მარიამ ფოლადაშვილი

თავის მხრივ თვალის სიმშრალე იწვევს მთელ რიგ სიმტომებს, როგორებიცაა სიწითლე, წვის შეგრძნება, ცრემლდენა და სხვა.

ამერიკის ალერგიის, ასთმისა და იმუნოლოგიის კოლეჯის თანახმად, არსებობს ალერგიასთან დაკავშირებული რამდენიმე ტიპის დარღვევა. მათ შორის:

• სეზონური ალერგიული კონიუქტივიტი;
• ვერნალური კონიუქტივიტი;
• ატოპიური კერატოკონიუქტივიტი;
• კონტაქტური ალერგიული კონიუქტივიტი

სეზონური ალერგიული კონიუქტივიტი

სიმპტომები შესაძლოა იყოს:

• წვის შეგრძნება თვალის არეში;
• ქავილი;
• სიწითლე

სეზონურ ალერგიებს ასევე ახასიათებს ცხვირიდან გამონადენი.

ატოპიური და ვერნალური კერატოკონიუქტივიტი

ამ ტიპის კერატოკონიუქტივიტი შესაძლოა გამოწვეული იყოს მტვრით, ცხოველის ბეწვით. ატოპიური და ვერნალური კერატოკონიუქტივიტი მწვავედ მიმდინარეობს და შესაძლოა გაუარესდეს წლის სხვადასხვა მონაკვეთში.

სიმპტომები მოიცავს:

• თვალში უცხო სხეულის შეგრძნებას;
• სინათლისადმი მგრძნობელობის მომატებას;
• ქავილს

კონტაქტური ალერგიული კონიუქტივიტი

ამ ტიპის კონიუქტივიტი ვითარდება თვალის უცხო სხეულთან პირდაპირი კონტაქტისას, მაგალითად, ლინზასთან.

დამახასიათებელი სიმპტომებია:

• ლინზის ტარებისას დისკომფორტის შეგრძნება;
• ქავილი;
• სიწითლე

ამერიკის ალერგიის, ასთმისა და იმუნოლოგიის კოლეჯის რეკომენდაციით, მკურნალობისათვის სასურველია:

• კონტაქტური ლინზის ტარება სათვალის ნაცვლად;
• ცხოველებთან კონტაქტის შემდეგ ხელების კარგად დაბანა;
• გარემოს მაღალი დაბინძურების პირობებში შეძლებისდაგვარად სახლში დარჩენა;
• ქუჩაში ყოფნისას მზის სათვალის ან ჩვეულებრივი სათვალის ტარება;
• საცხოვრებელ გარემოში სისუფთავის შენარჩუნება და ჰიგიენის დაცვა;
• ალერგენთან კონტაქტის შემდეგ სახის სწრაფად დაბანა

ექიმთან კონსულტაციის შემდეგ შესაძლებელია თვალის წვეთების გამოყენება.

თუკი გარკვეული პერიოდის შემდეგ არ შეინიშნება სიმპტომების შემსუბუქება, აუცილებელია ექიმთან ვიზიტი.