მონაცემებით, მსოფლიოს მოსახლეობის 40%-ს საჭმლის მომნელებელი სისტემის ქრონიკული პრობლემები აწუხებს. მიზეზი შეიძლება სხვადასხვა იყოს: ბოჭკოთი მდიდარი პროდუქტის იშვიათად მიღება, არაჯანსაღად კვება და ფიზიკური აქტივობის ნაკლებობა, სტრესი, მოუწესრიგებელი ძილის რეჟიმი და სხვა.

არსებობს საჭმლის მომნელებელი სისტემის სხვადასხვა დაავადება. მათ შორის ყველაზე გავრცელებულია: გასტროეზოფაგური რეფლუქსის დაავადება, წყლულოვანი დაავადება, გასტრიტი, გლუტენის აუტანლობა და ცელიაკია, ბუასილი, ნაწლავის ანთებითი დაავადება, ყაბზობა და სხვა.

ზოგიერთი დაავადება ადამიანებს არაჯანსაღად კვებისა და ცხოვრების მოუწესრიგებელი რეჟიმის გამო ემართებათ. მნიშვნელოვანია, ყოველდღიური რაციონი იყოს დაბალანსებული, მოიცავდეს სხვადასხვა სახის პროდუქტს, რომელთა უმეტესობა, სასურველია იყოს ბოჭკოვანი.

საჭმლის მონელებას ხელს უწყობს ისეთი პროდუქტები, როგორიცაა: იოგურტი, ვაშლი, ფორთოხალი, ბანანი, კეფირი, ჩიას მარცვლები, პაპაია, ცერეცო, კომბუჩა - ფერმენტირებული ჩაი, მარცვლეული, ჭარხალი, ჯინჯერი, მწვანე ბოსტნეული, ორაგული, პიტნა და სხვა.

ამ სტატიაში განვიხილოთ, რატომ არის კონკრეტულად იოგურტი სასარგებლო საჭმლის მომნელებელი სისტემისთვის და როგორ უნდა შევარჩიოთ ის:

იოგურტი, რომელიც დამზადებულია ნატურალური რძისგან და, როგორც წესი, ფერმენტირებულია რძემჟავა ბაქტერიების მიერ, არამხოლოდ საჭმლის მომნელებელ სისტემაზე, არამედ ზოგადად, ადამიანის ორგანიზმზე დადებით ზეგავლენას ახდენს.

მიუხედავად იმისა, რომ ჩვენს ნაწლავებში პრობიოტიკები ბუნებრივად ბინადრობენ, მისით მდიდარი იოგურტის მიღება მონელების პროცესს კიდევ უფრო ამარტივებს. მეგობარი ბაქტერიებით მდიდარი პროდუქტი მნიშვნელოვან როლს თამაშობს ყაბზობის დამარცხებაში, ლაქტოზისა და რძის შაქრის უკეთ მონელებაში.

აღსანიშნავია, რომ არცერთ ჩვეულებრივ იოგურტში არ გვხვდება პრობიოტიკები, თუ ის პროდუქტს წარმოების დროს არ დაემატა, შესაბამისად მისი სწორად შერჩევა მნიშვნელოვანია. აღნიშნული მახასიათებლით გამოირჩევა აქტივია, რომელიც შეიცავს ცოცხალ პრობიოტიკს Actiregularis-ს, რომელიც ფრანგმა მეცნიერებმა შექმნეს. მისმა დამატებამ კი იოგურტი უნიკალურად აქცია.

ნაწლავების ჯანმრთელობა უმნიშვნელოვანესია ორგანიზმის სრულფასოვნად ფუნქციონირებისთვის. ამასთან, მასში წარმოიქმნება იმუნიტეტის 70%, რაც ინფექციისა და მავნე ბაქტერიებისგან გვიცავს. მოწესრიგებულ კუჭ-ნაწლავის ტრაქტს ადამიანის ფსიქიკურ ჯანმრთელობაზეც დადებითი ზეგავლენის მოხდენა შეუძლია. ყაბზობა და სხვა დაავადებები კი აუარესებენ ჩვენი ცხოვრების ხარისხს და მუდმივ სტრესში გვამყოფებენ.

პრობიოტიკებით გაჯერებული პოპულარული იოგურტია „აქტივია“, რომელსაც ჩვეულებრივი იოგურტისგან განსხვავებით სამკურნალო თვისებაც აქვს. ის კუჭ-ნაწლავის სისტემას ეხმარება სწრაფ მონელებაში და ადამიანს ათავისუფლებს დისკომფორტისგან. დადასტურებულია, რომ ყაბზობის შემთხვევაში, „აქტივიას“ უწყვეტი, 14-დღიანი მოხმარება პრობლემას სრულად აგვარებს.

თუ შაქრის შემცველი პროდუქტების მიღებას ერიდებით, თუმცა მომნელებელი სისტემის პრობლემები გაწუხებთ, შეგიძლიათ, უშაქრო „აქტივია“ სცადოთ. ჯანსაღი იოგურტის ყოველდღიურად მიღება დაკავშირებულია გულისა და ძვლის დაავადებების პრევენციასა და წონის კონტროლთან. ამასთან, პრობიოტიკების შემცველი პროდუქცია აუმჯობესებს ადამიანის იმუნურ სისტემას და უფრო ბრძოლისუნარიანს ხდის მას.

როდის უნდა მივიღოთ პრობიოტიკებით მდიდარი იოგურტი?

იოგურტის მიღება სასურველია საუზმეზე, რადგან პრობიოტიკები ამ შემთხვევაში უფრო მარტივად აკეთებენ თავიანთ საქმეს.ამასთან, თუ ლანჩის შემდეგ წახემსება მოგინდათ, მარტივ ნახშირწყლებს, რომლითაც გაჯერებულია კანფეტები, რძიანი შოკოლადი და მსგავსი პროდუქტები, სჯობს პრობიოტიკებით მდიდარი იოგურტი მივიღოთ, რომელიც გემრიელიც არის და სასარგებლოც.