მარიამ ფოლადაშვილი

რომელიც გავლენას ახდენს გულზე. ყველაზე ხშირად, ეს ეხება ათეროსკლეროზულ გულ-სისხლძარღვთა დაავადებას.

ათეროსკლეროზი ნიშნავს სისხლძარღვების შიგნითა ზედაპირზე ქოლესტერინის დალექვას. დალექვა შეიძლება მოხდეს:

• კორონარულ არტერიებში, რომლებიც სისხლით ამარაგებენ გულს;
• პერიფერიულ არტერიებში, რომლებიც სისხლით ამარაგებენ კიდურებსა და ტვინს

მიუხედავად იმისა, რომ ნადების დაგროვებამ შეიძლება გამოიწვიოს სერიოზული გართულებები, არსებობს ნაბიჯები, რომელთა გადადგმაც შეგიძლიათ გულის დაავადების თავიდან ასაცილებლად;

იკვებეთ იმ პროდუქტებით, რომლებიც გულის ჯანმრთელობას უწყობს ხელს

ხმელთაშუა ზღვის დიეტა კვლავ რჩება გულის დაავადებების ეფექტურ პრევენციულ ღონისძიებად. ამ ტიპის დიეტა მოიცავს: ხილს, ბოსტნეულს, მთლიან მარცვლეულს, ჯანსაღ ცხიმებს(მაგალითად, ზეითუნის ზეთი).

2018 წლის New England Journal of Medicine-ის კვლევამ აჩვენა, რომ კვების ეს გზა არამარტო ქოლესტერინის დონეს და არტერიულ წნევას ამცირებს, არამედ ის ასევე ამცირებს ინსულტისა და გულის შეტევის რისკს.

ივარჯიშეთ რეგულარულად

გული არის კუნთი, რომელსაც ვარჯიში სჭირდება. აერობიკული ვარჯიში ხელს უწყობს გულის სისტოლური ფუნქციის შენარჩუნებას (ამოტუმბვა). რეგულარული ვარჯიში ხელს უწყობს არტერიული წნევის ნორმალიზაციას და წონის კონტროლს. რეკომენდებულია ყოველ კვირა მინიმუმ 150 წუთი ზომიერი (სწრაფი სიარული ან მსუბუქი სირბილი) ინტენსივობის ვარჯიში. მას შემდეგ რაც აერობიკას ჩვევად აქცევთ, შეგიძლიათ ჩართოთ შედარებით ინტენსიური ვარჯიში.

ნუ მოწევთ სიგარეტს.

გაიარეთ რეგულარული სკრინინგი

გასათვალისწინებელია, რომ გულის დაავადებებზე გავლენას ახდენს გენეტიკური ფაქტორები, რომელთა შეცვლა თითქმის შეუძლებელია. ამიტომ, გარკვეულ მომენტში შეიძლება დაგჭირდეთ მედიკამენტების მიღება გულის დაავადების თავიდან ასაცილებლად.

ამერიკის გულის ასოციაცია (AHA) რეკომენდაციას უწევს შემდეგი სახის სკრინინგ- კვლევების ჩატარებას გულის ჯანმრთელობისთვის:

• არტერიული წნევის შემოწმება;
• ქოლესტერინი: შეგიძლიათ ჩაიტაროთ კვლევა ლიპოპროტეინების პროფილით, რათა გაზომოთ საერთო, ,,კარგი" და ,,ცუდი" ქოლესტერინის დონე ყოველ 4-6 წელიწადში ერთხელ. თუ თქვენ გაქვთ გულის დაავადების და ინსულტის განვითარების მაღალი რისკი, კვლევები უფრო ხშირად უნდა ჩაიტაროთ;
• წელის გარშემოწერილობა: ეს შეიძლება გაკეთდეს საჭიროებისამებრ, რათა შეფასდეს გულ-სისხლძარღვთა დაავადებების განვითარების რისკი.
• სისხლში გლუკოზის ტესტი: ამერიკის დიაბეტის ასოციაცია რეკომენდაციას უწევს ტესტირებას პრედიაბეტზე და დიაბეტის რისკზე 45 წლის ასაკიდან. თუ რისკი დაბალია, ტესტირება შეიძლება განმეორდეს სამწლიანი ინტერვალით. თუ ცხოვრობთ პრედიაბეტით, ტესტირება ტიპი 2 დიაბეტზე უნდა გაიაროთ ყოველ ერთ ან ორ წელიწადში

უმჯობესია თუ შეზღუდავთ ალკოჰოლის მიღებას. ალკოჰოლის ჭარბი მიღება ზრდის გულის დაავადების რისკს. დღეში სამ ჭიქაზე მეტი ალკოჰოლის მოხმარება მავნეა. ამიტომ, ქალებისთვის ოპტიმალური დოზა დღეში ერთი ჭიქაა, ხოლო კაცებისთვის ორი-სამი.

ალკოჰოლმა შეიძლება გააუარესოს ზოგიერთი მდგომარეობა:

• შაქრიანი დიაბეტი;
• მაღალი არტერიული წნევა;
• გულის უკმარისობა;
• კარდიომიოპათია

ამას გარდა, შეამცირეთ სტრესის დონე, მოიწესრიგეთ ძილის რეჟიმი, მართეთ დიაბეტი, აკონტროლეთ არტერიული წნევა და ქოლესტერინი, რათა შეინარჩუნოთ გულის ჯანმრთელობა.