ჟურნალის რედაქცია

შაქრიანი დიაბეტის დროს

• აიღეთ 15 ცალი ლობიოს პარკი, დააქუცმაცეთ, დაასხით 200 მლ მდუღარე წყალი, ხარშეთ ნელ ცეცხლზე 10 წუთი და როცა გაგრილდება, გაფილტრეთ. მიიღეთ 2 სუფრის კოვზი დღეში 3-ჯერ, ჭამის წინ.
• ჩაყარეთ თერმოსში 2 სუფრის კოვზი დაქუცმაცებული ლობიოს პარკი, დაასხით ნახევარი ლიტრი მდუღარე წყალი, გააჩერეთ 3-4 საათი და გაფილტრეთ. მიიღეთ 1/2 ჭიქა დღეში 2-ჯერ, ჭამის წინ.
• შეიძლება უფრო კონცენტრირებული ნაყენის მომზადებაც: 2-3 ჭიქა დაქუცმაცებულ ლობიოს პარკს დაასხით 3-4 ჭიქა წყალი, ხარშეთ 10-13 წუთი ნელ ცეცხლზე და გაფილტრეთ. მიიღეთ 1/2 ჭიქა დღეში 4-ჯერ, ჭამამდე 30 წუთით ადრე.

როგორც შარდმდენი საშუალება

• 40 გ დაქუცმაცებულ ლობიოს პარკს დაასხით 1 ლიტრი ცივი წყალი, დააყენეთ მთელი ღამე თავდახურულ ჭურჭელში და გაფილტრეთ. მიიღეთ 200 მლ დღეში 3-4-ჯერ.

ქრონიკული პანკრეატიტის დროს

• 2-3 სუფრის კოვზ გამხმარ ლობიოს პარკს დაასხით 0,5 ლიტრი მდუღარე წყალი და დააყენეთ თერმოსში 5 საათი. შემდეგ გაფილტრეთ. მიიღეთ 1/2 ჭიქა დღეში 3-4-ჯერ, ჭამამდე 30 წუთით ადრე.

რევმატიზმისა და თირკმლისმიერი შეშუპების დროს

• 1 სუფის კოვზ გამომშრალ, დაჭრილ ლობიოს პარკს დაასხით 400 მლ მდუღარე წყალი, 1 საათი გააჩერეთ თერმოსში და გაფილტრეთ. მიიღეთ ცხელ-ცხელი, 1/2 ჭიქა დღეში 3-4-ჯერ.

ღვიძლის დაავადებების, რევმატიზმისა და წყალმანკის დროს

• 30-40 გ დაქუცმაცებულ ლობიოს პარკს დაასხით 1 ლ ცხელი წყალი და ადუღეთ დაბალ ცეცხლზე 15 წუთი. გააგრილეთ და გაფილტრეთ. მიიღეთ 1/2 ჭიქა დღეში 3-4-ჯერ, ჭამამდე.