საშარდე გზების ინფექციები - რისკ-ფაქტორები და პრევენცია
თუმცა, ბაქტერიული ინფექცია ყველაზე გავრცელებული მიზეზია (მაგალითად, ეშერიხია კოლი საშარდე გზების ინფექციის ყველაზე გავრცელებული გამომწვევია).
საშარდე გზების ინფექციების გამომწვევ სხვა ფაქტორებს შორისაა სოკოები და პარაზიტები. ამ მიზეზებით გამოწვეული ინფექციები შესაძლოა შეგვხვდეს იმუნოსუპრესირებულ პაციენტებში, დიაბეტის მქონე პირებში და იმ ადამიანებში, რომლებიც ანტიბიოტიკოთერაპიას გადიან.
საშარდე გზების ინფექციები იყოფა:
- ზედა საშარდე გზების (რომელიც მოიცავს თირკმლის პარენქიმას, მენჯს, შარდსაწვეთს) ინფექციებად - სიმპტომები კი მოიცავს ცხელებას შემცივნებას, ფერდის არეში ტკივილს, დიზურიას;
- ქვედა საშარდე გზების ინფექციებად - შესაძლოა გამოვლინდეს მოშარდის დაწყების გაძნელებით,დიზურიით,შარდის შეკავებით ან არასრული დაცლით, ხშირი შარდვით
საშარდე გზების იფექციების განვითარების რისკ-ფაქტორები:
- შინაგანი ობსტრუქცია - კენჭი, საშარდე გზების სიმსივნე;
- გარეგანი ობსტრუქცია - სიმსივნე, ფიბროზი, რომელიც საშარდე გზებზე ზეწოლას იწვევს;
- შარდის შეკავება;
- შარდვის დისფუნქცია;
- თირკმლის ფუნქციის დარღვევა;
- შაქრიანი დიაბეტი;
- სიმსუქნე;
- დაბერება;
- აივ ინფექცია;
- ყაბზობა;
- მენოპაუზა;
- ორსულობა'
- პირადი ჰიგიენის დაუცველობა
მკურნალობა და მართვა მოიცავს ინფექციის სიხშირის შემცირებას და ინფექციის ადრეული აღმოჩენა.დისკომფორტის შემსუბუქების მიზნით კი სასურველია თბილი აბაზანების მიღება.
პრევენციისათვის აუცილებელია შარდის ბუშტის რეგულარული და სრული დაცლა, საკმარისი რაოდენობით სითხის მიღება. სასურველია მოცვის წვენის ან მოცვის აბების (ექიმის რეკომენდაციით) მიღება, რამაც შესაძლოა შეამციროს საშარდე გზების ინფექციის სიხშირე. ითვლება, რომ მოცვში შემავალი ფერმენტები აინჰიბირებს შარდის ბუშტის კედელზე საშარდე გზების პათოგენების(განსაკუთრებით,ეშერიხია კოლის) მიმაგრებას.