მშრალი თვალი ტექნიკური პროგრესის შედეგი - მკურნალი.გე

რუბრიკები

ოჯახის მკურნალის ანონსი

ნოემბერი 2019

კითხვა-პასუხი

მშრალი თვალი ტექნიკური პროგრესის შედეგი

მშრალი თვალი ტექნიკური პროგრესის შედეგი
თვალის სიმშრალეს გაცნობიერებულად თუ გაუცნობიერებლად ბევრი უჩივის. კომპიუტერთან ხანგრძლივი მუშაობა (რაც სრულიად ბუნებრივია დღევანდელ პირობებში), პლანშეტები, სმარტფონები, მათგან წამოსული ლურჯი სხივი უარყოფითად მოქმედებს თვალზე.


სხვადასხვა ავტორის მონაცემებით, ეს პრობლემა მსოფლიოს განვითარებული ქვეყნების ზრდასრული მოსახლეობის 15-17%-ს აწუხებს. ეს მაჩვენებელი კი წლიდან წლამდე იზრდება. ასე მაგალითად, უკანასკნელი 30 წლის განმავლობაში მშრალი თვალის სინდრომის დაიგნოსტირების შემთხვევები 4-5-ჯერ გახშირდა.

მშრალი თვალის სინდრომის გამომწვევ მიზეზებსა და პრობლემის მოგვარების საშუალებებზე გვესაუბრება ექიმი-ოფთალმოლოგი მაია ჯიბლაძე.

- ქალბატონო მაია, რამდენად ხშირია თქვენს პრაქტიკაში მშრალი თვალ
ის სინდრომი და რითია ის განპირობებული?

- ტექნიკური პროგრესის ეპოქაში მშრალი თვალის სინდრომი მეტად აქტუალური პრობლემაა. ეს არის დატენიანების ნაკლებობით გამოწვეული თვალის ზედაპირის ქრონიკული გაღიზიანება, რაც ხშირად ცრემლის აპკის დარღვევითაა განპირობებული.

- რა წარმონაქმნია ცრემლის აპკი?

- ცრემლის აპკი ვისკოელასტიკური სტრუქტურაა, რომელიც გარს ეკვრის თვალის ზედაპირს, გააჩნია დამცველობითი და
მკვებავი ფუნქცია, ასევე მონაწილეობს მხედველობით აქტში. ის სამი შრისგან შედგება, ამათგან ყველაზე მნიშვნელოვანი გარეთა ცხიმოვანი, იგივე ლიპიდური შრეა, რომელიც ხელს უშლის წყლის აორთქლებას და ცრემლის აპკის სტაბილურობის გარანტია.

თვალის ხამხამის მეშვეობით თვალის ზედაპირიდან მუდმივად ჩამოირეცხება მტვრის ნაწილაკები და მიმდინარეობს საცრემლე აპკის განახლების პროცესი.

ამ პროცესის დარღვევა იწვევს მშრალი თვალის სინდრომის განვითარებას.

- კიდევ რამ შეიძლება გამოიწვიოს მშრალი თვალის სინდრომი?

- თვალის სიმშრალის გამომწვევი მიზეზი შეიძლება იყოს ცრემლის პროდუქციის შემცირებაც, რის გამოც რქოვანა შრება და ირღვევა მისი კვება. ასე რომ, მშრალი თვალის სინდრომის განვითარება ბევრ ფაქტორზეა დამოკიდებული. ის განსაკუთრებით მწვავედ ვლინდება ეკოლოგიურად დაბინძურებულ ქვეყნებში.

- ვის შეიძლება დაემუქროს ეს პრობლემა?

- რისკის ჯგუფში არიან 40 წელს გადაცილებული პაციენტები, რადგან ასაკის მატებასთან ერთად ორგანიზმი სულ უფრო ნაკლებ ცხიმოვან სეკრეტს წარმოქმნის.

ქალებში კლიმაქსურ პერიოდში ჰორმონული დისბალანსის გამო ხშირად ვითარდება მშრალი თვალის სინდრომი.

ზოგიერთი მედიკამენტის ხანგრძლივი გამოყენება (მაგალითად, ჰიპოტენზიური პრეპარატები, ორალური კონტრაცეპტივები, ტრანკვილზატორები), ფარისებრი ჯირკვლის დაავადებები, კომპიუტერთან ხანგრძლივად მუშაობა, კონდიცირებული ჰაერი, კონტაქტური ლინზები და ა.შ. ასევე შეიძლება გახდეს თვალის სიმშრალის მიზეზი.

- რას შეიძლება უჩიოდეს ამ დროს ადამიანი?

პაციენტი ამ დროს უჩივის:

  • წვას;
  • თვალში უცხო სხეულის არსებობის შეგრძნებას;
  • სინათლის შიშს;
  • პერიოდულად მხედველობის დაბინდვას;
  • სიმხურვალისა და სიმშრალის შეგრძნებას;
  • მცირე რაოდენობით ლორწოვან გამონადენს;
  • პერიოდულ ცრემლდენას.

- როგორ უნდა მოგვარდეს პრობლემა?

- როგორც აღვნიშნე, ამ პრობლემას კომპიუტერთან ხანგრძლივად მუშაობა წარმოქმნის. მუშაობის პროცესში, ჩვენგან დამოუკიდებლად, თვალს უფრო იშვიათად ვახამხამებთ, ამიტომ ცრემლით მას ვეღარ ვატენიანებთ და იწყება სიმშრალის პრობლემა. ასეთ დროს რეკომენდებულია ყოველ ნახევარ საათში 5-10 წთ-ით მაინც თვალების დასვენება: თვალის ვარჯიში ან რამდენიმე წამით უბრალოდ თვალების დახუჭვა.

მშრალი თვალის სინდრომის მკურნალობა სიმპტომურია; უპირველესად ინიშნება თვალის დამატენიანებელი პრეპარატები, რომლებიც მოქმედების მექანიზმის მიხედვით იყოფა ხანმოკლე და ხანგრძლივი ზემოქმედების პრეპარატებად, უპირატესობა ენიჭება უკონსერვანტო მედიკამენტებს, რომელთა ჩაწვეთება კონტაქტურ ლინზაზეც შეიძლება.

რთულ შემთხვევაში მშრალი თვალის სამკურნალოდ ქირურგიულ მეთოდს მიმართავენ. რაც გულისხმობს საცრემლე წერტილების დახშობას სპეციალური საცობებით. ეს მეთოდი მექანიკურ დაბრკოლებას უქმნის ცრემლის გადინებას საცრემლე არხში.

- როგორ დგინდება მშრალი თვალის სინდრომი?

მშრალი თვალის დიაგნოსტიკისათვის საჭიროა:

  • ცრემლის აპკის დარღვევის დროის განსაზღვრა. ამ შემთხვევაში პაციენტს ვაწვეთებთ სპეციალურ ნივთიერებას - ფლუორესცეინს და ვაკვირდებით, რამდენ ხანში დაირღვევა რქოვანას ზედაპირზე ცრემლის აპკი.
  • ტარდება ასევე შირმერის ტესტი - ქვედა ქუთუთოს ზეკონიუნქტივალურ პარკში თავსდება სპეციალური სატესტო ზოლები და მათი ცრემლით დასველების ხარისხის მიხედვით განისაზღვრება ამ უკანასკნელის დეფიციტის დონე.

- როგორია პროგნოზი?

- თუ პაციენტი დროულად მიმართავს ექიმს და შეასრულებს მის რეკომენდაციებს, პროგნოზი კეთილსაიმედოა.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
გლუკოზის მეტაბოლიზმის ხელშეწყისთვის-60 აბი
ფასი: 25.2
მხედველობის ჯანმრთელობისთვის -60 აბი
ფასი: 39.9
მშრალი თვალისთვის-13მლ
ფასი: 14.9
დიეტოლოგია
გრაცას უნივერსიტეტის (ავსტრია) მეცნიერებმა ჩაატარეს ხანგრძლივი ექსპერიმენტი, რომლითაც დაადგინეს, რომ პერიოდულად შიმშილობა
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
კატეგორიის სხვა სტატიები
რუსეთის მეცნიერებათა აკადემიის ბიოქიმიური ფიზიკის ინსტიტუტის თანამშრომლებმა 14-წლიანი კვლევს შედეგები გამოაქვეყნეს.
მხედველობის სისტემის ჩამოყალიბება ხდება 1-5 წლის ასაკში, როდესაც ფორმირდება ძირითადი ფუნქციები: მხედველობის
თამბაქოს მავნე გავლენებს შორის ერთ-ერთი მხედველობის პრობლემათა გაღრმავება და დაბრმავების პროცესის დაჩქარებაა.
მნიშვნელოვანია საკვებ რაციონში იყოს ომეგა-3 უჯერი ცხიმოვანი მჟავებით (თევზი), ვიტამინებით მდიდარი (ხილი და ბოსტნეული) პროდუქტები.
სახის კოსმეტოლოგიური არასრულყოფილებიდან ზედა ქუთუთოს ფტოზი ერთ-ერთი
როგორც მედიკოსები ამტკიცებენ, ასაკობრივი კატარაქტა სულაც არ არის გარდაუვალი. როგორც აღმოჩნდა, რიგი ვიტამინებისა
ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად