რა უნდა იცოდეთ თქვენი ბავშვის მხედველობის შესახებ? - მკურნალი.გე

რუბრიკები

ოჯახის მკურნალის ანონსი

თებერვალი 2020

კითხვა-პასუხი

რა უნდა იცოდეთ თქვენი ბავშვის მხედველობის შესახებ?

რა უნდა იცოდეთ თქვენი ბავშვის მხედველობის შესახებ?
მხედველობა ბავშვის განვითარების უმნიშვნელოვანესი ნაწილია. მხედველობის განვითარებისათვის კრიტიკული პერიოდია დაბადებიდან 12 თვე და ასევე სკოლამდელი ასაკი, 3-5 წელი. დაბადების შემდეგ თვალის ერთადერთი ფუნქციაა ისწავლოს ხედვა ზუსტად ისე როგორც ბავშვი სწავლობს სიარულსა და მეტყველებას. თუმცა, აღსანიშნავია რომ სიარულისა და მეტყველების შემთხვევაში, მშობელი თავად აკვირდება განვითრების პროცესებს, მაგრამ როგორც წესი მისი თვალისათვის შეუმჩნეველი რჩება თუ როგორ ხედავს მისი შვილი.

იმისათვის რომ იცოდეთ ნორმალურად ვითარდება თუ არა თქვენი შვილის მხედველობა აუცილებელია გეგმიური ვიზიტი ოფთალმოლოგთან.


ოფთალმოლოგთან დროული მიმართვა შესაძლებელს ხდის განვითარების ადრეულ ეტაპზევე გამოვლინდეს ის
დარღვევები, რომლებიც აქვეითებენ მხედველობას და იწვევენ ისეთ მნიშვნელოვან პრობლემას როგორიცაა ამბლიოპია (ეგრეთ წოდებული „ზარმაცი თვალი“).

ამბლიოპია ტვინში მიმდინარე მხედველობითი პროცესების დარღვევაა და არა თვალის ორგანული პათოლოგია.  ამპბლიოპია ვითარდება მაშინ, როდესაც  დროულად არ ხდება, დაგვიანებულია კორექცია(სათვალის ან სხვ. დანიშვნა).
ზარმაცი თვალი  მხედველობის დაქვეითების ყველაზე ხშირი მიზეზია
სკოლამდელი - 5 წლამდე - ასაკის ბავშვებში.

თვალისათვის სკოლა წარმოადგენს ახალი ტიპის დატვირთვას. ბავშვი იწყებს ინტენსიურ კითხვას და წერას, რაც განაპირობებს გონებრივ განვითარებასა და შემდგომ ცხოვრებისეულ წარმატებას. ზარმაცი თვალის არსებობა აფერხებს ბავშვის სრულფასოვან განვითარებას. ამპბლიოპიის დიაგნოსტირება უმეტეს წილად ხდება სკოლამდელ ასაკში.  

ამბლიოპიის დროული გამოვლენისა და მხდველობის დაქვეითების თავიდან აცილების მიზნით სავალდებულოა ბავშვის ვიზიტი თვალის ექიმთან სკოლაში მიყვანამდე.

ზარმაცი თვალი ვითარდება გარკვეული რისკ ფაქტორების არსებობის ფონზე. ასეთი რისკ ფაქტორებია: ასტიგმატიზმი, ანიზომეტროპია, სიელმე, შორსმხედველობა, ახლომხედველობა და სხვ. ნებისმიერი მათგანის არსებობისას ბავშვის მხედევლობა შეიძლ;ება დაქვეიტდეს და განვითარდეს ზარმაცი თვალი (თუ დროულად არ მოვახდენთ კორექციას).

„ზარმაცი თვალის“ განვითრების პროცესი შექცევადია. მშობელმა უნდა იცოდეს რომ ზარმაცი თვალი მკურნალობის გარეშე, თავისით, „არ გაივლის“.
ოფთალმოლოგთან ბავშვის გეგმიური ვიზიტი საკმარისია იმისათვის რომ დროულად მოხდეს პრობლემის გამოვლენა, მკურნალობა და მაქსიმალური შედეგის მიღწევა.


ამბლიოპიის მკურნალობისას ჩვენი მიზანია 1. შევაჩეროთ მხედველობის დაქვეითება, 2. მაქსიმალურად გავაუმჯობესოთ მხედველობა.
ოფთალმოლოგთა საერთშორისო ასოციაციის რეკომენდაციით კრიტიკული მნიშვნელობა ენიჭება 5 წლამდე ასაკის ბავშვებში მხედველობის გამოკვლევას.

მინდა რამდენიმე რჩევა მივცე მშობლებს:

გასათვალისწინებელია რომ ამპლიოპიის თავიდან  ასაცილებლად კორექციისათვის ეფექტური პერიოდია 6-8 წლამდე ასაკი. ასაკის მატებასთან ერთად  სათვალით ან ოპერაციული ჩარევით შედეგის მიღების ალბათობა  მცირდება.

1. ბავშვის  აუცილებელი ვიზიტი ოფთალმოლოგთნ

•  პირველი ვიზიტი  - 3 თვემდე ასაკში;  
•  6 თვიდან 1 წლამდე;
•  3 წლის ასაკში;
•  5 წლის ასაკში/სანამ სკოლაში წავა.

2. დაუყოვნებლივ მიმართეთ ექიმს თუ ბავშვს ამჩნევთ შემდეგ ნიშნებს: ქცევის ცვლილება
• თვალებს ხშირად ისრესს;
• ტელევიზორთან ჯდება ახლოს;
• საგნები მოაქვს ახლოს სახესთან ან თავთან;
• ჭუტავს თვალებს საგნების დასანახად;
• ურჩევნია თავი გადახაროს რომელიმე მხარეს უკეთ დანახვის მიზნით;
• ხუჭავს ერთ თვალს კითხვის ან შორს ყურების დროს.

ფიზიკური ნიშნების არსებობა
• სინათლეზე აქვს ზემგრძნობელობა;
• ერთი ან ორივე თვალის არასწორი დგომა და შეზღუდული მოძრაობა;
• ვერ აყოლებს თვალს საგანებს, სათამაშოებს;
• ქრონიკული სიწითლე, ცრემლდენა;
• შეშუპება ან გამონადენი;
• დაშვებული აქვს ერთი ან ორივე ქუთუთო.

3. ვის უნდა მიმართოთ?

ბავშვის მხედველობის სრულფასოვანი გამოკვლევის მიზნით რეკომენდებულია ბავშვის მიყვანა ოფთალმოლოგიურ კლინიკაში, რომელიც აღჭურვილია ყველა საჭირო სადიაგნოსტიკო აპარატით. საჭირო აპარატურა ექიმს საშუალებას აძლევს დასვას დიაგნოზი და შეარჩიოს მკურნალობის სწორი ტაქტიკა.


დასასრულს, კიდევ ერთხელ დავძენთ, რომ სკოლამდელი ასაკის ბავშვის მხედველობა კრიტიკული მნიშვნელობისაა შემდგომი სრულაფასოვანი განვითარებისათვის; ამის გათვალისწინებით მშობლებმა აუცილებლად უნდა ატარონ ბავშვები რეგულარულ ვიზიტებზე ექიმ-ოფთალმოლოგებთან.
გააკეთეთ კომენტარი
თარიღი : 29-10-2014
გამარჯობათ,ჩემ ბიჭს დაბადებიდან არ ქონდა გახსნილი საცრემლე არხები ორივე თვალზე,მასაჟით ერთ თვალზე გაეხსნა,მეორე თვალი ისევ ეცრემლება და გამონადენიც აქვს როგორ მოვიქცე მირჩიეთ,პირველმა ექიმმა მითხრა თუ არ გაეხსნა ზონდირებას გაუკეთებთო,შემდეგ პოლიკლინიკის ე
გამარჯობათ,ჩემ ბიჭს დაბადებიდან არ ქონდა გახსნილი საცრემლე არხები ორივე თვალზე,მასაჟით ერთ თვალზე გაეხსნა,მეორე თვალი ისევ ეცრემლება და გამონადენიც აქვს როგორ მოვიქცე მირჩიეთ,პირველმა ექიმმა მითხრა თუ არ გაეხსნა ზონდირებას გაუკეთებთო,შემდეგ პოლიკლინიკის ექიმმა მითხრა ეგ გამოსავალი არ არის შეიძლება ქრონიკული ცრემლდენა დარჩესო.გთხოვთ მიპასუხოთ და დამაკვალიანოთ.მადლობთ
თარიღი : 01-10-2014
mzia.gurgenashvili@gmail.com
ჩემი ლელო 10 წლისაა, დაუდგინეს ასტიგმატიზმი. ვარჯიშები ერთი კურსი ჩავუტარეთ, მხედველობა +5 აქვს. ამ შემთხვევაში ვარჯიშები უნდა გავაგრძელო თუ რამე სხვა მოვიმოქმედო.
თარიღი : 20-09-2014
,...
ჩემი შვილი არის 4 წლის,ერთი ტვეა შევამჩნიე ხსირად ახამხამებს თვალებს,რისი ბრალი სეიძლება იყოს?
თარიღი : 03-08-2014
Fill all markeds fields
როგორ ფიქრობთ, 9 თვის ბავშვისთვის დაშვებულია სათვალის ტარება?
თარიღი : 11-06-2014
www.mkurnali.ge
ჩემი შვილი არის 4წლის ტელევიზორთან ჯდება ახლოს როცა შენიშვნას ვაძლევ უკან იხევს და ახლოდან აგარ უყურებს მაგრამ ხშირად ახლოდან უყურებს როგორ უნდა მოვიქცე?
დიეტოლოგია
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
კატეგორიის სხვა სტატიები
რუსეთის მეცნიერებათა აკადემიის ბიოქიმიური ფიზიკის ინსტიტუტის თანამშრომლებმა 14-წლიანი კვლევს შედეგები გამოაქვეყნეს.
როგორ ვითარდება მხედველობა მხედველობა ინფორმაციის ძირითადი წყაროა, გარდა ამისა, ის მნიშვნელოვან როლს ასრულებს კომუნიკაციაში.
მხედველობის სისტემის ჩამოყალიბება ხდება 1-5 წლის ასაკში, როდესაც ფორმირდება ძირითადი ფუნქციები: მხედველობის
თამბაქოს მავნე გავლენებს შორის ერთ-ერთი მხედველობის პრობლემათა გაღრმავება და დაბრმავების პროცესის დაჩქარებაა.
მნიშვნელოვანია საკვებ რაციონში იყოს ომეგა-3 უჯერი ცხიმოვანი მჟავებით (თევზი), ვიტამინებით მდიდარი (ხილი და ბოსტნეული) პროდუქტები.
ჯერ კიდევ რამდენიმე წლის წინ, მხედველობის კორექციისთვის ღამის ლინზების გამოყენება ფანტასტიკის სფეროს მიეკუთვნებოდა.
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
ყველაზე ხანდაზმული ქალი მსოფლიოში, 116 წლის კეინ ტანაკა იაპონიაში, ფუკუოკეში ცხოვრობს.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად