თათია მარტიაშვილი

გთავაზობთ ამ სასმელის დადებით მხარეებს:

1. ანტისეპტიკური და ტკივილგამაყუჩებელი მოქმედება;

2. ამაღლებს იმუნიტეტს;

3. არეგულირებს ქოლესტერინს;

4. აუმჯობესებს საჭმლის მომნელებელ სისტემას;

5. არეგულირებს ნივთიერებათა ცვლას;

6. აუმჯობესებს მეხსიერებას;

7. კარგია კანისთვის;

8 კარგია ნერვული სისტემისთვის.

არ შეიძლება:

1. თუ ხართ ზოგადად ალერგიული;

2. თუ გაქვთ კენჭები თირკმელებში;

3. თუ გაქვთ კენჭები ნაღვლის ბუშტში;

4. ორსულობის დროს;

5. მეძუძური დედებისთვის;

6. შაქრიანი დიაბეტის დროს;

7. თუ ღებულობთ სისხლის გამათხელებელ პრეპარატებს (ასპირინი,

ვარფარინი და ა.შ)

სითხის მთავარი ინგრედიენტებია კურკუმა და შავი წიწაკა.

შავი წიწაკა შეიცავს ნივთიერებას, რომელიც კურკუმის აქტიურობას ზრდის.

ოქროს რძე აძლიერებს იმუნიტეტს. ეს არის გემრიელი და ჯანსაღი გაციების საწინააღმდეგო სითხე.

სასმელის მომზადებისთვის დაგვჭირდება:

• 1 ჭიქა რძე (ნუშის, ქოქოსის, ბრინჯის ან ძროხის)-250 მლ;

• კურკუმა - 1 ჩაის კოვზი (გირჩევთ დაიწყოთ ½ ჩაის კოვზით და ნელ-ნელა გაზარდოთ 1 ჩაის კოვზამდე);

• ¼ ჩაის კოვზი შავი წიწაკა.

ასევე შეგიძლიათ დაამატოთ:

• ნატურალური დამატკბობელი ( თაფლი, ტოპინამბურის (მიწავაშლა), ნეკერჩხლის ვაჟინი) – 1 ჩაის კოვზი;

• 1 ჩაის კოვზი ქოქოსის ზეთი;

• მწიკვი დარიჩინი ან ჯავზის (მუსკატის) კაკალი.

მომზადების პროცესი:

ქვაბში გააცხელეთ რძე ნელ ცეცხლზე, დაუმატეთ კურკუმა და შავი წიწაკა, დარიჩინი ან ჯავზის კაკალი (გახეხილი). ადუღებიდან 2-3 წუთი დავტოვოთ ცეცხლზე. გამოვრთოთ გაზქურა და დაველოდოთ სანამ არ გაგრილდება.

თბილ სითხეს დაუმატეთ თაფლი ან ნეკერჩხლის ან ტოპინამბურის ვაჟინი - 1 ჩაის კოვზი და ქოქოსის ზეთი - 1 ჩაის კოვზი. ეს სითხე უნდა მიირთვათ სანამ თბილია.

როგორ მივიღოთ?

სასურველია ოქროს რძე მიიღოთ დაძინებამდე 1 საათით ადრე. ის ხელს უწყობს ძილს. მიიღეთ 30 - 40 დღე. ასეთი კურსი შეგიძლიათ წელიწადში ორჯერ ჩაიტაროთ გაზაფხულზე და შემოდგომაზე.

რეცეპტს საკუთარ ფეისბუქ გვერდზე გვიზიარებს ექიმი-ნუტრიციოლოგი ნატა გაგუა.