რატომ უქვეითდება ბავშვს მხედველობა - მკურნალი.გე

რუბრიკები

ოჯახის მკურნალის ანონსი

ივლისი 2020

კითხვა-პასუხი

რატომ უქვეითდება ბავშვს მხედველობა

რატომ უქვეითდება ბავშვს მხედველობა
როგორ ვითარდება მხედველობა მხედველობა ინფორმაციის ძირითადი წყაროა, გარდა ამისა, ის მნიშვნელოვან როლს ასრულებს კომუნიკაციაში.
კარგი მხედველობა ბავშვს ადრეული ასაკიდან ეხმარება სწორ განვითარებაში.

დაბადებისას ბავშვის მხედველობა სრულად არაა განვითარებული და გარკვეული დრო სჭირდება, რომ პატარას ნორმალური მხედველობა ჩამოუყალიბდეს. დაბადებისას მხედველობის სიმახვილე ყველა ახალშობილს ძალიან დაბალი აქვს. პირველი წლის განმავლობაში ბავშვის მხედველობის სიმახვილე სწრაფად იზრდება, მაგრამ სრულფასოვნად მხედველობის აპარატი ფუნქციონირებას იწყებს, მხოლოდ მაშინ, როდესაც ბავშვი 3-5 წლის ხდება. დაბადებისას თვალების სინქრონული მოძრაობაც არ არის სრულად განვითარებული და სრულყოფილდება ბავშვის სიცოცხლის პირველ წელს.


ამბლიოპია ანუ
„ზარმაცი თვალი“

ამბლიოპია მხედველობის დეფექტია, რომლის დროსაც ტვინს არ შეუძლია ობიექტის ორივე თვალით ერთდროულად აღქმა, ანუ მხედველობა არ არის ბინოკულარული, სივრცითი. ეს ხდება მაშინ, თუ დარღვეულია ერთი თვალის მხედველობა და ეს დარღვევა დიდხანს უცნობი რჩება. ერთი თვალის მხედველობის სიმახვილის დაქვეითების მიზეზი შეიძლება იყოს რეფრაქციის დარღვევა
– შორსმხედველობა, ახლომხედველობა, ასტიგმატიზმი ან კატარაქტა, მინისებური სხეულის შემღვრევა. „უკეთესი“ თვალი ხდება წამყვანი, ხოლო მეორე, მხედველობაში არასაკმარისი მონაწილეობის გამო, დროთა განმავლობაში იწყებს გვერდით გადახრას, ვითარდება სიელმე, რომელიც ხშირად ამბლიოპიის თანმდევია.

ამბლიოპიის კორექცია აუცილებელია, ვიდრე ბავშვი პატარაა, წინააღმდეგ შემთხვევაში, დაავადებულმა თვალმა შეიძლება საერთოდ ვეღარ დაინახოს. რაც უფრო ადრე დაიწყება მკურნალობა, მით მეტია წარმატების შანსი. ექიმი ურჩევს ბავშვს ჯანსაღი თვალი დღეში რამდენიმე საათით დაიფაროს. ეს იმისთვისაა საჭირო, რომ დაავადებულმა თვალმა იმუშაოს.


თუ სათვალე საჭიროა...

ხშირია ბავშვთა თანდაყოლილი შორსმხედველობა, ანუ თანდაყოლილი ასტიგმატიზმი, რომელიც ხშირად ბავშვის ცხოვრების პირველ წელსვე გაივლის.


მხედველობის პრობლემები

ძალიან პატარა ასაკში ბავშვები დაქვეითებულ მხედველობას ბუნებრივად მიიჩნევენ, რადგან მათ არ იციან, რა არის კარგი მხედველობა. სასურველია, სკოლამდე ყველა ბავშვმა გაიაროს ოკულისტის კონსულტაცია.


დალტონიზმი

10 ვაჟიდან (გოგონებთან ეს მაჩვენებელი უფრო დაბალია) დაახლოებით 1 ცუდად არჩევს ფერებს და ხშირად ეს პრობლემა თანდაყოლილია.


მხედველობის შემოწმება

ოკულისტთან პირველი ვიზიტი საჭიროა 3 თვის ასაკში, შემდგომ 7-8 და 12 თვის ასაკში. შემდგომ – წელიწადში 1-2-ჯერ.


როგორ შევარჩიოთ სათვალე სწორად

როდესაც ბავშვს მხედველობის პრობლემა აქვს, საჭიროა სათვალის ტარება. ნუ გააკეთებთ ეკონომიას მისთვის სათვალის შერჩევისას. მხოლოდ განსაკუთრებულ შემთხვევებში შეიძლება კონტაქტური ლინზები ამჯობინოთ, რომელიც აუცილებლად სპეციალისტმა უნდა შეარჩიოს. მხედველობის ლაზერული კორექცია ბავშვთა ასაკში არ ტარდება, რადგანაც ბავშვების მხედველობის ორგანო ბოლომდე არ არის განვითარებული.


შორსმხედველობა, ახლომხედველობა და ასტიგმატიზმი

ნორმალური მხედველობისას ობიექტის გამოსახულება ფიქსირდება ბადურაზე. როდესაც ეს ასე არ ხდება, საუბრობენ რეფრაქციის დარღვევაზე. არსებობს რეფრაქციის დარღვევის სამი ძირითადი სახე:

შორსმხედველობა ანუ ჰიპერმეტროპია: როდესაც ახლო მანძილზე ვერ ხდება საგნების მკაფიოდ დანახვა. შორსმხედველობა მაშინაა, როდესაც თვალის კაკალი ძალიან პატარაა (მოკლე) და ობიექტის გამოსახულება ფიქსირდება ბადურას გარეთ.

ახლომხედველობა ანუ მიოპია: ამ დროს ადამიანი შორს ცუდად ხედავს. მიოპია ვითარდება, თუ თვალის კაკალი გაზრდილია (გაჭიმულია), ამასთან საგნის გამოსახულება ჩნდება არა ბადურაზე, არამედ მის წინ.

ასტიგმატიზმის დროს სინათლის სხივი ფიქსირდება, როგორც წესი, არა ერთ, არამედ რამდენიმე წერტილში. ამის მიზეზი თვალის რქოვანას არასწორი სიმრუდეა.
გააკეთეთ კომენტარი
თარიღი : 25-05-2020
ნანი
გამარჯობათ, ჩემს შვილს დაუდგინდა ამბლიოპია, 7 წლის არის ბიჭია, ორივე თვალზე აქვს -3,75 . თუ შეგიძლიათ მითხრათ რამ შეიძლება გამოიწვია? არის 30 კილო,დაიბადა 4,300 მის მერე სულ მსუქანია არ გამხადა არც ერთ პერიოდში.რა უნდა გავითვალისწინო ? ან კიდევ რამის შემოწმება თუ შეიძლება ? მადლობა წინასწარ.
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
ჰარვარდის სამედიცინო სკოლისა და კეიოს უნივერსიტეტის მეცნიერებმა შეისწავლეს, თუ როგორ მოქმედებს დაბალნახშირწყლოვანი დიეტა
"ნიუ ჰოსპიტალსის" ოფთალმოლოგიის ეროვნულ ცენტრში, რომელიც მომხმარებლებს მომსახურებების
ექიმსა და პაციენტს შორის ურთიერთდამოკიდებულება და კომუნიკაცია ცენტრალური პრობლემაა კლასიკურ სამედიცინო ეთიკაში.
დიაბეტური რეტინოპათია თვალის ბადურას სისხლძარღვების ყველაზე გავრცელებული დაავადებაა.
რუსეთის მეცნიერებათა აკადემიის ბიოქიმიური ფიზიკის ინსტიტუტის თანამშრომლებმა 14-წლიანი კვლევს შედეგები გამოაქვეყნეს.
მხედველობის სისტემის ჩამოყალიბება ხდება 1-5 წლის ასაკში, როდესაც ფორმირდება ძირითადი ფუნქციები: მხედველობის
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად