ლალი ჩხიკვაძე

უცხიმო რძის პროდუქტების, რაფსის ზეთის მოხმარებას. აქამდე ითვლებოდა, რომ სკანდინავიური დიეტის დადებითი ეფექტი ძირითადად შემოიფარგლებოდა წონის კლებით. თუმცა, როგორც დანიის, შევედეთის, ნორვეგიის, ფინეთისა და ისლანდიის უნივერსიტეტების მეცნიერთა მიერ ჩატარებულმა კვლევებმა აჩვენა, კვების ამგვარი ტიპი სასარგებლოა ჯანმრთელობისთვის, მიუხედავად იმისა აღინიშნება თუ არა წონაში კლება.

მეცნიერების მიერ ჩატარებულ კვლევში მონაწილოებდა 50 წელს გადაცილებული 200 ადამიანი ჭარბი წონით. ყველა მათგანში მომატებული იყო დიაბეტის და გულ-სისხძარღვთა სისტემის დაავადების განვითარების რისკი. მოხალისეები შემთხვევითობის პრინციპით დაყვეს ორ ჯგუფად. ერთი ჯგუფი ნახევარი წლის განმავლობაში იკვებებოდა სკანდინავიური დიეტის მიხედვით, მეორე საკონტროლო ჯგუფის მონაწილეები ღებულობდენ მათთვის ჩვეულ საკვებს. კვლევის მიმდინარეობისას, ყველა მონაწილეს რეგულარად უკეთდებოდა სისხლის და შარდის ანალიზი, რითაც მეცნიერები აკვირდებოდენენ ცვლილებებს სხვადასხვა მაჩვენებლის მიხედვით.

ნახევარი წლის შემდეგ, სკანდინავიური ჯგუფის მონაწლეებში, ამგვარი დიეტის შედეგად, მნიშვნელოვნად გაუმჯობესდა მათი ჯანმრთელობის მდგომარეობა საკონტროლო ჯგუფის მონაწილეებთან შედარებით. კერძოდ, სისხლში დაქვეითდა ქოლესტერინის და ტრიგლიცერიდების დონე, ორგანიზმი უკეთ არეგულირებდა სისხლში გლუკოზის დონეს. ამასთან დადებითი ცვლილებები აღინიშნა იმ მონაწილეებშიდაც, რომელთა წონაც საერთოდ არ შეცვლილა.

მეცნიერების აზრით ამგვარი ეფექტის საფუძველი არის ომეგა-3 და ომეგა-6 პოლიუჯერი ცხიმოვანი მჟავების უნიკალური კომპოზიცია, რომელსაც ორგანიზმი სკანდინავიური დიეტის შესაბამისი კვებით ღებულობს.

ცხიმების ძირითადი წყარო სკანდინავიურ დიეტაში არის ზღვის თევზი და მცენარეული ცხიმი: რაფსის, სელის და მზესუმზირის ზეთი. ამას გარდა, დიეტა გულისხმობს ნაჯერი ცხოველური ცხიმებისა და ტექნოლოგიურად გადამუშავებული პროდუქტების მოხმარების დაბალ დონეს.