რა გართულებები შეიძლება გამოიწვიოს ფილტვისმიერმა ჰიპერტენზიამ
ფილტვისმიერი ჰიპერტენზიის მიზეზის დადგენა ყოველთვის ვერ ხერხედება, თუმცა არსებობს მდგომარეობები, რომლებიც ფილტვის არტერიის დაზიანებას იწვევს. მათ შორისაა:
- გულისა და სისხლძარღვების დაავადებები - გულის თანდაყოლილი მანკი, ფილტვის არტერიების თანდაყოლილი შევიწროება, აორტის სტენოზი;
- ღვიძლის დაავადებები (ციროზი);
- ნამგლისებრუჯრედოვანი ანემია;
- ფილტვებში თრომბები;
- თირკმლის ქრონიკული უკმარისობა;
- ფარისებრი ჯირკვლის დარღვევები;
- ფილტვის ქრონიკული ობსტრუქციული დაავადება;
- ძილის აპნოე;
- ემფიზემა;
- ფილტვის სიმსივნე
ფილტვისმიერი ჰიპერტენზიის განვითარების ალბათობას ზრდის ნიკოტინის მოხმარება, ზოგიერთი პარაზიტული დაავადება(ექინოკოკი)
სიმპტომები:
- მშრალი ან სისხლიანი ხველა;
- ტკივილი გულმკერდის არეში;
- დაღლილობა;
- სისუსტე;
- ხმის ჩახლეჩა;
- თავბრუსხვევა, გულისწასვლა;
- გულისრევა ან ღებინება;
- მუცლის და ფეხების შეშუპება;
- ქოშინი(თავდაპირველად ფიზიკური დატვირთვისას, შემდეგ კი მის გარეშე)
რა გართულება შეიძლება გამოიწვიოს ფილტვისმიერმა ჰიპერტენზიამ
როდესაც ფილტვის არტერიებში წნევა იმატებს, ხდება არტერიერიების შევიწროება, შესაბამისად გულს მეტი დატვირთვით მუშაობა უხდება, რათა ფილტვებში გადატუმბოს სისხლი
ფილტვისმიერი ჰიპერტენზია შესაძლოა გართულდეს:
- გულის უკმარისობით;
- არითმიით;
- ანემიით;
- ფილტვებში სისხლდენით;
- ფილტვის არტერიებში თრომბების წარმოქმნით;
- ღვიძლის დაზიანებით
ფილტვის ჰიპერტენზიის მკურნალობის გეგმა გამომწვევი მიზეზის გათვალისწინებით დგება. ცხოვრების უკეთესი ხარისხის უზრუნველსაყოფად აუცილებელია:
- ჯანსაღი ცხოვრების წესით ცხოვრება - რაშიც ჯანსაღი კვება(განსაკუთრებით მარილის შეზღუდვა) და ფიზიკური აქტივობა იგულისხმება;
- მედიკამენტური თერაპია;
- ჟანგბადის მიწოდება
პრევენციისათვის კი საჭიროა იმ დაავადებების მკურნალობა, რომლებიც ფილტვისმიერ ჰიპერტენზიას იწვევენ, მაგალითად, გულის დაავადებები, ფილტვის ქრონიკულ ობსტრუქციული დაავადება. აუცილებელია, ვაქცინაცია გრიპის, პნევმოკოკის და სხვა დაავადებების დროს.