მკურნალობა წვენებით
ისინი განსაკუთრებით სასარგებლოა ბავშვებისა და მოზარდებისათვის.
ახალგამოწურული წვენები გამოირჩევა დიეტური და სამკურნალო თვისებებით, ხელს უწყობს ძირითადი ნივთიერებების შეწოვას, აუმჯობესებს მადას, ორგანიზმში მეტაბოლიზმს და კლავს წყურვილს.
წვენების მოსამზადებლად არჩევენ საშუალო ზომის ხილ-ბოსტნეულს, რომელსაც აქვს კარგი გემო, არომატი და დაბალი მჟავიანობა (ვაშლისა და კენკრისთვის).
ბოსტნეულისა და ხილის წვენის მომზადება მიზანშეწონილია უშუალოდ გამოყენებამდე, რადგან წვენი სწრაფად კარგავს საკვებ თვისებას და გემოს.
ახალგაწურული წვენების შენახვის ვადა შეზღუდულია: არა უმეტეს 4 საათისა ზამთარში და 2 საათისა ზაფხულში. აუცილებელია ცივ ადგილას მინის ჭურჭელში შენახვა. უმჯობესია, წვენი გაწურვისთანავე დალიოთ.
სტაფილოს წვენი
სტაფილოს წვენის განსაკუთრებული ღირებულება განპირობებულია A, C, B, E, D და K ჯგუფის ვიტამინებისა და ასევე სხვა აქტიური ნივთიერებების შემცველობით. ახალგაწურული სტაფილოს წვენი მდიდარია ტუტე ელემენტებით, როგორებიცაა კალიუმი და ნატრიუმი, ასევე შეიცავს კალციუმს, რკინას, ფოსფორს, გოგირდსა და სილიციუმს. სტაფილოს წვენი ადვილად მოსამზადებელია სახლში და მისი მიღება შესაძლებელია როგორც სუფთა სახით, ასევე სხვა ბუნებრივ მცენარეულ წვენებთან შერევით. კანის წყლულების, გამონაყარის, ლიქენების, აბსცესების დროს მისი გამოყენება შესაძლებელია საფენების სახით გარეგანი მოხმარებისთვის.
სტაფილოს წვენი განსაკუთრებით სასარგებლოა მათთვის, ვისაც აწუხებს მომატებული დაღლილობა, მადის დაქვეითება, აღენიშნება ხშირი გაციებისადმი მიდრეკილება, კანის სიმშრალე, თმისა და ფრჩხილების მტვრევადობა. უზმოზე დალეული ერთი ჭიქა სტაფილოს წვენი აუმჯობესებს სახის ფერს, მხედველობის სიმახვილეს, ამაგრებს თმას, განსაკუთრებულად ეხმარება ადამიანის ორგანიზმს ავადმყოფობის შემდეგ, მით უფრო, თუ პაციენტს აქვს მიღებული ანტიბიოტიკები.
სტაფილოს წვენის მომზადება და გამოყენება: გაწურვამდე ნაყოფი კარგად უნდა გარეცხოთ. ახალგაწურული წვენი უმჯობესია დაუყოვნებლივ დალიოთ. მკურნალობის მეთოდი გულისხმობს ერთი ჭიქა ახალი სტაფილოს წვენის დალევას დღეში 2-ჯერ (დილით და საღამოს), სულ მცირე, ერთი თვის განმავლობაში. გარდა ამისა, წვენის მიღების სიხშირე და რაოდენობა შეიძლება თანდათან შემცირდეს. მკურნალობის ეს კურსი წელიწადში 2-ჯერ მაინც უნდა განმეორდეს.
უოკერმა, წვენებით მკურნალობის სპეციალისტმა, რეკომენდაცია გაუწია 87 რეცეპტს 154 დაავადებისთვის, მათგან 77 შეიცავს სტაფილოს წვენს.
ჭიებისთვის გამოიყენება ახალი სტაფილოს წვენი უზმოზე ან გახეხილი სტაფილო ზეთით. ბუასილის დროს იყენებენ სტაფილოს წვენის ოყნებს.
სტაფილოს წვენს თაფლით სვამენ გაციების, ხველების, ზედა სასუნთქი გზების კატარის, პნევმონიის, ქოშინის, მოხრჩობის შეგრძნების, ფილტვის ტუბერკულოზის საწყისი სტადიის დროს. პირის ღრუს ანთებითი დაავადებებისას სტაფილოს წვენი რეკომენდებულია სავლების სახით. სტაფილოს წვენი სასარგებლოა ორსულებისთვის, როგორც მატონიზებელი და მეტაბოლური პროცესების გამაუმჯობესებელი საშუალება.
სტაფილოს აქვს ჭრილობების სამკურნალო და ანთების საწინააღმდეგო ეფექტი. საფენების სახით გამოიყენება ჭრილობებზე, წყლულებსა და ნახეთქებზე.
კომბოსტოს წვენი
ზოგიერთი ექსპერტის განცხადებით - კომბოსტოში ყველაზე სასარგებლო მისი წვენია. 1 ლიტრი წვენის მისაღებად დაახლოებით 2 კილოგრამი კომბოსტო დაგჭირდებათ. ახალგაწურული წვენის შენახვა სასურველია მაცივარში, მხოლოდ შუშის ან მომინანქრებულ ჭურჭელში.
სამკურნალო თვისებების გამო კომბოსტოს წვენი ეფექტურია კუჭისა და თორმეტგოჯა ნაწლავის წყლულოვანი პათოლოგიის დროს. ის აუმჯობესებს ლიპიდურ ცვლას და მეტაბოლურ პროცესებს კუჭის ლორწოვან გარსში, აქვს ანტიბაქტერიული თვისებები შტაპჰყლოცოცცუს აურეუს-ისა და Mყცობაცტერიუმ ტუბერცულოსის-ის წინააღმდეგ, გამოაქვს ორგანიზმიდან ქოლესტერინი და ტოქსიკური ნივთიერებები. კომბოსტოს წვენი ეფექტურია დაბალი მჟავიანობის მქონე გასტრიტის დროს. ყელის ტკივილისას რეკომენდებულია სავლების სახით (წყლით განზავებული 1:1 თანაფარდობით), ხოლო ახალგამოწურული კომბოსტოს წვენი თაფლით დაგეხმარებათ ხველის დამარცხებაში.
გახეხილი კომბოსტო და მისი წვენი ეფექტურია ხანგრძლივად შეხორცებადი ჭრილობებისა და წყლულების სამკურნალოდ, დამწვრობის სამკურნალოდ კი კომბოსტოს წვენს თანაბარ ნაწილად ურევენ კვერცხის ცილას.
ახალი კომბოსტოს წვენს აქვს ანტისეპტიკური და ანთების საწინააღმდეგო თვისებები.
გახსოვდეთ, კომბოსტოს წვენი, ისევე როგორც კარტოფილისა, მომზადებისთანავე უნდა დალიოთ, რადგან ის სწრაფად კარგავს სამკურნალო თვისებებს. დასარბილებლად შეგიძლიათ დაამატოთ რამდენიმე წვეთი ლიმონის წვენი.
კომბოსტოს ფოთლების წვენს ხალხურ მედიცინაში იყენებენ ტუბერკულოზის დროს (თაფლთან შერეული სახით), ღვიძლის დაავადებების, ყაბზობის, გასტრიტისა და კუჭის წყლულოვანი პათოლოგიის სამკურნალოდ.
სტაფილოსა და კომბოსტოს წვენების ნარევი C ვიტამინის შესანიშნავი წყაროა, განსაკუთრებით რეკომენდებულია ღრძილებისა და პაროდონტის დაავადების დროს.
კომბოსტოს წვენი, C ვიტამინის გარდა, შეიცავს გოგირდს, ქლორიდებს, კალიუმს მაღალი კონცენტრაციით. კომბოსტოს წვენს იყენებენ სიმსუქნის, შაქრიანი დიაბეტისა და ენტეროკოლიტის დროს.
საყურადღებოა: კომბოსტოს წვენი ზრდის აირების წარმოქმნას, ამიტომ სასარგებლოა მისი შერწყმა სტაფილოს წვენთან. არსებობს ჩვენებები კომბოსტოს წვენის სასარგებლო ეფექტის შესახებ სიმსივნეებისა და ყაბზობის დროს, აგრეთვე შაქრიანი დიაბეტის ფონზე განვითარებული კანის დაავადებების სამკურნალოდ.