მხედველობასთან დაკავშირებული რა ცვლილებებია მოსალოდნელი 40 წლის შემდეგ
ასაკის მატებასთან ერთად სხეული ნაკლებად მტკიცე ხდება. ეს ეხება თვალებსაც.
ასაკობრივი პრობლემაა პრესბიოპია - აკომოდაციის ასაკობრივი შესუსტება: ბროლი ვეღარ ღებულობს მაქსიმალურად გამობერილ ფორმას, რის შედეგადაც მცირდება მისი გარდამტეხი ძალა.
პრესბიოპიის ნიშანია მხედველობის ნელი პროგრესირებადი გაუარესება ახლო მანძილზე. მცირე ზომის საგნების დათვალიერება იოლდება მათი თვალიდან დაშორებისას.
ასაკის მატებასთან ერთად შეიძლება განვითარდეს კატარაქტაც (ბროლის შემღვრევა), რაც თვალების დაბერების შესაძლო თანმდევი პროცესია.
კატარაქტის ზოგიერთი ნიშანი მოიცავს:
- ნორმალურ შუქზე კითხვის სირთულე;
- ბუნდოვანი მხედველობა;
- ღამით მხედველობის გაუარესება;
- გაორებული მხედველობა;
- სინათლის გარშემო წარმოსახვითი რგოლების დანახვა;
- სათვალის ხშირად გამოცვლის საჭიროება
როდის უნდა მიმართოთ ექიმს ასაკთან დაკავშირებული მხედველობის ცვლილებების შესახებ
თვალის რუტინული გამოკვლევა აუცილებელია. ამერიკის ოფთალმოლოგთა ასოციაციის რეკომენდაციის მიხედვით, საჭიროა ექიმთან კონსულტაცია შემდეგი ინტერვალებით:
- ასაკი 18-39: მინიმუმ ერთი თვალის გამოკვლევა ორ წელიწადში ერთხელ.
- ასაკი 40-64: თვალის ერთი გამოკვლევა წელიწადში.
- 65 წლის და უფროსი ასაკის: თვალის ორი გამოკვლევა წელიწადში.
- თუ გაქვთ პირადი ან ოჯახური ანამნეზი თვალის დაავადებების ან დიაბეტის შესახებ, საჭიროა ყოველწლიური შემოწმება.
რა შემთხვევაში არ არის მხეედველობის დარღვევა მხოლოდ დაბერების ნიშანი
მხედველობის ზოგიერთი ცვლილება პრესბიოპიას არ შეიძლება დავაბრალოთ. მიმართეთ ექიმს, თუ შეამჩნევთ:
ცვლილებებს ფერების აღქმაში.
პერიფერიული მხედველობის გაუარესებას.
მხედველობის მნიშვნელოვან დაქვეითებას.
მხედველობის უეცარ ცვლილებებს.
ასევე, მხედველობა, რომელიც საერთოდ არ უმჯობესდება სათვალის გამოყენებით, საჭიროებს ექიმის კონსულტაციას.
პრესბიოპია და თვალის სხვა დაავადებები განკურნებადია, ხოლო დროული დიაგნოსტიკა ზრდის მკურნალობის ეფექტურობას.