ძუძუს კიბოს სადიაგნოსტიკო ახალი ტესტი
ახალი ტესტი HeiScreen, რომელიც ძუძუს კიბოს ადრეულ დიაგნოსტიკას სისხლით ახდენს.
სისხლის ეს ახალი ანალიზი ქრისტოფ ზონისა და მისი კოლეგების მიერ შემუშავდა, ეფუძნება კიბოს 15 მარკერის, კერძოდ, მიკრო-რნმ-ისა და მეთილირების მარკერების გამოყენებას.
ამიერიდან, უნიკალური ტექნოლოგიის წყალობით, გერმანელი ექიმებისათვის, სწრაფი და საიმედო დიაგნოსტიკისათვის საკმარისი იქნება რამდენიმე მილილიტრი სისხლი.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ჰაიდელბერგის საუნივერსიტეტო კლინიკის მეცნიერთა განცხადებით, HeiScreen -ტესტით გამოკვლეულ ქალებთან (სარძევე ჯირკვლის სიმსივნიანი 500 პაციენტი და 400 ჯანმრთელი ქალი საკონტროლო ჯგუფიდან) ახალი ანალიზის მგრძნობელობამ 75 % შეადგინა.
პრაქტიკულ ასპექტში ეს ნიშნავს იმას, რომ 100-დან 75 ქალი, რომელსაც აღენიშნება სიმსივნე, იდენტიფიცირებულ იქნა ახალი ანალიზით, ყოველგვარი სხვა დამატებითი გამოკვლევის გარეშე.
ექსპერტთა ნაწილი აკრიტიკებს ამ შედეგს და უამრავ კითხვაზე ითხოვს პასუხს.
მეცნიერები ახალი ტესტის უფრო მეტად დახვეწასა და მიმდინარე პროექტის გაგრძელებას გეგმავენ 2000 ქალის მონაწილეობით. კვლევის დასრულება და საბოლოო დასკვნები მომავალი წლის ბოლოსკენ იგეგმება.
