლომატი. დაიმახსოვრეთ, რომ ბურბუშელა 200 გრადუს ტემპერატურაზე მზადდება, ხოლო შაქარი 140 გრადუსზე იწვის.

6. ფაფები და ბურღულეული, რომელთაც დამატებული აქვს საღებავები და არომატიზატორები

დაიმახსოვრეთ, თუ ფაფას აქვს განსაკუთრებული გემო – ვაშლის, მსხლის, ფორთოხლის, ქლიავის ან სხვა, მას დამატებული აქვს არომატიზატორები და საღებავები, ეს კი ქიმიაა და მისი ჭამა არ შეიძლება.

7. კოწახურის კანფეტები

ამ კანფეტებში ამჟამად ისეთ ძლიერ კოწახურის ესენციას იყენებენ, რომ შეფუთვის გარეშე მაგიდაზე ერთი დღით დატოვებულ კანფეტს შეუძლია სუფრაც კი გახვრიტოს და მაგიდის ლაქიც დააზიანოს. წარმოიდგინეთ, რას უზამს ის თქვენს კუჭს?

8. მარმელადი

მარმელადს, რომელსაც დღეს სუპერმარკეტების თაროებზე ნახავთ, საერთო არაფერი აქვს მის წინაპართან, რომელსაც სსრკ-ში აწარმოებდნენ. ეს უბრალოდ სასწაულია ქიმიური მრეწველობისა.

9. კარტოფილი ფრი, რომელიც მზა სახით იყიდება სუპერმარკეტებში

ამ პროდუქტის დასამზადებლად გამოიყენება ანტიდამჟანგველები. სწორედ მათი დამსახურებაა, რომ კარტოფილი ფრი ლამის ერთი წელი ინახება და არ ფუჭდება პაკეტებში. იგივე შეიძლება ითქვას ფასტ-ფუდებზეც.

10. მოხარშული ძეხვი

მის დასამზადებლად აქტიურად გამოიყენება გენმოდიფიცირებული სოია. სოსისი, სარდელი, მოხარშული ძეხვი, პაშტეტები – ამ ხორცპროდუქტების შემადგენლობაში შედის სალა, მუცლის ქონი და სუბპროდუქტები, ისიც მხოლოდ 40%-მდე, ხოლო ხორცის გემოს აღწევენ უამრავი გემოვნებითი დანამატების და საღებავების საშუალებით.

11. ლორი

არანაირ ნატურალურობაზე აქ საუბარი არ შეიძლება იყოს. იღებენ ღორის კისრის ხორცის პაწაწინა ნაჭერს და ერთ კილოგრამ სპეციალურ ჟელეს, მთელი ღამით აჩერებენ გადასამუშავებელ მანქანაში, ამ ხნის განმავლობაში ჟელე ჯირჯვდება ხორცთან ერთად და დილით უკვე მიიღება ხორცის დიდი ნაჭერი. როგორც წესი, მის შემადგენლობაში მხოლოდ 5% ხორცია, დანარჩენ ნაწილს შეადგენს ჟელე, კარატინინი, გემოს გამაძლიერებელი, საღებავი.

12. შებოლილი ძეხვი

დღეს უკვე არავინ არ ბოლავს პროდუქტს ისე, როგორც ამას წინათ აკეთებდნენ. გამოიყენება სპეციალური კონსერვირებადი სითხეები, რომელთა შემადგენლობაში ფორმალდეჰიდი შედის.

13. რძის პროდუქტები, რომელთაც შენახვის დიდი ვადა აქვს

ნებისმიერი რძის ნაწარმი, რომელსაც ორ თვეზე მეტი შენახვის ვადა აქვს, გამოსაყენებლად საშიშია, რადგან ის სავსეა ასეპტიკური ნივთიერებებითა და ანტიბიოტიკებით.

14. პლასტიკურ მასალაში შეფუთული მაიონეზი

ძმარი, რომელიც მაიონეზის შემადგენლობაშია, რეაქციაში შედის პლასტიკურ ნივთიერებებთან, რომელიც შესაფუთ მასალად გამოიყენება. ამ რეაქციის შედეგად კანცეროგენული ნივთიერებები გამოიყოფა. ასეთი შეფუთვა შეიძლება გაუკეთდეს მხოლოდ ნეიტრალურ პროდუქტებს.

15. ტკბილი წიწაკა (არასეზონის დროს)

ეს არის აბსოლუტურად გენმოდიფიცირებული პროდუქტი. მისი ჭამა არავითარ შემთხვევაში არ შეიძლება მათთვის, ვისაც აქვს კუჭ-ნაწლავის პრობლემა, ჰიპერტონია, გულის იშემიური დაავადებები, ჰემოროი, უძილობა, თირკმელების და გულის პრობლემები. ტკბილი წიწაკა შედის პროდუქტების ათეულში, რომლებშიც განსაკუთრებით დიდი რაოდენობითაა აზოტი და პესტიციდები. ამიტომ ეს ბოსტნეული უმჯობესია ვჭამოთ ზაფხულში, სეზონის დროს, თანაც უპირატესობა მიანიჭეთ ადგილობრივს.

16. ნაყინი

ალბათ, გიკვირთ, რატომაა ამ სიაში ნაყინი. საქმე ისაა, რომ დღესდღეობით ძალიან ძნელია ისეთი ნაყინის პოვნა, რომელიც რძეზეა დამზადებული. თუკი ასეთს ნახავთ, შეგიძლიათ გაბედულად მიირთვათ. ფხვნილებზე დამზადებულ ნაყინს კი ჯანმრთელობის შერყევის მეტი არაფერი მოაქვს.

17. კექსები და რულეტები, რომელთაც შენახვის დიდი ვადა აქვს

ეს ნაწარმი არ ხმება, არ შრება, არ ფუჭდება... მათ საერთოდ არაფერი არ მოსდით თვეების განმავლობაში. დაფიქრებულხართ, რა რაოდენობის კონსერვანტია მათში, რომ თვეების განმავლობაში პირვანდელ სახეს ინარჩუნებენ?

18. მდნარი ყველი

ყველის მაგარი სახეობებისაგან განსხვავებით, მდნარი ყველი შეიცავს დიდი რაოდენიბით ნატრიუმს, რაც მას არასასურველ პროდუქტად აქცევს. ის საერთოდ არ შეითვისება ორგანიზმის მიერ.

19. ხსნადი ყავა

მისი მირთმევა განსაკუთრებით საზიანოა მამაკაცებისათვის, რადგან ის უარყოფითად მოქმედებს ჰორმონულ ჯირკვლებზე,

20. არომატიზებული ჩაი, ერთჯერადი გამოყენების ჩაის პაკეტები

დალიეთ ნატურალური ჩაი, რომელშიც არაფერი არ დაცურავს და რომელსაც არ აქვს უცხო გემო. ყველა არომატიზებულ ჩაის დამატებული აქვს ლიმონის სიმჟავე და არომატიზატორები.

21. რაფინირებული დეზოდორირებული მცენარეული ზეთი

რაფინირებული ზეთი მავნებელია ჯანმრთელობისათვის, რადგან რაფინირება ხდება ძალიან მაღალ ტემპერატურაზე და ამ დროს გამოიყოფა კანცეროგენული ნივთიერებები. ამავე მიზეზით არასასურველია ერთსა და იმავე ზეთში შეწვა (გამონაკლისია ზეითუნის ზეთი).

22. კეტჩუპი და სხვადასხვა სოუსი

ისინი დიდი რაოდენობით შეიცავენ საღებავებს, გენმოდიფიცირებულ პრიდუქტებსა და კონსერვანტებს, რომლებიც საჭმლის მომნელებელ სისტემას ანგრევენ.

23. კარტოფილის ჩიპსები

ეს განსაკუთრებით ეხება არა მთელი კარტოფილის, არამედ პიურესაგან მომზადებულ ჩიპსებს. ეს არის ნახშირწყლებისა და ცხიმების ნაზავი, პლუს გემოვნებითი დანამატები და კონსერვანტები.

24. სწრაფი მომზადების პროდუქტები

სწრაფი მომზადების ვერმიშელი, სუპები და პიურეები, აგრეთვე წვენის დასამზადებელი ფხვნილები ცარიელი ქიმიაა, რომელსაც ორგანიზმისათვის ზიანის მეტი არაფერი მოაქვს.

25. ტკბილი გაზიანი სასმელები

ტკბილი გაზიანი სასმელები – ესაა შაქრის, გაზისა და ქიმიის ნაზავი. „კოკა-კოლა“, მაგალითად, შესანიშნავი საშუალებაა ნიჟარიდან ნადებისა და ჟანგის მოსაცილებლად. კარგად დაფიქრდით, სანამ ამ ნივთიერებას კუჭში ჩაუშვებდეთ. ამავე დროს, ეს სასმელები შეიცავენ დიდი რაოდენობით შაქარს და მის შემცვლელებს, ამიტომ არ გაგიკვირდეთ, რომ გაზიანი სასმელი წყურვილს კი არ გიკლავთ, არამედ გიმძაფრებთ.

26. საფუვრიანი პური და თეთრი პური

თუ საფუვრიან პურს ჭამთ, ჩათვალეთ, რომ ორგანიზმში უშვებთ სოკოებს. ჯობია, უპირატესობა მიანიჭოთ ქატოსა და ჭვავის პურს. უმაღლესი ხარისხის რაფინირებული თეთრი ფქვილი მავნებელი პროდუქტების ათეულში შედის.

27. ქაღალდის პაკეტებში შეფუთული ხილის წვენები

ნატურალურ წვენებზე აქ ლაპარაკი ზედმეტია. იცოდეთ, რომ ნატურალური წვენები არ იყიდება. ნუ მისცემთ ბავშვებს ამ პროდუქტს – ეს სუფთა ქიმიაა. ჯობია, ოჯახში დამზადებული ხილის კომპოტებით და ჯემებით გაუმასპინძლდეთ მათ.

28. ქათამი

დღესდღეობით გასაყიდი ქათმების დიდი ნაწილი ჰორმონებითაა გამოკვებილი. ქათამი ისედაც ქალური ჰორმონების ექვს სახეობას შეიცავს და მისი ხორცის ჭამა განსაკუთებით მამაკაცებისთვისაა საზიანო. ამას დაუმატეთ ათასგვარი ვიტამინი და სწრაფად გაზრდისათვის აუცილებელი სხვა ნივთიერებები. ხელოვნურად გაზრდილი ქათამი ნამდვილი საწამლავია ორგანიზმისათვის.

29. შოკოლადის კანფეტები

შოკოლადის 90% სულაც არაა შოკოლადი. ეს არის უზარმაზარი რაოდენობის კალორია გენმოდიფიცირებულ პროდუქტებთან, საღებავებსა და არომატიზატორებთან ერთად. შოკოლადს ამატებენ სპეციალურ ნივთიერებებს, რომლებიც გემოს რეცეპტორების გაღიზიანებას იწვევს და თქვენ ისევ და ისევ გინდებათ ამ სასუსნავის მირთმევა.

30. ალკოჰოლი

ალკოჰოლი მინიმალური დოზებითაც კი ორგანიზმს ხელს უშლის ვიტამინების ათვისებაში. გარდა ამისა, ის ძალიან კალორიულია. ის, თუ რა მავნებელია ალკოჰოლი ღვიძლის, თირკმელების, გულისა და სხვა ორგანოებისათვის, თქვენთვის კარგადაა ცნობილი. მისი მხოლოდ ძალიან იშვიათად და მცირე დოზებით გამოყენებაა სასურველი, ისიც წითელი ან თეთრი ნატურალური ღვინისა. არაყზე და ტკბილ, არომატიზატორებით გაჯერებულ ლიქიორებზე უმჯობესია უარი თქვათ.