მარიამ ფოლადაშვილი

თირკმელების დაავადებების ერთ-ერთი გავრცელებული მიზეზი დიაბეტია.

ჯანსაღ თირკმელებში სისხლი უმცირესი სისხლძარღვების მეშვეობით იფილტრება ნარჩენი პროდუქტებისაგან. დიაბეტისას თირკმლის სისხლძარღვები ზიანდება. სისხლძარღვებს ყველაზე მეტად სისხლში გლუკოზის მაღალი შემცველობა აზიანებს, შესაბამისად, ვეღარ ასრულებს თავის ფუნქციას.

თირკმლის დაზიანების რისკი იზრდება მწეველებში, ჭარბწონიან პირებში, არასაკმარისი ფიზიკური აქტივობისას, ჭარბი მარილიანი საკვების მიღებისას, გულის დაავადებების მქონე პირებში.

თირკმლის ჯანმრთელობის შესანარჩუნებლად აუცილებელია დიაბეტის მართვა და კონტროლი.

დაზიანებული თირკმლის ნიშნებია:

• ცილები შარდში;
• მადის დაქვეითება;
• მომატებული არტერიული წნევა;
• ხშირი შარდვა;
• ტერფების და კოჭების შეშუპება;
• სისხლში კრეატინინის მომატება;
• უძილობა;
• ფეხი კუნთების კრამპი

დიაბეტური ნეფროპათია არ იკურნება. მკურნალობის მიზანი დაავადების მართვა და დაზიანების ტემპის შემცირებაა.

პრევენციისათვის აუცილებელია:

• სისხლში გლუკოზის დონის კონტროლი;
• არტერიული წნევის კონტროლი;
• სწორი კვება(ხილით და ბოსტნეულით მდიდარი რაციონი) - უნდა შემცირდეს მარილის მოხმარება, სიფრთხილით უნდა მოხდეს კალიუმის(ჩირი, კარტოფილი, პომიდორი,რძე, იოგურტი), ფოსფორის და ცილების შემცველი პროდუქტების მიღება