ასაკის მატება, პასიური ცხოვრების წესი და კვების არასწორი, არაჯანსაღი რეჟიმი ბუასილის განვითარების შანსს მნიშვნელოვნად ზრდის. მისი სიმტომებია ტკივილი, წვა, წავილი ანალურ მიდამოში და რიგ შემთხვევაში სისხლდენა კუჭის მოქმედების დროს. ეს ყველაფერი საკმაოდ სერიოზულ პრობლემებში შეიძლება გადაიზარდოს, თუ დროულად არ მიაქცევთ ყურადღებას.

მიუხედავად ამისა დღეს ჰემოროი იგივე ბუასილი ერთ–ერთ ყველაზე დელიკატურ დაავადებად მიიჩნევა და ძალიან ბევრი ადამიანი პროქტოლოგთან ვიზიტისგან თავს იკავებს. ისინი მიმართავენ თვითმკურნალობას, რისთვისაც, როგორც წესი, ჰემოროიდულ სანთლებსა და მალამოებს იყენებენ ექიმის დანიშნულების გარეშე. სანთლების სისტემატიურმა გამოყენებამ კი რეალურად შეიძლება მკურნალობის ნაცვლად, ნეგატიური შედეგი მოიტანოს.

რა შემთხვევაშია საჭირო ჰემოროიდული სანთლები და შეიძლება თუ არა მათი ექიმის დანიშნულების გარეშე გამოყენება – ამ და სხვა საინტერესო საკითხებზე კლინიკა "ინიციოს" პროქტოლოგიური სამსახურის ხელმძღვანელი, ექიმი-პროქტოლოგი ბექა კევლიშვილი გვესაუბრება.

რა შემთხვევაშია საჭირო ჰემოროდიული სანთლების გამოყენება?

სანთლები ბუასილის მკურნალობის ერთ–ერთი აუცილებელი კომპონენტია. თუ პაციენტს აწუხებს წვა, ქავილი ან ტკივილი ანალურ მიდამოში, მას აუცილებლად ვუნიშნავთ სანთლებს. ასევე ბუასილის დროს, როდესაც კვანძები თავისით უბრუნდება საწყის მდგომარეობას და ზოგჯერ პაციენტი ვერც კი ხვდება, რომ ბუასილი აქვს, უკვე აუცილებელია ჰემოროიდული სანთლების გამოყენების დაწყება, რაც თავიდან აგვარიდებს დაავადების შემდგომ პროგრესირებას.

შეიძლება თუ არა ჰემოროიდული სანთლების ექიმის დანიშნულების გარეშე გამოყენება?

ბუასილის სამკურნალო სანთლების და მალამოს უმრავლესობის გამოყენება არ შეიძლება ექიმის დანიშნულების გარეშე, რადგან მათ შემადგენლობაში შედის ან ჰორმონალური საშუალება, ან ტკივილგამაყუჩებელი მედიკამენტი. პრეპარატების არასწორმა გამოყენებამ შესაძლოა გამოიწვიოს გართულებები. მაგალითად, ორსულებში, მეძუძურებში - ასეთი სანთლების გამოყენება დაუშვებელია. არადა, ბუასილი საკმაოდ ხშირია სწორედ მშობიარობის შემდეგ პერიოდში. თუმცა დღეს ბაზარზე არსებობს ისეთი საშუალებებიც, რომელიც მართლაც უსაფრთხოა ნებისმიერ ვითარებაში. მაგალითად, ასეთია "რეპარონის" სანთელი და მალამო, მათი გამოყენება უსაფრთხოა ორსულობის და ლაქტაციის პეროიდში, რადგან პრეპარატი მოქმედებს მხოლოდ ადგილობრივად.

დეტალურად რომ აგვიხსნათ, რა განსხვავებაა ბაზარზე არსებულ ჰემოროდიულ სანთლებს შორის?

ამ შემთხვევაში განსხვავება არის შემადგენლობა. დანიშნულება ყველას ერთი აქვს, რომ მოაგვაროს ჰემოროიდული პრობლემები და გააქროს ტკივილი. მოგეხსენებათ, ადამიანები ხშირად თავს არიდებენ პროქტოლოგთან ვიზიტს და თვითმკურნალობას ცდილობენ. ამ შემთხვევაში დიდი მნიშვნელობა აქვს უსაფრთხო მედიკამენტის გამოყენებას. საბედნიეროდ, დღეს გვაქვს საშუალება, გამოვიყენოთ ბუნებრივი ინგრედიენტებისგან დამზადებული მედიკამენტები, რომლებიც ძალიან ეფექტურია და სრულიად არაა საზიანო.

უნდა შეიცავდეს თუ არა ანტიბიოტიკებსა და ჰორმონებს სანთელი?

ეს დამოკიდებულია კონკრეტულ შემთხვევაზე. ზოგადად, არსებობს ჩვენებები, როცა ასეთი სანთლის გამოყენება აუცილებელია. თუმცა მეორე მხრივ, დღეს, ბაზარზე არის არანაკლებ ეფექტური საშუალებები, რომლებიც არც ჰორმონს შეიცავენ და არც ტკივილგამაყუჩებელს, თუმცა ძალიან სწრაფად ხსნიან ტკივილს, შეშუპებას, დისკომფორტს და ხელს უწყობენ კვანძის დაპატარავებას.

რა პრობლემები შეიძლება გამოწვიოს სანთლის გადაჭარბებულმა მოხმარებამ?

ანტიბიოტიკის და ჰორმონის შემცველი სანთელი უნდა იქნას გამოყენებული ექიმის დანიშნულებით. მათი გადაჭარბებული და ან არასწორი გამოყენება ანალური/პერიანალური დერმატიტის, კანზე ეროზიების, ან წყლულების განვითარების მაღალ ალბათობას ქმნის.

რა კრიტერიუმების მიხედვით უნდა შეარჩიოს მომხმარებელმა ჰემოროდიული სანთელი?

მთავარი კრიტერიუმებია: უსაფრთხოება, ეფექტურობა და ღირებულება. ბუასილი ხანგრძლივად მიმდინარე დაავადებაა და მკურნალობაც ხანგრძლივია. ამიტომ პრეპარატი უნდა იყოს უსაფრთხო და ეფექტური, რომ სწრაფად მოხსნას შემაწუხებელი სიმპტომები.