ხმელთაშუა ზღვის დიეტა ქალებში 30%-ით ამცირებს შაქრიანი დიაბეტის განვითარების რისკს
ქალებს, რომელთა კვების რაციონიც ხმელთაშუა ზღვის (MED) დიეტის მსგავსია, ნაკლებად ემუქრებათ შაქრიანი დიაბეტი ტიპი 2-ის განვითარების რისკი.
დიეტის დროს კვების რაციონი მდიდარია ჯანსაღი ცხიმებით, ხილით და ბოსტნეულით, ასეთი რაციონი კი 30%-ით ამცირებს სისხლში შაქრის დისბალანსს.
დიაბეტის რისკის შემცირების გარდა, მკვლევარებმა პოტენციური სარგებლის მიზეზის ახსნაც შეძლეს. ერთგვარი ბიომარკერები აღმოჩნდა ინსულინ რეზისტენტობა, ორგანიზმის გაცხიმოვნება, სხეულის მასის ინდექსის, მაღალი სიმკვრივის ლიპოპროტეინების (HLD) ზომა და ანთება.
ხმელთაშუა ზღვის დიეტაში შემავალი პროდუქტები ორგანიზმში აღნიშნულ პროცესებს არეგულირებენ.
ადამიანები, რომლებიც ამ დიეტას იცავენ, მიირთმევენ ზეითუნის ზეთს, უამრავი რაოდენობით ხილს და ბოსტნეულს, ასევე პარკოსნებს, თხილეულს. მცირე რაოდენობით თევზს და რძის პროდუქტებს, ასევე ცოტაოდენ წითელ ღვინოს.
შეზღუდული აქვთ წითელი და გადამუშავებული ხორცი, შაქარი და შაქრის შემცველი დანამატები.
მეტაანალიზმა, რომელიც 50 კვლევას მოიცავდა აჩვენა, რომ ხმელთაშუა ზღვის დიეტა მეტაბოლური სინდრომის რისკსაც ამცირებს. მათ, ვისაც მეტაბოლური სინდრომი აწუხებთ, გულის კორონარული დაავადებების და შაქრიანი დიაბეტი ტიპი 2-ის მომატებული რისკიც აქვთ.
ამასთანავე, ხმელთაშუაზღვის დიეტა გვიცავს სიმსუქნისგან, არტერიული წნევისგან, ქოლესტერინის დონის მატებისა და ინსულინ რეზისტენტობისგან.