როგორ კეთდება ოპერაცია ბუასილის დროს - თუ ჰემოროიდული კვანძები გაქვთ (ნახეთ ვიდეო) - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორ კეთდება ოპერაცია ბუასილის დროს - თუ ჰემოროიდული კვანძები გაქვთ (ნახეთ ვიდეო)

კონსერვატიულ მკურნალობას.

ჰემოროიდული ვენები არის სისხლძარღვები, რომლებიც მოთავსებულია ანუსისა და სწორი ნაწლავის კედლებში.

ჰემოროიდულ კვანძებზე(ბუასილზე) ვსაუბრობთ მაშინ, როდესაც ეს ვენები იბერება და მათ გარშემო არსებული ქსოვილი ანთებადი ხდება.

სწორი ნაწლავის უკიდურესად ქვედა ნაწილში მდებარეობის შემთხვევაში გამოიყენება ტერმინი გარე ჰემოროიდი, ხოლო უფრო ღრმად მდებარეობის შემთხვევაში - შიდა ჰემოროიდი.

შიდა ჰემოროიდის კლასიფიკაცია ხდება იმის გათვალისწინებით, თუ რამდენად პროგრესირებულია პროცესი:

  • პირველი ხარისხის შიდა ჰემოროიდი ყოველთვის რჩება სწორ ნაწლავში.
  • მეორე ხარისხის შემთხვევაში ჰემოროიდული კვანძი გამოდის გარეთ დეფეკაციის დროს, მაგრამ შემდეგ თავისით ბრუნდება სწორი ნაწლავის არხში.
  • მესამე ხარისხის ჰემოროიდი დეფეკაციის დროს გამოდის არხიდან და დამოუკიდებლად არ შეუძლია უკან დაბრუნება(თითით მიწოლის შემთხვევაში ბრუნდება არხში).
  • მეოთხე ხარისხის კვანძი კი მუდმივად გარეთაა და უკან საერთოდ არ ბრუნდება.

ჰემოროიდექტომია შესაძლოა გაკეთდეს ზოგადი ან ადგილობრივი ანესთეზიით.

ზოგადი ანესთეზიის შემთხვევაში დამაძინებელ მედიკამენტებს გაგიკეთებენ ინტრავენურად ან სასუნთქი ნიღბის საშუალებით. პირის გავლით ტრაქეაში მოათავსებენ სასუნთქ მილს, რომელიც დაგეხმარებათ სუნთქვაში ოპერაციის მიმდინარეობის მანძილზე.

ქირურგი გამოიყენებს სკალპელს, ელექტროკოაგულატორს ან ლაზერს ჰემოროიდული კვანძის გარშემო განაკვეთის გასაკეთებლად.

გამოყოფს გაბერილ ვენას და გადაკვანძავს სისხლდენის თავიდან ასაშორებლად, შემდეგ კი მოკვეთავს ანთებად ქსოვილთან ერთად.

ქირურგმა ჭრილობა შეიძლება დატოვოს ღიად ან დაადოს ნაკერი.

ბოლოს ქირურგი ჭრილობაზე მოათავსებს მედიკამენტებით გაჟღენთილ სახვევს, რაც ხელს შეუწყობს შეხორცების პროცესს და დაიცავს ჭრილობას ინფიცირებისგან.

ამ ოპერაციას დაახლოებით ერთი საათი სჭირდება.

ოპერაციის დასრულების შემდეგ მოგცემენ რეკომენდაციებს, რომ მიიღოთ მაღალ ბოჭკოვანი საკვები და დიდი რაოდენობით სითხე შეკრულობის თავიდან ასაცილებლად.

გამოჯანმრთელების პერიოდი საშუალოდ 2 კვირიდან 2 თვემდე გრძელდება. ექიმმა შესაძლოა დაგინიშნოთ თბილი აბაზანები, კონკრეტული მედიკამენტები და განავლის დამარბილებლები.

ზოგი პაციენტი ოპერაციის დღესვე ბრუნდება სახლში, მაგრამ სხვა შემთხვევებში საჭიროა საავადმყოფოში დარჩენა 1-2 დღის მანძილზე.

უნდა დაუკავშირდეთ ექიმს, თუკი გაქვთ შემდეგი ჩივილები: ცხელება, ძლიერი ტკივილი, ჭრილობიდან გამონადენი, სიწითლე, შესიება.