სპეციალისტებმა დაადგინეს, რომ ხმელთაშუაზღვის დიეტის წესების დაცვით მომზადებული კვირაში მხოლოდ სამი სადილი ხელს უწყობს გულისა და ღვიძლის ირგვლივ ცხიმოვანი ქსოვილის შემცირებას. გარდა ამისა, 18 თვის განმავლობაში დიეტის დაცვა, ხილის, ბოსტნეულისა და ნიგვზის მაღალი შემცველობით, მნიშვნელოვნად ამცირებს წელის გარშემოწერილობას.

კვლევაში მონაწილოებდა 278 ზრდასრული ადამიანი დიაბეტთან და გულსისხლძარღვთა სისტემის დაავადებებთან დაკავშირებული სისხლში ლიპიდების მაღალი დონითა და აბდომინური სიმსუქნით. მოხალისეებს ძირითადად მჯდომარე ცხოვრების წესი ჰქონდათ. კვლევის მიმდინარეობისას მოხალისეებს 18 თვის მანძილზე, კვირაში მინიმუმ სამჯერ უნდა ესადილათ ხმელთაშუაზღვის დიეტის წესებით, ან ცხიმების დაბალი შემცველობის მენიუთი.

სხვადასხვა ჯგუფის სადილები ერთიდაიგივე რაოდენობის კალორიას შეიცავდა. ყველა მონაწილე ყოველდღიურად იღებდა 28 გრამ ნიგოზს. ზოგიერთი მოხალისე ზომიერი ინტენსივობით ვარჯიშობდა. 18 თვის შემდეგ მონაწილეებს გაუკეთდათ მთელი სხეულის მაგნიტურ-რეზონანსული კვლევა.

მეცნიერებმა აღმოაჩინეს, რომ ვარჯიში და ხმელთაშუაზღვის დიეტა, დაბალკალორიულ დიეტასთან შედარებით, მნიშვნელოვნად ამცირებდა გულისა და ღვიძლის ირგვლივ ცხიმოვან ქსოვილსა და წელის გარშემოწერილობას. სხეულის მასის კლება სხვადასხვა ჯგუფებს შორის თითქმის ერთნაირი იყო.


ლალი ჩხიკვაძე

რა არის ხმელთაშუა ზღვის დიეტა და ვისთვის არის სასარგებლო
ხმელთაშუაზღვის დიეტა ყველასთვის ეფექტური როდია