ლალი ჩხიკვაძე

ამასთან შამპინიონი სასარგებლოა სიმსუქნის დროს.

სოკო ამრავალფეროვნებს რაციონს და ამდიდებს მას საკვები და ბიოლოგიურად აქტიური ნივთიერებებით. მაგალითად, D ვიტამინი მოქმედებს კალციუმის ათვისებაზე და ძვლების სიჯანსაღეზე, ხოლო В ჯგუფის ვიტამინები აუცილებელია ენერგიის შენარჩუნებისათვის.

თეთრი სოკო შეიცავს В2 და В3 ვიტამინებს, მდიდარია სპილენძით, რომელიც მნიშვნელოვანია ორგანიზმში ენერგეტიკული ბალანსის შესანარჩუნებლად.

სოკოში არსებული პრებიოტიკები ასტიმულირებს ნაწლავში სასარგებლო მიკროფლორის ზრდას და იმუნიტეტის გაძლიერებას. სოკო ასევე შეიცავს უჯრედისს, რომელიც მნიშვნელოვანია საკვების მონელებისათვის.

სოკო პრაქტიკულად არ შეიცავს კალორიებს, ხოლო შიმშილის გრძნობას დიდი ხნით გვაკარგვინებს. ამასთან სოკოში არსებული სპილენძი და თუთია გვიქვეითებს ტკბილისადმი ლტოლვას. სოკოში არსებული ანტიოქსიდანტები ორგანიზმის უჯრედებს იცავს ჟანგვისაგან, რითაც ამუხრუჭებს დაბერების პროცესს.

სოკოს ცილები მდიდარია ლიზინით, ტრეონინით, ლეიცინით, ტრიფტოფანით და სხვა ამინომჟავებით, რომლებიც მცირედაა წარმოდგენილი მცენარეულ საკვებში. სოკო ასევე აქვეითებს „ცუდი“ ქოლესტერინის დონეს უჯრედისის შემცველობის ხარჯზე, რომელიც ასევე სისხლში შაქრის დონის რეგულირებას უწყობს ხელს.

სოკო უმი სახით არ უნდა მივიღოთ, რადგანაც ის შეიცავს შხამ აგარიტინს, რომელიც მხოლოდ გაცხელებისას იშლება.