დიაბეტური ნეიროპათია - ძირითადი მიზეზები და სიმპტომები
იწვევს პაციენტის ნერვული სისტემის დაზიანებას. აღნიშნული დაავადება ხშირად ვითარდება შაქრიანი დიაბეტის გაჩენიდან წლების შემდეგ.
ეს პრობლემა უჩნდება იმ პაციენტებს, რომლებიც დაავადებულები არიან შაქრიანი დიაბეტის 1 და 2 ტიპებით.
დაავადების ძირითადი მიზეზებია:
- ჰიპოქსიის მდგომარეობაში მყოფი ნერვების კვების დარღვევა;
- შაქრის მაჩვენებლის სწრაფი ცვლილება ნორმიდან მაღალ მაჩვენებლამდე;
- საკვები ნივთიერებების შეწოვისა და გადამუშავების დარღვევა
დაავადებას ახასიათებს შემდეგი სახის სიმპტომები:
- კიდურების მგრძნობელობის შემცირება ტემპერატურის, ტკივილის, ვიბრაციის მიმართ (1 სტადია სუბკლინიკური);
- მთელ სხეულში მწვავე ტკივილი, სხეულის ზოგიერთი ნაწილის და ზოგადად მგრძლობელობის დაკარგვა (მე-2 სტადია კლინიკური);
- წვა და ტკივილი სხეულის სხვადასხვა ნაწილში, განსაკუთრებით ფეხებში, რომელიც ძლიერდება ღამის პერიოდში;
- უმტკივნეულო ნეიროპათიის დროს ტერფებში მგრძნობელობის დაკარგვა;
- კუნთების სისუსტე;
- სიმძიმის შეგრძნება სიარულის დროს;
- კანზე წყლულების გაჩენა
სიმპტომების უგულვებელყოფის შემთხვევაში მდგომარეობა რთულდება, გართულებულ ეტაპზე კი მკურნალობა არაეფექტურია. სწორედ ამიტომ, დიაბეტური ნეიროპათიის მცირე სიმპტომების დროსაც კი საჭიროა სასწრაფოდ ნევროლოგთან ვიზიტი.
მკურნალობა მოიცავს:
- В ჯგუფის ვიტამინების მიღებას (В1, В2, В6, В12), რომლებიც ხელს უწყობენ იმპულსების უკეთ გადაცემას;
- მაგნიუმის, კალციუმის შემცველი პრეპარატების მიღება;
- ალფა-ლიპოური მჟავის მიღებას;
- ანტიბიოტიკების მიღება განგრენის თავიდან ასაცილებლად
დაავადების მკურნალობის არ არსებობის შემთხვევაში პაციენტი კარგავს კიდურებს, რის გამოც სრულად ირღვევა მისი ცხოვრების წესი. თუმცა დაავადების ადრეულ ეტაპზე აღმოჩენის და მკურნალობის ჩატარების შემთხვევაში კიდურების გადარჩენის შანსი დიდია და შედეგიც დადებითია.
დაავადების პროფილაქტიკისთვის რეკომენდირებულია:
- ნეიროპათიის მცირედი გამოვლინებისთანავე მედიკამენტური თერაპიის ჩატარება;
- ექიმი-ენდოკრინოლოგისა და ექიმი-ნევროლოგის მუდმივი კონტროლი;
- შაქარზე ანალიზის ჩაბარება რეგულარულად;
- ცხოვრების ჯანსაღი წესის ქონა