დაბალნახშირწყლოვანი დიეტა ტვინს ნეიროდეგენერაციული დაავადებებისგან იცავს მეხსიერებას აუმჯობესებს
დიეტა, რომელიც გამოირჩევა ნახშირწყლების დაბალი შემცველობითა და ცხიმების მაღალი პროცენტით, იცავს ტვინს ნეიროდეგენერაციული დაავადებებისგან და კოგნიტიურ უნარებზე დადებითად მოქმედებს.
დადგინდა, რომ ასეთი რაციონი (კეტოგენური დიეტა) განსაკუთრებულ ზემოქმედებას ახდენს ნაწლავის მიკროფლორაზე და აუმჯობესებს ტვინის სისხლით მომარაგებას. ექსპერიმენტის ფარგლებში 18 თაგვი გაყვეს ორ ჯგუფად, პირველი დასვეს კეტოგენურ დიეტაზე, მეორე - ჩვეულებრივ რაციონზე.
ექსპერიმენტის დაწყებიდან 16 კვირის შემდეგ პირველი ჯგუფის მღრღნელებს აღენიშნათ ალცჰაიმერის დაავადების განვითარების რისკის დაქვეითება (კარგად უმკლავდებოდნენ მეხსიერების ტესტებსა და ტვინის მდგომარეობის შესაფასებელ სხვა დავალებებს) და ნაწლავის ბაქტერიული ბალანსის გაუმჯობესება.
ლალი ჩხიკვაძე